MIHKA 2:10 - Jinghpaw Common Language Bible 2009

¹⁰ Rawt sa wa su; ndai shara hta bansa shim lum ai lam hpa mung n nga nga sai. Ndai shara hten run mat na matu, nanhte galaw ai yubak ni gaw tara jeyang ai hkrum nga manit dai.

Jinghpaw Hanson Version Bible

¹⁰ Rawt mu, sa wa manu: hten byak kaba hte jahten shabyak chye ai awu asin re ai amu majaw, ndai shara gaw, nanhte a ban sa shara, n rai.

MIHKA 2:10 ပူးပေါင်းရင်းမြစ်များ

1 HKAWHKAM 9:7

shanhte hpe ngai jaw da ai mungdan kaw nna nye a amyu masha ni hpe yeng kau nna, ngai hpe nawku na shara ngu nna ngai majai da sai ndai Nawku Htingnu hpe mung ngai kau da na nngai. Shara shagu hkan nga nga ai masha amyu baw ni mung Israela hpe asawng asang rai nna n gawn n sawn di kau na mara ai.

2 HKAWHKAM 15:29

Peka hkawhkam galaw nga yang, Asuri Hkawseng Tiglat Pilesa sa du nna, Iyon, Abela Bet Mahka, Yanoa, Kedesha, hte Hazora mare ni hpe mung, Gilead mung Galile hte Naphtali ni hpe gasat dang la nna amyu masha ni hpe bawng masha hku Asuri mung de woi mat wa mu ai.

2 HKAWHKAM 17:6

Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.

2 HKAWHKAM LABAU 7:20

ngai nanhte hpe jaw da ai mungdan kaw nna nanhte hpe ngai jahtaw kau nhtawm ngai hpe nawku na matu ngai ap nawng da se ai ndai Nawku Htingnu hpe ngai kau da na we ai. Shara shagu hkan nga ai masha ni mung, Israela hpe asawng asang di nna n-gawn n sawn di kau na mara ai.

SHAKAWN KUNGDAWN 106:38

Shanhte gaw mara n kap ai kashu kasha ni hpe sat nawng ma ai; mungdan gaw masha sat amu galaw ai ni a majaw awu asin rai mat sai.

SHAKAWN KUNGDAWN 95:11

Ngai pawt sindawng nga nngai hte, ‘Nanhte myit sim myit sa hte nga lu na matu, ngai lajang da ya ai mungdan de, galoi mung shang sha lu na ra ai n rai,’” ngu nna dagam shaka da nngai.

YEREMIA 10:18

Dai Madu gaw nang hpe ndai mungdan kaw nna shaden kau na ra ai; shi gaw nanhte hta na langai mi hpe pyi n ngam da ai aten du hkra, nang hpe agrawp mani kau na ra ai. Dai Madu tsun da nu ai.

YEREMIA 3:2

Kawng pungding ni hpe sharawt mada yu u. Shawa num zawn nang n galaw yu ai shara mi nga nga a ni? Arab masha gaw zaibru jang e lagyim ala nga ai zawn, nang gaw nmaw lam makau dingyang hkan sumtsaw ni hpe ala nga ndai. Nang gaw lamu ga hpe shawa num amu hte awu asin di kau nga nit dai.

YEREMIA 9:19

Ziun hta ning nga hkrap ngu hkrap ngoi ai nsen hpe madat mu: “Anhte hten run mat saga ai! Anhte gaw dik hkra jahpoi asawng ai hkrum saga ai! Anhte gaw anhte a mungdan hpe kau da ra sai; anhte a dum nta ni run kau hkrum sai.”

EZEKELA 36:17

Shi gaw, “Si chye ai masha wa e, Israela amyu masha ni gaw shanhte a mungdan hta naw shanu nga yang, shanhte a ngasat ngasa hte shanhte hkan galaw ai arawn alai gaw dai mung hpe awu asin di kau ma ai. Shanhte a sat lawat gaw shata shagu num hking sa ai num zawn n san n seng nga ai ngu, ngai nawn nga nngai.

EZEKELA 36:19

Shanhte a ngasat ngasa lam hte shanhte galaw ai arawn alai hte maren, ngai daw dan ni ai, shing rai shanhte hpe maigan mungdan ni de shabra kau dat nngai.

TARA JAHPRANG 12:9

Hpa majaw nga yang, dai Madu nanhte a Karai Kasang gaw ngwi pyaw sim sa ai hte nanhte nga lu myit ga nga, nanhte hpe jaw ya ai mungdan de nanhte garai n shang sha nga myit dai.

TARA JAHPRANG 30:18

nanhte shamyit kau ai hkrum nna nanhte madu la hkyen ai Yawdan hka a wora hkran na mungdan hta asak galu hkra nga lu na myit dai n rai; nanhte hpe ya ngai sadi jaw nga nngai.

TARA JAHPRANG 4:26

Ngai gaw sumsing lamu hte ginding aga a mying gang let, nanhte hpe sakse hkam da made ga, nye a ga hpe nanhte n madat n hkan sa ai rai yang, kade n na yang, dai mungdan hta htum mat na rai myit dai. Yawdan hka rap nna nanhte shang madu la hkyen ai mungdan hta grai na hkra hkrung nga lu na myit dai n rai. Nanhte gaw tsep kawp shamyit kau ai hkrum na rai myit dai.