MIHKA 3:3 - Jinghpaw Common Language Bible 2009

³ Nanhte gaw nye a amyu masha ni hpe sha kau myit dai. Shanhte a ahpyi ni hpe gawng kau nna nrut nra ni hpe daw kahtum kau nhtawm di bu hta shadu na matu shan azat ai zawn, shanhte hpe azat kau nga myit dai.

Jinghpaw Hanson Version Bible

³ nye amyu masha ni a hkum shan hpe pyi nanhte sha nna, shanhte a hpyi gaw kau ai hte, nrut nra ni hpe agrawp kau nhtawm dibu hta shadu na matu azat nna, sau di hta rawng ai shan zawn, shatai mu ai.

MIHKA 3:3 ပူးပေါင်းရင်းမြစ်များ

SHAKAWN KUNGDAWN 14:4

Madu gaw, “Shanhte n chye na ma ai kun? Ndai n hkru n shawp ai amu galaw ai ni yawng hte wa gri magra re ai ni rai nga ma ai kun? Shanhte gaw nye a amyu masha ni hpe hpya sha let nga nga ma ai, ngai kaw galoi mung akyu n hpyi yu ma ai,” nga nna san nga ai.

SHAKAWN KUNGDAWN 27:2

N hkru ai masha ni ngai hpe gasat ai hte sat kau na matu shakut ma ai shaloi shanhte gaw ahtu ai hte kadawng mat ma ai.

GA SHAGAWP 30:14

Matsan mayan masha ni hte n lu n lawm, ra kadawn nga ai ni hpe zai hku nna dip da ai ni hte jahten sharun ai masha ni nga nga ma ai; dai zawn galaw ai gaw shanhte a kan bau magam bungli rai nga ai.

ESAIA 3:14

Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

ESAIA 3:15

Nanhte hta nye a amyu masha ni hpe agrawp mani kau na hte matsan mayan masha ni hpe zai hku nna dip gamyet sha na ahkang hpa mung n lu myit dai. Ngai Chyahtum Chyalai N-gun rawng ai Tsaw Htum ai Madu nan tsun ni ai.”

EZEKELA 11:3

Shanhte gaw, ‘Anhte gaw kade n na yang, dum nta ni hpe bai gaw gap lu na saga ai. Ndai mare gaw di zawn rai nna, anhte gaw dai di na ashan zawn rai nga ga ai, rai ti mung dai gaw yawm dik htum anhte hpe wan kaw nna makawp maga la nga ai,’ ngu nna tsun ma ai.

EZEKELA 24:4

Kaja htum ai shan tau, shan pawm lahpa shan ni hte lagaw magyi ni bang u, Laswi rawng ai nra ni hte hpawn jahpring u.

AMO LAIKA (AMOS) 8:4

Ra kadawn ai ni hpe kabye dip ai hte mungdan na matsan mayan masha ni hpe jahten sharun shakut nga ai nanhte gaw ndai ga madat mu.

MIHKA 2:8

Dai Madu gaw, “Nanhte gaw nye a amyu masha ni hpe gumlau hpyen hpe zawn gasat madai. Majan ginra kaw na nhtang wa ai masha ni gaw dum nta ni hta shim lum nga ai ngu myit la nga ma ai, rai ti mung dai shara hta nanhte gaw shanhte a bu hpun palawng ni hpe lagu amya la na matu ala nga myit dai.

ZEHPANI 3:3

De a du salang ni gaw shabam hkawm ai hkanghkyi ni zawn, tara agyi ni gaw hpang jahpawt sha na matu pyi n ngam da lu hkra lawhpa marin ai hte kawsi ai chyahkyawn ni zawn rai ma ai.