MIHKA 3:5 - Jinghpaw Common Language Bible 2009

⁵ Nye a amyu masha ni hpe masu hkalem ai myihtoi ni gaw shanhte hpe jaw ya ai ni hpe ngwi pyaw sim sa lam lu na ga sadi jaw ma ai, rai ti mung jaw ya ai lam n nga ai ni a matu gaw majan hte jahkrit shama hkrum nga ai. Dai zawn re ai myihtoi ni hpe dai Madu gaw,

Jinghpaw Hanson Version Bible

⁵ Nye a amyu masha ni hpe lam shadam let, hkru hkru sha lu jang, Nang ngwipyaw nga ndai, nga nna mung, n galaw daw ai wa hpe, Nang hpyen hkrum na ndai, nga nna tsun jahtau ai myihtoi ni a lam, Yehowa ning nga ai:

MIHKA 3:5 ပူးပေါင်းရင်းမြစ်များ

GA SHAGAWP 28:21

Masha hpe myi man lata ai lam gaw shut nga ai. Rai ti mung, tara agyi nkau mi gaw kachyi sha re ai mayun kumhpa lu la na matu pyi, shut ai hku tara dara ya na mara ai.

ESAIA 3:12

Gumhpraw hkoi sha ai ni gaw nye a amyu masha ni hpe dip gamyet sha nga ma ai, shanhte a hka madu ni gaw shanhte hpe masu hkalem nga ma ai. Nye a amyu masha ni e, nanhte a ningbaw ni gaw nanhte hpe lam woi shadam nga ma ai, dai rai nna nanhte gaw gara hku kayin wa na lam n chye nga myit dai.

YEREMIA 23:27

Shanhte a kaji kawa ni gaw ngai hpe malap kau ai hte Bala hpara hpang de myi man yawng mat wa ma ai zawn, shanhte tsun hkai ai yup mang shingran ni a majaw nye a amyu masha ni ngai hpe malap kau shangun na shanhte myit nawn ma ai.

YEREMIA 23:32

Dai Madu ngai nan tsun ai ga hpe madat mu! Masu magaw ga amyu amyu hte hpring nna, shanhte a yup mang shingran ni hpe tsun hkai ai myihtoi ni hpe ngai hkap daw na nngai. Shanhte a masu magaw ga ni, kaman lila grang ai ga ni, ndai yup mang shingran ni tsun hkai ai hte nye a amyu masha ni hpe lam woi shadam nga ma ai. Ngai gaw shanhte hpe shangun dat ai n rai, shanhte gaw ndai amyu masha ni a matu dik nna hpa karum shingtau ya lu ma ai n rai. Dai Madu ngai nan tsun ni ai,” ngu nna tsun ai.

YEREMIA 6:14

Masha yawng hte wa n hkam kaja nga yang, ‘Yawng hkra hkam kaja nga ga ai,’ nga nna shanhte tsun let, nye a amyu masha ni a nma ni gaw mahkyit agret kau ai zawn chyu sha rai nga ai ngu, shanhte myit nawn la ma ai.

YEREMIA 6:4

Shanhte gaw, “Yerusalem hpe gasat hkyen manu! Jin jin rai nga mu! Anhte shani chyingtung e gasat na ga ai!,” ngu nna tsun na mara ai. Rai ti mung shanhte gaw, “Nau hpang hkrat mat sai, nhtoi gaw ganoi lai wa magang nga sai, shana maga de na shingnip ni galu nga ai.

SHARUNG SHAYAWT 2:14

Na a myihtoi ni gaw masu magaw ga htoi ai hta jan nna hpa mung nang hpe n tsun yu mu ai; Shanhte a hkaw tsun ai myihtoi ga gaw na a shut hpyit ai mara hpe n tsun shapraw, n madun dan ai hku nna, nang hpe masu hkalem kau nu ai. Nang gaw myit malai n lu ra nit dai nga nna, shanhte nang hpe myit sawn kau shangun mu ai.

EZEKELA 13:9

N teng n man ai myit shingran mu ai myihtoi ni hte lam woi shadam ai myihtoi ga tsun ai myihtoi nanhte hpe ngai ari jaw na nngai. Nye a amyu masha ni daw dan ai lam galaw na matu shinggyin wa ai shaloi, nanhte a amying ni dai Israela amyu jahpan hta lawm lu na ra ai n rai. Nanhte gaw Israela mungdan de galoi mung nhtang wa lu na myit dai n rai. Ngai gaw Tsaw Htum ai Dai Madu rai nga nngai hpe nanhte chye lu na rai myit dai.

HOSEA 4:5

Nanhte gaw shani shana shut hpyit nga myit dai, myihtoi ni gaw nanhte hta grau nna kaja nga ai n rai. Ngai gaw nanhte a kanu Israela hpe jahten kau na nngai.

YOELA 3:9

“Masha amyu baw ni hpe ndai lam ndau shabra mu: ‘Hpyen majan a matu hkyen mu; nanhte a share ninghkrin ni hpe shaga da mu; nanhte a hpyenla ni hpe shinggyin la nna rawt lung wa manu!

MIHKA 2:11

“Dai masha ni gaw masu ga tsun hkawm ai myihtoi baw hpe ra sharawng nga ma ai, ‘Na a matu, sabyi ntsin hte tsa chyaru lwi pru wa na ra ai ngu, ngai myihtoi htoi na nngai,’ ngu nna tsun ai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MALAHKI 2:8

“Rai ti mung ya chyawm gaw nanhte hkinjawng ni jaw ai lam kaw na yit mat wa manit dai. Nanhte a sharin shaga ai ga gaw masha law law hpe woi shut manit dai. Nanhte hte ngai tawn da ai ga shaka hpe mung run kau manit dai.

MAHTE 15:14

Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun ai myi kyaw ai ni rai nga ma ai: myi kyaw ai wa gaw, myi kyaw ai wa hpe lam madun a yang gaw, shan lahkawng gaw nhkun kata de di hkrat na mara ai,” ngu mu ai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.