MIHKA 3:11 - Jinghpaw Common Language Bible 2009

¹¹ Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

Jinghpaw Hanson Version Bible

¹¹ Du ni gaw mayun kumhpa matu tara dara ma ai; de a hkinjawng ni gaw shabrai lu hkra sha sharin ya ma ai; de a myihtoi ni gaw ma-un lu hkra sha, htoi ma ai: rai timung, shanhte gaw, Yehowa hpe shamyet shanat let, Yehowa gaw anhte a ka-ang e rai nga ai, n rai ni? anhte ari ahpri hpa hkrum na n rai, nga nna tsun ma ai.

MIHKA 3:11 ပူးပေါင်းရင်းမြစ်များ

GA SHAGAWP 17:23

Gumhpraw marin ai tara agyi ni gaw mayun kumhpa hpe la sha ai majaw; tara malang ai amu hpe n galaw ya nga ma ai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 48:2

Ti mung nang gaw chyoi pra ai mare a mare masha ni rai nga ga ai ngu nna mung, Israela a Karai Kasang ngu shamying ai Chyahtum Chyalai N-gun rawng ai dai Madu hta shamyet shanat ga ai ngu nna mung, gumrawng gumra tsun nga ndai.

ESAIA 5:23

Rai ti mung mayun kumhpa a majaw mara lu ai hpe nang shalawt dat nga ai, teng man rap ra ai lam lu la na matu, mara n kap ai wa hpe nang hkum shingdang da nga ndai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

YEREMIA 23:17

Ngai tsun ai ga hpe madat hkam la na matu lale ai amyu masha ni hpang de shanhte hte rau hkawm sa ai rai yang, lam shagu hta mai kaja wa na ra ai nga nna shanhte matut tsun ma ai. Dai zawn adu ja nga ai ni langai hte langai hpe tsin-yam tsindam hkra lu na ra ai n rai, nga nna shanhte hkaw tsun na mara ai,” ngu nna tsun wu ai.

YEREMIA 26:7

Hkinjawng ni, myihtoi ni hte amyu masha ni yawng hte gaw dai lam ni hte seng nna Nawku Htingnu kata e ngai tsun ai ga ni hpe na ma ai,

YEREMIA 5:12

Dai Madu a amyu masha ni gaw shi hpe nyet kau ai hte, “Shi gaw teng teng hpa amu mung galaw na ra ai n rai. Anhte gaw laja lana re ai aten du na ra ai n rai; anhte kaw majan mung, hkuwa mung du wa na ra ai n rai,” ngu nna tsun ma ai.

YEREMIA 6:13

Masha kaji kaba yawng hte gaw n ding n man ai hku gumhpraw tam shakut nga ma ai; myihtoi ni hte hkinjawng ni pyi amyu masha ni hpe masu hkalem nga ma ai.

YEREMIA 7:4

‘Anhte gaw shim lum ga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai!,’ nga nna masu magaw ga tsun ai ni hpe hkum kam nga et.

YEREMIA 8:10

Dai re ai majaw, ngai gaw shanhte a yi hkauna ni hpe madu nnan ni a lata de jaw kau na we ai; shanhte a madu jan ni hpe mung kaga masha ni a lata de ap kau na we ai. Masha kaji kaba yawng hte gaw n ding n man ai hku gumhpraw tam shakut ma ai. Myihtoi ni hte hkinjawng ni pyi amyu masha ni hpe masu hkalem nga ma ai.

EZEKELA 22:12

Amyu masha nkau mi gaw gumhpraw a jaw e masha sat ma ai. Nkau mi gaw shanhte a kahpu kanau Israela masha ni hpe gumhpraw amyat tam sha nna, sut su wa na matu shanhte hpe mawp sha nga ma ai. Shanhte gaw ngai hpe mung malap kau manu ai.” Dai Tsaw Htum ai Madu tsun nu ai.

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

EZEKELA 34:2

Shi gaw, “Si chye ai masha wa e, Israela a du ni hpe jahpoi u. Tsaw Htum ai dai Madu ngai nan shanhte hte seng nna tsun ai myihtoi ga ni hpe htoi u: Israela a sagu rem ni e, nanhte gaw dingnye hkrum nga myit dai! Nanhte gaw tinang hkum hpe sha bau nna, sagu ni hpe galoi mung bau rem nga myit dai n rai.

HOSEA 4:18

Sabyi nang hkra lu ngut ai hpang, shanhte gaw shawa num amu galaw ai hpe ra sharawng ma ai, kaya kahpa amu galaw na ra nga ma ai.

HOSEA 4:8

Nanhte gaw nye amyu masha ni a yubak ni hta na sut su rawt jat wa nga myit dai, dai rai nna nanhte gaw shanhte hpe yubak grau grau galaw mat wa na ra nga myit dai.

AMO LAIKA (AMOS) 5:14

Nanhte hkrung nga lu myit ga, n hkru ai hpe tawn da nna teng man ai amu galaw na shachyen nga mu. Dai hpang, Chyahtum Chyalai N-gun rawng ai Madu Karai Kasang gaw shi rai nga ai nga nna nanhte tsun myit dai hte maren, nanhte hte rau kaja wa nga nga na ra ai.

