MIHKA 3:7 - Jinghpaw Common Language Bible 2009

⁷ Du na ra ai aten a matu myihtoi htoi ai ni shanhte a hkrat sum lam a majaw kaya kahpa hkrum na mara ai. Karai Kasang shanhte a ga n htan ya ai majaw, shanhte yawng jahpoi asawng ai hkrum na mara ai.

Jinghpaw Hanson Version Bible

⁷ Shing rai myihtoi ni kaya kahpa hkrum nna, nwawt ni mak mat na mara ai: gaja wa, Karai Kasang n htan ai majaw, shanhte nlang hte gaw, tinang a n-gup pat kau na mara ai.

MIHKA 3:7 ပူးပေါင်းရင်းမြစ်များ

SHAKAWN KUNGDAWN 74:9

Anhte a makam masham hte seng ai chyoi pra ai kumla ni hpe n mu lu saga ai; dai shara hta myihtoi langai mi mung n nga nga sai hte kade daram na hkra, ndai zawn byin wa na lam, kadai mung n chye nga ai.

PRU MAT 9:11

Mandan lakle sara ni mung Mawshe a man e myi man n madun lu ma ai; hpa majaw nga yang, shanhte gaw kaga Egutu masha ni yawng zawn shu duhtau ni hte ka-up da hkrum nga ma ai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

YEREMIA 18:18

Dai hpang, amyu masha ni gaw, “Anhte Yeremia hpe lam lama mi jawm galaw yu ga! Anhte hpe sharin shaga na matu hkinjawng ni, anhte hpe hpaji jaw la na matu hpaji rawng ai masha ni, hte Karai Kasang a mungga hkaw tsun na matu myihtoi ni tut nawng e nga nga na mara ai. Shi tsun ai ga hpe n madat ai sha, shi hpe mara jawm tam yu ga,” ngu nna tsun ma ai.

EZEKELA 24:17

Na a hkrap sharung ai nsen hpe hkum na shangun nga et. Sharung shayawt ai kumla zawn bunghkaw n hkaw ai hte lagaw kaman hte hkum hkawm et. Na a myi man hkum magap et; sharung shayawt ai ni sha ai lusha hkum sha et,” ngu nna tsun wu ai.

EZEKELA 24:22

Dai hpang, ngai galaw ni ai zawn nanhte galaw na marin dai. Nanhte gaw myi man magap lu na myit dai n rai, sharung shayawt ai ni a lusha hpe mung sha lu na myit dai n rai.

JAW JAU 13:45

Manggang kap ai wa gaw je ai hpun palawng ni hpe bu hpun nna kara hpyan kau nhtawm shi a myi man lawu daw magap da let, “N san n seng ai, n san n seng ai,” ngu nna jahtau na rai wu ai.

AMO LAIKA (AMOS) 8:11

“Dai mungdan hta hkuwa hpe ngai dat dat ai shaloi dai aten gaw du wa na ra ai. Amyu masha ni gaw kawsi kyet na mara ai, rai ti mung muk a majaw n rai; shanhte gaw hpang gara na mara ai, rai ti mung hka a majaw n rai. Shanhte gaw dai Madu a mungga hpe kawsi ai hte hpang gara na mara ai. Tsaw Htum ai dai Madu ngai nan tsun ni ai.

MIHKA 3:4

Nanhte dai Madu hpe hpyi jahtau na aten gaw du wa nga sai, rai ti mung shi nanhte hpe htan ya na ra ai n rai. Shi gaw nanhte a akyu hpyi ga ni hpe madat ya na n rai, hpa majaw nga yang nanhte mahtang n hkru ai amu galaw kau manit dai.

MIHKA 7:16

Masha amyu baw ni dai amu hpe mu wa nna shanhte a n-gun atsam yawng hpe dum na malai, dingbai dingna hkrum na mara ai. Shanhte gaw hkrit gari ai hte shanhte a n-gup magum nna shanhte a na ni pat mat na mara ai.

ZEHKARIA 13:4

Dai aten du jang, myihtoi kadai mung shi a shingran hta gumrawng lu na n rai; myihtoi langai zawn galaw lu na n rai, amyu masha ni hpe masu hkalem na nga, myihtoi hpun palawng hpun lu na n rai.

1 SAMUELA 14:37

Dai rai nna, Shawlu gaw Karai Kasang hpe, “Ngai Hpilisti masha ni hpe gasat na rai ni? Anhte hpe awng padang jaw na n ni?,” ngu nna san wu ai. Rai ti mung Karai Kasang chyawm gaw dai shani e n htan ya wu ai.

1 SAMUELA 28:15

Samuela gaw Shawlu hpe, “Nang ngai hpe hpa majaw shatsang bu nga n ni? Nang ngai hpe hpa majaw nhtang shangun nga n ni?,” ngu nna tsun wu ai. Shawlu mung, “Ngai ru yak tsin-yam tsindam kaba hkrum nga nngai! Hpilisti masha ni ngai hpe majan gasat ma ai; Karai Kasang mung ngai hpe kau da nu ai. Shi gaw ngai hpe myihtoi hta mung, yup mang ni hta mung, ngai hpe mahtai loi mi mung n jaw mat nu ai. Dai rai nna ngai hpa galaw sa wa lu na lam, nang ngai hpe tsun dan rit ga ngu nna, ngai nang hpe shaga nngai,” ngu nna htan wu ai.

1 SAMUELA 28:6

shi hpa galaw na lam dai Madu hpe san wu ai. Rai ti mung dai Madu gaw shi hpe yup mang hta mung, Urim hte Htumim lang ai hta mung, myihtoi ni hta mung mahtai loi mi mung n jaw ya wu ai.

1 SAMUELA 9:9

Shawlu gaw, “Dai gaw kaja ai lam langai rai nga ai! Gai sa yu saga,” ngu nna htang tsun wu ai. Dai rai nna, chyoi pra ai wa nga ai mare de sa mat wa ma ai. Shan gaw dai mare nga ai bum de lung wa ma ai shaloi, hka ja na matu pru sa wa ai numsha nkau mi hte hkrum ma ai. Shing rai shan gaw dai numsha ni hpe, “Myi san wa mare kata e n nga a ni?,” ngu nna san ma ai. (Dai aten hta myihtoi wa hpe myi san wa ngu nna shamying ma ai rai nna, marai langai ngai Karai Kasang kaw ga san san mayu ai shaloi, “Myi san wa kaw sa yu ga,” ngu nna shi tsun na wu ai.)