MIHKA 3:9 - Jinghpaw Common Language Bible 2009

⁹ Teng man ai lam hpe n dawng ai hte shut hpyit maga de kayin hkawm nga ai Israela a mungdu salang ni e, nye a ga madat mu.

Jinghpaw Hanson Version Bible

⁹ Tara ding ai lam matsat kau nna, tengman ai lam yawng hpe shanut kau ai, Yaku a dap na du ai hte, Israela dap na agyi salang ni e, ndai lam madat mara mu.

MIHKA 3:9 ပူးပေါင်းရင်းမြစ်များ

NEHEMIA 13:17

Ngai mung Yuda ningbaw ni hpe, “Nanhte galaw nga ai n hkru ai amu hpe yu yu mu! Nanhte gaw Bansa Nhtoi hpe n chyoi n pra shangun nga myit hka!

PRU MAT 3:16

Sa nna Israela a ningbaw ni hpe jahpawng shinggyin da nna shanhte a kaji kawa ni a Karai Kasang, Abraham, Isak hte Yaku ni a Karai Kasang Ngai Madu nan nang kaw dan pru ni ai lam shanhte hpe tsun dan u. Shanhte hpang de ngai nan du ni ai rai nna, shanhte hpe Egutu masha ni kaning rai roi rip nga ai hpe mung ngai mu se ai lam shanhte hpe tsun dan u.

GA SHAGAWP 17:15

Tara n lang ai wa hpe mara shalawt dat ai mung, mara n kap ai wa hpe daw dan ai mung, dai Madu n dawng nga ai.

GA SHAGAWP 17:23

Gumhpraw marin ai tara agyi ni gaw mayun kumhpa hpe la sha ai majaw; tara malang ai amu hpe n galaw ya nga ma ai.

GA SHAGAWP 18:5

Mara lu ai wa hpe myi man tau ya na n ang nga ai; mara n kap ai wa hpe tara dara ai hta sum shangun na n mai nga ai.

GA SHAGAWP 21:7

Tara n lang ai ni gaw kashun kashe, du daw sai hkaw ai amu hta si htum mat na mara ai; shanhte gaw teng man ai amu galaw na matu ningdang kau ma ai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

YEREMIA 5:28

Shanhte gaw hpa majaw hpum sau ai hte lu pyaw sha pyaw nga ma ta? Shanhte a n hkru ai amu galaw ai lam ni hta shadaw shadang n nga nga ai. Shanhte gaw jahkrai ma ni hpe shanhte a ahkaw ahkang n jaw ma ai, dip gamyet sha hkrum ai ni hpe teng man rap ra ai tara n madun ma ai.

EZEKELA 44:23

“Dai hkinjawng ni gaw nye a amyu masha ni hpe chyoi pra ai hte n chyoi n pra ai hpe chye ginhka lu na matu mung, nawku htung hte seng ai san seng ai hte n san n seng ai lam ni hpe mung sharin achyin ya ra nga ma ai.

HOSEA 5:1

Nanhte hkinjawng ni e, ndai lam na la mu! Israela amyu masha ni e, madat mu! Hkawhkam htingnu na dinghku hte seng ai ni e, na la mu! Nanhte gaw teng man ai hku jeyang hkrum na zawn nawn nga myit dai; dai rai nna tara jeyang ai gaw nanhte a ntsa e du na ra ai! Nanhte gaw Mizpa mare e mahkam tai nna, Tabora Bum ntsa e sumgawn kahpyan tawn ai hte

JAW JAU 26:15

Nye a tara ni hte hkang da ai ga matsun ni hta hkan sa na matu nanhte lale kau nna nanhte hte ngai shagrin da sai ga shaka hpe jahten kau myit dai rai yang, nanhte hpe ari jaw na made ai.

AMO LAIKA (AMOS) 5:7

Nanhte gaw teng man rap ra ai tara hpe manai kau nna amyu masha ni a ahkaw ahkang hpe masu hkalem nga myit dai majaw, dingnye hkrum nga myit dai!

MIHKA 1:1

Ndai gaw Yuda hkawhkam ni rai nga ai Yohtam, Ahaza hte Hezekia ni a lakhtak e, Morashet mare na Mihka hpang de Samari hte Yerusalem hte seng nna dai Madu jaw ya ai mungga rai nga ai.

MIHKA 3:1

Israela a mungdu salang ni e, madat mu! Nanhte gaw teng man ai lam hta lit nga ai ni zawn myit nawn la nga myit dai,

TARA JAHPRANG 27:19

“ ‘Maigan masha ni, jahkrai nmai hte gaida gaina ni lu la ang ai shanhte a ahkaw ahkang ni hpe hkum pat shadang da ya ai wa kadai mung Karai Kasang jaw ai ari hkrum sha u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.