AMO LAIKA (AMOS) 9:10

Nye a amyu masha ni hta na yubak kap ai masha ni gaw, ‘Karai Kasang gaw anhte hpang de tsin-yam tsindam dep shangun na n rai,’” nga nna tsun ai ni yawng majan hta sat kau hkrum na mara ai.

MIHKA 3:5

Nye a amyu masha ni hpe masu hkalem ai myihtoi ni gaw shanhte hpe jaw ya ai ni hpe ngwi pyaw sim sa lam lu na ga sadi jaw ma ai, rai ti mung jaw ya ai lam n nga ai ni a matu gaw majan hte jahkrit shama hkrum nga ai. Dai zawn re ai myihtoi ni hpe dai Madu gaw,

MIHKA 7:3

Shanhte yawng hte gaw n hkru ai amu galaw ai lam hta grai kung kyang ai ni rai ma ai. Up hkang du salang ni hte tara agyi ni mayun kumhpa hpyi ma ai. Daru magam lu ai masha wa gaw shi hpa baw ra marit ai lam shanhte hpe tsun dan nga ai majaw shanhte gaw myit langai sha jawm myit shapraw ma ai.

ZEHPANI 3:3

De a du salang ni gaw shabam hkawm ai hkanghkyi ni zawn, tara agyi ni gaw hpang jahpawt sha na matu pyi n ngam da lu hkra lawhpa marin ai hte kawsi ai chyahkyawn ni zawn rai ma ai.

ZEHPANI 3:4

Myihtoi ni gaw lit n la ai hte ga kaman sha tsun nhtawm gumle gumlau rai nga ma ai; hkinjawng ni mung, chyoi pra ai shara hpe awu asin di nna shanhte a akyu a matu Karai Kasang a hkang da ai tara hpe manai makai di ma ai.

MALAHKI 1:10

Chyahtum Chyalai N-gun rawng ai dai Madu gaw, “Nye a tawn hkungri ntsa e akyu n rawng ai wan n sa shachyi lu myit ga, nanhte hta na marai langai ngai Nawku Htingnu chyinghka ni hpe la kau wu ga, ngai ra sharawng nga nngai. Ngai nanhte hpe n ra nngai; nanhte ngai hpang de la sa ai shagu hkungga ni hpe ngai hkap la na n rai.

MALAHKI 2:9

Dai rai nna, ngai gaw Israela amyu masha ni hpe lang let nanhte hpe nhpu nru di shangun na made ai, hpa majaw nga yang nanhte gaw nye a myit n hkan ai sha, nye a amyu masha ni hpe sharin achyin ai shaloi masha shagu hpe maren mara n di nga myit dai.”

BU HKAWM 16:15

Mawshe gaw masin pawt ai hte dai Madu hpe, “Ndai masha ni la sa ai hkungga hpa hpe mung hkum hkap la ya et; ngai shanhte hte hpa mara mung n galaw shut yu nngai; shanhte a lawze langai mi hpe pyi n la yu nngai,” ngu nna tsun wu ai.

BU HKAWM 22:7

Moba hte Midian ningbaw ni gaw shanhte hte rau matsa ya na jahpu gun let Balam hpang de sa nhtawm Balak hkang dat ai ga shi hpe tsun dan ma ai.

MAHTE 3:9

Abraham gaw anhte a kaji kawa rai nga mali ai nga nna tsun nga ai hte sha nanhte a yubak mara a ari kaw na lawt lu na zawn hkum nawn myit, nanhte hpe ngai tsun made ga, Karai Kasang gaw ndai nlung ni hpe la nna Abraham a matu kashu kasha ni hpe hpan shalat lu nga ai!

1 TIMOHTI 3:3

Chyaru n len ai wa, adup ajin n re ai wa, rai nna sumnung shingdi ai wa, sim sa ai lam hpe ra ai wa rai ra ai. Shi gaw gumhpraw n marin ai wa rai nna;

TITU 1:11

Shanhte a tsun shaga ai n-gup pat kau ya ra sai; hpa majaw nga yang, shanhte gaw n mai sharin ai lam ni hpe sharin ya nna htinggaw ting ting hpe shabra kau mu ai. Dai lam ni yawng gaw shanhte a gumhpraw lu lam hte seng ai kaya kahpa re ai yaw shada ai lam a matu rai nga ai.

1 PETRU 5:2

Karai Kasang nanhte hpe ap ya da sai sagu hpung a sagu rem ai ni zawn, Karai Kasang galaw shangun mayu ai hku hte maren myit lawm ai hte kabu gara let bau rem gawn lajang nga mu. Ja gumhpraw shabrai lu na matu sha galaw ai hku n rai, kaja wa daw jau mayu ai shawang myit hte daw jau mu.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

1 SAMUELA 8:3

Rai ti mung shan gaw kawa a kasi hta n hkan ai sha, gumhpraw marin ai amu hta chyu sha myit lawm shajang ma ai; mayun kumhpa ni hpe shan hkap la ma ai majaw amu ni hpe teng man ai hku n daw dan ya lu ma ai.