MIHKA 3:12 - Jinghpaw Common Language Bible 2009

¹² Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

Jinghpaw Hanson Version Bible

¹² Dai re ai majaw, nanhte a jaw e, Ziun gaw yi hkauna zawn shawt kau ai hkrum nna, Yerusalem mare gaw marawng marang sumpum tai mat na hte, nawku Htingnu bum mung, nam mali na tsaw ai kawng ni zawn, tai mat na ra ai.

MIHKA 3:12 ပူးပေါင်းရင်းမြစ်များ

SHAKAWN KUNGDAWN 107:34

Dai mungdan hta shanu nga ai ni a tara n lang ai lam a majaw, shi gaw ga sau hpring ai shara ni hpe jum ga shatai kau ya nu ai.

SHAKAWN KUNGDAWN 79:1

O Karai Kasang e, maigan amyu ni na a lamu ga hpe shang gasat ma ai; na a chyoi pra ai Nawku Htingnu hpe shanhte awu asin di kau nga manu ai; Yerusalem mare hpe mung jahten sharun kau da manu ai.

ESAIA 32:14

Hkawhkam htingnu pyi kabai kau hkrum na ra ai, mare daju gaw tsep kawp katsi katsang shara tai mat na ra ai. Dum nta ni hte shanhte hpe makawp maga ya ai hpyen dap ni htani htana hten run mat na ra ai. Lawze shazai ni dai hkan e brak hkawm nna sagu ni dai yang e udat shara mu na mara ai.

YEREMIA 22:5

Rai ti mung, nang gaw nye a hkang da ai ga hpe n madat ai rai yang, ndai hkawhkam htingnu hten run mat na ra ai ngu, ngai nang hpe dagam de ai. Dai Madu ngai nan tsun ni ai.

YEREMIA 22:6

“Nye a matu Yuda hkawhkam htingnu gaw Gilead mung hte Lebanon bum ni zawn tsawm htap nga ti mung, ngai gaw dai hpe kadai mung n shanu ai katsi katsang shara shatai kau na nngai.

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

YEREMIA 35:17

Ya chyawm gaw, Chyahtum Chyalai N-gun Rawng ai dai Madu Israela a Karai Kasang ngai nan ga shaka tawn da sai hte maren, jahten shabyak ai lam mahkra hpe Yuda mung masha ni hte Yerusalem masha ni yawng a ntsa e shapraw dan na we ai. Ngai nanhte hpe tsun ai shaloi, nanhte nye a ga hpe n madat myit dai, ngai nanhte hpe shaga yang, nanhte n htan ya myit dai majaw, ndai amu hpe ngai shabyin dat na nngai,” ngu nna tsun wu ai.

YEREMIA 44:2

Chyahtum Chyalai N-gun Rawng ai dai Madu Israela a Karai Kasang gaw, “Yerusalem hte Yuda mung na kaga mare ni mahkra a ntsa e ngai shapraw dan sai jahten shabyak lam hpe nanhte nan mu manit dai. Ya rai tim pyi, dai ni gaw naw hten run nga nna, kadai mung dai hkan e nga nga ma ai n rai,

YEREMIA 52:13

Shi gaw Yerusalem na Nawku Htingnu, hkawhkam htingnu ni hte Yerusalem hta nga ai ahkyak masha ni a dum nta ni yawng hpe nat kau wu ai;

YEREMIA 9:10

Ngai gaw, “Bum ni a matu sharung shayawt nna udat shara ni a matu hkrap na nngai, hpa majaw nga yang, dai ni gaw hkun hkraw mat nna, kadai mung dai hku n lai hkawm nga ai. Sagu dumsu hpung ni a nsen mung n na lu sai; ntsa malen u ni hte matse labye dusat ni mung hprawng mat masai,” ngu nna tsun ai.

YEREMIA 9:11

Dai Madu gaw, “Ngai gaw Yerusalem hpe marawng marang di sumpum tawn nna, gwi ma-a ni nga ai shara shatai na nngai; Yuda mare ni gaw katsi katsang shara tai mat nna kadai mung n shanu ai shara tai mat na ra ai,” ngu nna tsun ai.

SHARUNG SHAYAWT 5:18

Ziun Bum gaw shi chyu sha re re rai shingran katsi mat ai majaw; nam na matse ai gwi ma-a ni de a hten run shara ni hkan lanyan hkawm nga ma ai.

MIHKA 1:6

Dai rai nna dai Madu gaw, “Samari mare hpe asan sha jahten sharun sumpum tawn nna sabyi sun galaw ai shara shatai kau na nngai. Dai mare a nlung wut daw chyen ni hpe kadit de sharu kau nhtawm mare a npawt nhpang nlung ni hpe akrin sha shadawng da na nngai.

MAHTE 24:2

Shi mahtang shanhte hpe, “Rai sa, ndai nta ni yawng hte hpe nanhte mada mu ai n rai ni? Ngai nanhte hpe teng teng tsun made ga, ndai nta ni gaw, nlung langai mi gaw langai mi a ntsa e n mara mat ai du hkra hten run mat na mara ai,” ngu nna shanhte hpe tsun mu ai.