MIHKA 2:1 - Jinghpaw Common Language Bible 2009

¹ Masu magaw ga tsun ai ni hte n kaja ai hku maw mawn nga ai ni a matu dai gaw kade sha hkrit hpa rai nga a hka! Shanhte gaw ahkaw ahkang pru wa ai hte rau, jahpawt nhtoi htoi wa yang shanhte maw mawn da ai n hkru n kaja ai amu ni hpe galaw ma ai.

Jinghpaw Hanson Version Bible

¹ Tinang a yup ku ntsa e n kaja ai hku maw nna, n hkru ai lam galaw ai ni gaw, dingnye lu ma ai: shanhte gaw tinang a lata hta ahkang aya lu ai majaw, jahpawt nhtoi htoi jang, dai lam shabyin ma ai.

MIHKA 2:1 ပူးပေါင်းရင်းမြစ်များ

NINGPAWT NINGHPANG 31:29

Nang hta machyi hkrum mat hkra galaw lu na n-gun atsam ngai lu nngai, rai ti mung, mana e, na nwa a Karai Kasang gaw hpa lam hku nna mung nang hpe n jahkrit shama na lam ngai hpe sadi jaw da ni ai.

1 HKAWHKAM 21:7

Yezebela gaw, “Rai sa, nang hkawhkam re n rai ni? Yup ku kaw na rawt u, myit pyaw pyaw hte shat sha u. Nabot a sabyi sun lu la hkra ngai lajang ya na de ai!,” ngu nna tsun htang wu ai.

ESHTA 3:8

Dai rai nna Haman gaw hkawhkam wa hpe, “Na a hkawseng mungdan na mungdaw shagu hkan amyu baw langai hkran nga ai hpe mu nngai. Shanhte gaw kaga masha ni kadai hte mung n bung ai htung lailen ni hkan nga ma ai. Dai hta grau nna shanhte gaw hkawseng mungdan na tara ni hpe n madat nga ma ai majaw shanhte hpe yu hkam sharang nna mung nang hta hpa akyu mi n hkam la lu na ndai.

ESHTA 5:14

Dai rai nna shi a madu jan hte shi a manaw manang ni yawng gaw, “Nang hpa majaw pe 75 tsaw ai masha noi sat shara hpe n galaw da n ta? Hpawt de dai hta Mordehkai hpe noi sat kau lu hkra, hkawhkam wa hpe nang ahkang hpyi lu na rai ndai; shaloi nang gaw lusha poi de kabu gara sa wa lu na rai ndai,” ngu nna hpaji jaw mu ai. Haman mung dai gaw mai kaja ai myit jasat rai nga sai nga nna myit nawn la nhtawm masha noi sat ai shara galaw tawn da wu ai.

ESHTA 9:25

Rai ti mung Eshta gaw hkawhkam wa kaw shang nna hkawhkam wa ndau laika ka shapraw dat ai majaw Yuda masha ni a matu shi lajang maw mawn kau nu ai gam maka a nni nkri hpe Haman hkam sha nu ai; shi hte shi a shadang sha ni masha sat shara hta noi da ai hkrum nga masai.

YOBA 15:35

Dai ni gaw ru yak tsin-yam tsindam maw mawn nna n hkru ai amu galaw ai ni rai nga ma ai; shanhte a myit kraw lawang ni hta masu hkalem ai ga ni hte tut nawng hpring nga ai.

YOBA 24:14

Masha sat ai wa gaw nhtoi htoi jang rawt nna, matsan mayan ni hpe sat na nga, pru sa wa ai, shi gaw shana e hkan lagu hkawm nga ai.

SHAKAWN KUNGDAWN 36:4

Shanhte gaw yup ku ntsa e kaleng nga yang, n hkru ai mahkyen ni hpe galaw ma ai; shi galaw ai amu hpa mung n kaja nga ai, n hkru ai amu hpa hpe mung galoi mung ningdang kau nga ai n rai.

SHAKAWN KUNGDAWN 36:5

Madu e, na a dinggrin tsaw ra myit gaw sumsing lamu du hkra dep nga ai; na a sadi sahka mung lamu ni de du hkra maden jat nga ai.

SHAKAWN KUNGDAWN 58:3

N tara ai masha ni gaw shanhte a asak hkrun lam yawng hta shut hpyit ai hku hkawm sa nga ma ai; shanhte gaw shangai wa ai shani kaw nna masu magaw ai ga ni hpe tsun nga ma ai.

GA SHAGAWP 12:2

Dai Madu gaw mai kaja ai masha ni hpe ra sharawng ti mung; n hkru ai amu maw mawn ai masha ni hpe shi daw dan nga ai.

GA SHAGAWP 14:22

Kaja ai amu hpe, nang galaw ai rai yang, kaga masha ni a kam hpa ai hte hkungga lara ai lam hpe nang hkam la na ra ai.

GA SHAGAWP 3:27

Mai kaja ai amu galaw na matu, ra kadawn nga ai ni hpe mai byin ai aten, galoi rai tim, nang galaw nga u.

