MIHKA 2:13 - Jinghpaw Common Language Bible 2009

¹³ Karai Kasang gaw shanhte a matu lam hpaw ya na ra ai; shanhte hpe bawng dung ai kaw nna woi lakawn wa na ra ai. Shanhte gaw mare chyinghka ni hpe adawt agrawp kau na mara ai hte ndut ndang hkawm sa lu na mara ai. Shanhte a hkawhkam rai nga ai dai Madu shi nan shanhte hpe woi shapraw wa na ra ai.

Jinghpaw Hanson Version Bible

¹³ Lam hpaw ai wa gaw, shanhte a shawng e lung wa sai; shanhte ru kabang wa ai hte, chyinghka de du nna, dai hku pru wa masai: shanhte a hkawhkam wa gaw, shanhte a shawng e sa wa nna, Yehowa gaw shanhte a baw rai nga ai.

MIHKA 2:13 ပူးပေါင်းရင်းမြစ်များ

PRU MAT 14:19

Israela dap a shawng e sa wa ai Karai Kasang a lamu kasa gaw hpang de nhtang nna sa nga ai. Sumwi shadaw mung hpang de htawt tu nna,

ESAIA 42:7

Nang gaw myi n mu ai ni hpe myi hpaw ya nna nsin htawng hta sharen da hkrum ai ni hpe shalawt dat na rin dai.

ESAIA 51:12

Dai Madu gaw, “Ngai gaw nang hpe n-gun shaja ya ai wa rai nga nngai. Nang gaw hpa majaw tsingdu hta grau nna pyi n grin lu ai si chye ai masha wa hpe hkrit nga n ta?

ESAIA 52:12

Ndai lang chyawm gaw nanhte tin shapun pru mat wa ra na myit dai n rai; nanhte hprawng shakut ra na myit dai n rai. Dai Madu na a Karai Kasang gaw nanhte hpe lam woi nna kade nde nanhte hpe makawp maga na ra ai.

ESAIA 55:4

Ngai gaw shi hpe ningbaw hte masha amyu baw ni a hpyen du tai shangun ni ai, shi hku nna, ngai shanhte hpe nye a daru magam n-gun madun dan ni ai.

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

HOSEA 1:11

Yuda amyu masha ni hte Israela amyu masha ni rau bai zup hpawng wa na mara ai. Shanhte gaw shanhte a matu ningbaw langai sha lata san da nna, shanhte a mungdan hta rawt kaba wa nhtawm ngamu ngamai wa na mara ai. Rai sa, Yezrela a shani gaw galu kaba ai shani tai na ra ai!

HOSEA 13:14

Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai.

HOSEA 2:2

Nye a ma ni e, nanhte a kanu hpe hpyi nem mu; shi gaw nye a madu jan n rai sanu ai, ngai mung shi a madu wa n rai sangai. Shi a la shaw ai amu hte shawa num galaw ai amu hpe jahkring kau na lam hpyi nem mu.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

MIHKA 2:12

“Rai ti mung, nanhte Israela amyu masha ni hta na naw ngam nga ai ni yawng hte hpe ngai shinggyin da na we ai. Sagu ni gaw shanhte a ulawng de nhtang wa ma ai zawn, ngai nang hpe bai jahpawng la na nngai. Sagu ni hte hpring nga ai udat shara zawn na a lamu ga gaw masha law law hte kalang mi bai hpring chyat wa na mara ai.”

MIHKA 3:1

Israela a mungdu salang ni e, madat mu! Nanhte gaw teng man ai lam hta lit nga ai ni zawn myit nawn la nga myit dai,

MIHKA 4:7

Shanhte gaw lagaw hten htu ai hte dum nta hte tsan gang nga ma ai, rai ti mung ngai chyawm gaw naw ngam nga ai ni hte nnan gaw sharawt la nhtawm shanhte gaw amyu kaba tai wa na mara ai. Ngai gaw shanhte hpe Ziun Bum ntsa e dai aten kaw nna htani htana du hkra up nga na nngai,” nga nna tsun ai.

ZEHKARIA 10:12

Ngai gaw nye a amyu masha ni hpe n-gun ja shangun na nngai; shanhte gaw ngai hpe nawku ai hte nye a ga madat mara na mara ai,” ngu nna tsun wu ai. Dai Madu tsun nu ai.

HEBRE 6:20

Yesu gaw anhte a malai dai shara e anhte a shawng e du shang nga sai rai nna Melhkizedek a hkringhtawng lam hku htani htana hkinjawng agyi kaba tai wa sai.

YAWSHU 3:6

Dai hpang, hkinjawng ni hpe mung Ga Shaka Sumpu hpai let amyu masha ni a shawng e pru sa wa na lam tsun mu ai. Shanhte mung shi tsun ai hte maren galaw ma ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.