MIHKA 3:8 - Jinghpaw Common Language Bible 2009

⁸ Rai ti mung, nye a matu chyawm gaw, dai Madu ngai hpe shi a wenyi hte daru magam n-gun hte jahpring ya nna tara dara ai nyan hpaji hte Israela amyu masha ni shanhte a yubak lam ni hpe tsun dan lu ai share shagan ai myit ni jaw bang ya nga ai.

Jinghpaw Hanson Version Bible

⁸ Ngai chyawm gaw, Yaku hpe tinang a tara tawt lai ai lam, Israela hpe tinang a yubak lam, madun dan na matu, Yehowa a Wenyi jaw e, n-gun atsam, tara dara ai nyan hte hpung shingkang hpring nga nngai.

MIHKA 3:8 ပူးပေါင်းရင်းမြစ်များ

YOBA 32:18

Ngai gaw ga tsun lu na matu ndawt nga nngai; ngai tsun na ga ni hpe n lu ma-um da lu ni ai.

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

ESAIA 61:2

Dai Madu gaw shi a amyu masha ni hpe Hkye hkrang la nna shanhte a gumlau hpyen ni hpe dang kau na aten du sai lam Tsun shana na matu, Shi ngai hpe shangun dat ni ai. Shi gaw sharung shayawt ai ni yawng hpe shalan shabran na matu

YEREMIA 1:18

Yeremia e, madat u! Ndai mungdan na masha hkum shagu hte Yuda hkawhkam ni, du salang ni, hkinjawng ni hte amyu masha ni gaw nang hpe gumlau na mara ai. Rai ti mung ngai gaw nang hpe shanhte hpe ninghkap na n-gun dai ni jaw ya nga nngai; nang gaw bunghku kum ai mare, hpri shadaw hte magri mang shakum zawn tai na ra ai. Nang hpe makawp maga na matu ngai gaw nang hte rau rai nga nngai majaw shanhte nang hpe dang kau lu na ma n rai. Dai Madu ngai nan tsun ni ai,” ngu nna tsun wu ai.

YEREMIA 20:9

Rai ti mung, ngai gaw, “Ngai gaw dai Madu hpe malap kau na nngai, shi a mying hta mahta nna galoi mung n shaga na ni ai,” ngu nna tsun ai shaloi, na a mungga gaw nye a myit masin kata hta wan zawn hkru nga li ai. Dai hpe hkam jan lu na matu kaja htum ai hku shakut ti mung, dai hpe loi mi pyi n lu sharang lu nngai.

YEREMIA 6:11

Madu e, shanhte hpe hkru shangun ai na a myit kahtet ai gaw ngai hta mung hkru nga ai; ngai gaw dai hpe loi mi mung n sharang lu nga nngai,” ngu nna htan ni ai. Dai hpang, dai Madu gaw ngai hpe, “Nmaw lam ntsa hkan e nga ai ma kaji ni a ntsa e mung, zup hpawng nga ai shabrang ni a ntsa de mung, nye a myit kahtet ai hpe ru dat u. Madu wa ni hte madu jan ni gaw woi la hkrum nna aprat kaba u-gut gu sai ni pyi ngam tawn da hkrum na mara ai n rai.

SHARUNG SHAYAWT 2:14

Na a myihtoi ni gaw masu magaw ga htoi ai hta jan nna hpa mung nang hpe n tsun yu mu ai; Shanhte a hkaw tsun ai myihtoi ga gaw na a shut hpyit ai mara hpe n tsun shapraw, n madun dan ai hku nna, nang hpe masu hkalem kau nu ai. Nang gaw myit malai n lu ra nit dai nga nna, shanhte nang hpe myit sawn kau shangun mu ai.

EZEKELA 16:2

Shi gaw, “Si chye ai masha wa e, Yerusalem galaw sai matsat shabat amu hpa rai nga ai hpe chye lu hkra, madun u.

EZEKELA 20:4

“Si chye ai masha wa e, nang gaw shanhte a ntsa e daw dan na matu jin jin rai nga n ni? Dai amu hpe shadik u. Shanhte a kaji kawa ni shut hpyit ai matsat shabat amu ni, shanhte hpe shadum u.

EZEKELA 22:2

Shi gaw, “Si chye ai masha wa e, nang gaw masha sat ai ni hte hpring nga ai mare hpe tara jeyang na matu jin jin rai nga n ni? Dai mare hta galaw kau sai matsat shabat amu ni mahkra hpe asan sha madun dan u.

EZEKELA 23:36

Dai Madu gaw ngai hpe, “Si chye ai masha wa e, nang gaw Ohola hte Oholiba yan hpe jeyang na matu jin jin rai nga sani? Shan galaw dan sai matsat shabat amu ni a lam hpe mara deng u.

EZEKELA 3:14

Dai Madu a daru magam n-gun gaw nye a ntsa e n-gun kaba hte du yu wa nna, shi a wenyi gaw ngai hpe shapoi mat wa wu ai, shing rai ngai gaw ja ja myit ru ai hte masin kahtet nga nngai.

EZEKELA 43:10

Dai Madu gaw matut nna, “Si chye ai masha wa e, Israela amyu masha ni hpe Nawku Htingnu a lam tsun dan u, shanhte hpe de a yaw shada ai lam chye shangun u. Shanhte a shut hpyit ai yubak ni a majaw shanhte hpe kaya jahkrum u.

MAHTE 7:29

Hpa majaw nga yang, shi gaw tara sara ni zawn n rai, ahkaw ahkang atsam rawng ai ga hte shi shanhte hpe sharin shaga mu ai.

MARKU 3:17

Zebedi a kasha Yaku hte Yaku a kanau Yawhan, (shan nau hpe Buanerga, ngu nna mying hkawt shamying wu ai; de a lachyum “mu ngoi ai kasha yan,” ngu ai rai nga ai.)

1 KORINHTU 2:4

nye a tsun sharin shaga ai lam hte hkaw tsun ai mungga ni hpe masha a hpaji byeng-ya ladat hte seng ai ga ni hpe n lang ai sha, Karai Kasang a Wenyi atsam lawm ai ga ni hpe sha lang nngai.