MIHKA 3:1 - Jinghpaw Common Language Bible 2009

¹ Israela a mungdu salang ni e, madat mu! Nanhte gaw teng man ai lam hta lit nga ai ni zawn myit nawn la nga myit dai,

Jinghpaw Hanson Version Bible

¹ Bai ngai gaw, Yaku a du ni hte, Israela dap na agyi salang ni e, madat mara mu: nanhte gaw tara malang ai hku chye mai ai, n rai myit ni?

MIHKA 3:1 ပူးပေါင်းရင်းမြစ်များ

NEHEMIA 13:17

Ngai mung Yuda ningbaw ni hpe, “Nanhte galaw nga ai n hkru ai amu hpe yu yu mu! Nanhte gaw Bansa Nhtoi hpe n chyoi n pra shangun nga myit hka!

SHAKAWN KUNGDAWN 14:4

Madu gaw, “Shanhte n chye na ma ai kun? Ndai n hkru n shawp ai amu galaw ai ni yawng hte wa gri magra re ai ni rai nga ma ai kun? Shanhte gaw nye a amyu masha ni hpe hpya sha let nga nga ma ai, ngai kaw galoi mung akyu n hpyi yu ma ai,” nga nna san nga ai.

ESAIA 1:10

Yerusalem e, na a mung du ni hte na a amyu masha ni gaw Sodom hte Gomora masha ni zawn rai ma ai. Dai Madu nang hpe tsun nga ai ga madat u. Anhte a Karai Kasang nang hpe sharin ya nga ai lam hpe madat mara nga u.

ESAIA 10:2

Dai re ai majaw she, nanhte gaw matsan mayan masha ni lu la ang ai ahkaw ahkang hte teng man rap ra ai tara lu la na hpe hkum pat da nga myit dai. Nanhte gaw gaida gaina ni hte jahkrai nmai ni madu da ai sut gan ni hpe la kau ya nga myit dai.

EZEKELA 22:6

Israela ningbaw ni yawng hte gaw shanhte a n-gun atsam hpe kam hpa ai hte masha sat amu hpe shut nga ma ai.

EZEKELA 34:2

Shi gaw, “Si chye ai masha wa e, Israela a du ni hpe jahpoi u. Tsaw Htum ai dai Madu ngai nan shanhte hte seng nna tsun ai myihtoi ga ni hpe htoi u: Israela a sagu rem ni e, nanhte gaw dingnye hkrum nga myit dai! Nanhte gaw tinang hkum hpe sha bau nna, sagu ni hpe galoi mung bau rem nga myit dai n rai.

EZEKELA 34:3

Nanhte gaw sagu chyu lu nna, sagu mun hte da ai hpun palawng ni hpun nhtawm hpum sau htum ai sagu ni sat sha nga myit dai. Rai ti mung, nanhte gaw sagu ni hpe galoi mung bau rem nga myit dai n rai.

EZEKELA 9:9

Karai Kasang gaw, “Israela hte Yuda amyu masha ni gaw hkrit hpa yubak hte shut hpyit ai mara lu nga ma ai. Shanhte gaw mungdan ting hta sai kap amu shut hpyit kau manu ai hte Yerusalem mung ru hka amu ni hte hpring chyat nga sai. Dai Madu ngai nan shanhte a mungdan hpe kau da nna, shanhte hpe n mu lu sai, nga nna shanhte tsun shajang ma ai.

HOSEA 5:1

Nanhte hkinjawng ni e, ndai lam na la mu! Israela amyu masha ni e, madat mu! Hkawhkam htingnu na dinghku hte seng ai ni e, na la mu! Nanhte gaw teng man ai hku jeyang hkrum na zawn nawn nga myit dai; dai rai nna tara jeyang ai gaw nanhte a ntsa e du na ra ai! Nanhte gaw Mizpa mare e mahkam tai nna, Tabora Bum ntsa e sumgawn kahpyan tawn ai hte

AMO LAIKA (AMOS) 4:1

Yaw jahpum da ai Bashan na nga kanu ni zawn galu kaba hpum tsawm nga ai Samari numsha ni e, ndai ga madat mu, nanhte gaw n-gun kya ai ni hpe n gawn n sawn di nna, matsan mayan masha ni hpe dip gamyet sha nhtawm nanhte a madu wa ni kaw lu na sabyi ntsin shapraw ya na hpyi nga myit dai.

AMO LAIKA (AMOS) 6:1

Nanhte a matu Ziun hta ndai zawn ngwi pyaw ai asak hkrun lam lu la ai hte Samari mung e sim sa shim ai lam hkam sha lu ai, ndai galu kaba ai Israela amyu baw a galu kaba ai ningbaw ni kaw karum la na matu sa du ai masha ni gaw nanhte a matu kade wa hkrit hpa rai na rai nga a hka!

MIHKA 2:13

Karai Kasang gaw shanhte a matu lam hpaw ya na ra ai; shanhte hpe bawng dung ai kaw nna woi lakawn wa na ra ai. Shanhte gaw mare chyinghka ni hpe adawt agrawp kau na mara ai hte ndut ndang hkawm sa lu na mara ai. Shanhte a hkawhkam rai nga ai dai Madu shi nan shanhte hpe woi shapraw wa na ra ai.

1 KORINHTU 6:5

Nanhte kaya myit ga she ndai lam ngai tsun nngai! Hkristan hpu nau shada amu rawng ai shaloi nanhte a kata hta tara jeyang daw dan ya lu ai hpaji byeng-ya rawng ai wa langai mi pyi n nga sani?

TARA JAHPRANG 16:18

“Dai Madu nanhte a Karai Kasang nanhte hpe jaw ai mare shagu hta tara agyi ni hte kaga du salang ni hpe san tawn na rai myit dai. Dai masha ni gaw amyu masha ni hpe myi man n lata ai sha, tara jeyang na rai ma ai.