GA SHAGAWP 4:16

N hkru n shawp ai masha ni gaw shut hpyit ai amu lama mi hpe n lu galaw yang, shanhte n lu yup nga ma ai; marai langai ngai hpe n machyi shangun lu yang, shanhte yup n pyaw nga ma ai.

ESAIA 29:20

Dai gaw kaga masha ni hpe dip gamyet sha ai ni hte Karai Kasang hpe n gawn n sawn rai madun dan ai ni a jahtum na lam rai na ra ai. Yubak kap ai masha shagu hte gaw jahten kau hkrum na mara ai.

ESAIA 3:14

Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

ESAIA 32:7

Myit n su ai wa gaw n hkru nga ai rai nna n hkru ai amu ni galaw nga ai; shi gaw matsan mayan masha ni hpe masu magaw ga hte jahten sharun na hte shanhte a ahkaw ahkang ni hpe hkum shingdang na matu maw mawn chye nga ai.

ESAIA 5:8

Nanhte gaw dingnye hkrum nga myit dai! Nanhte gaw nanhte hkam la lu sai hta jat nna dum nta ni hte yi sun ni hpe grau mari da nga myit dai. Kade n na yang, dai shara hta marai langai mi nga na shara nga na ra ai n rai, nang chyu sha dai lamu ga hta nga na rai ndai.

ESAIA 59:3

Nanhte gaw masu magaw ga tsun ai, kabring kabrawng du daw sai hkaw amu galaw ai, hte masha sat amu galaw ai mara lu nga myit dai.

YEREMIA 18:18

Dai hpang, amyu masha ni gaw, “Anhte Yeremia hpe lam lama mi jawm galaw yu ga! Anhte hpe sharin shaga na matu hkinjawng ni, anhte hpe hpaji jaw la na matu hpaji rawng ai masha ni, hte Karai Kasang a mungga hkaw tsun na matu myihtoi ni tut nawng e nga nga na mara ai. Shi tsun ai ga hpe n madat ai sha, shi hpe mara jawm tam yu ga,” ngu nna tsun ma ai.

EZEKELA 11:2

Karai Kasang gaw ngai hpe, “Si chye ai masha wa e, ndai masha ni gaw ndai mare hta n hkru ai amu maw mawn nna n kaja ai lam hpaji jaw ma ai.

EZEKELA 33:26

Nanhte gaw nhtu kam nga myit dai. Nanhte galaw ai amu ni mung matsat shabat rai nga myit dai. Masha hkum shagu mung numshaw lashaw amu shut hpyit nga ma ai. Hpa lam a majaw ndai mungdan hpe madu lu na re ngu myit nawn nga myit ni?

EZEKELA 38:10

Ndai gaw Tsaw Htum ai dai Madu Goga hpe tsun ai mungga rai nga ai: “Dai aten du ai shaloi, nang gaw n hkru ai maw mawn lam hpe myit shapraw na rin dai.

EZEKELA 46:18

Dai mungdan hpe up hkang ai du wa gaw amyu masha ni a lamu ga sali hpe la kau ya lu na n rai. Shi a shadang sha ni hpe jaw tawn da ai lamu ga chyawm gaw shi hpe jaw ai kaw na rai nga ai; shi gaw lamu ga sali hpe kashun la kau ya ai hku nna nye a amyu masha kadai hpe mung adip arip di lu na n rai.”

MIHKA 6:12

Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

NAHUM 1:11

Ninewe e, nang kaw nna dai Madu hpe gumlau maw mawn na tara n lang ai hku hpaji daw ai masha langai paw pru nga sai.

ZEHKARIA 7:10

gaida gaina ni, jahkrai nmai ni, nanhte hta hkan nga nang nga ai maigan masha ni hte ra kadawn nga ai ni kadai hpe mung adip arip hkum rai myit; langai hte langai shada da machyi hkra shangun ai lam hkum maw myit.’

MARKU 15:1

Jahpawt manap jau jau e, hkinjawng agyi ni gaw, agyi salang ni, tara sara ni hte dai salang kongsi hpawng ting gaw grai tin ai hku bawng jahkrup la nna, Yesu hpe gyit nhtawm, dun mat wa nna, Pilat kaw ap ya mu ai.

LUKA 20:19

Dai ga shadawn hpe tara sara ni hte hkinjawng agyi ni hpe sha-ang nna tsun ai re hpe shanhte chye ma ai majaw, dai ahkying hta pyi shi hpe rim la na maw ma ai; rai ti mung shanhte shawa masha ni hpe hkrit da mu ai.

YAWHAN 19:11

Yesu gaw, “Nang hpe Karai Kasang e ahkaw ahkang jaw ai majaw sha nye a ntsa e ndai zawn re ai ahkang aya nang lu ndai. Dai majaw ngai hpe nang kaw sa ap ai wa gaw yubak grau kaba lu ai,” ngu nna shi hpe htan wu ai.

KASA 23:12

Hpang jahpawt Yuda masha ni jawm hpawng nna, Pawlu hpe garai n sat lu dingsa gaw hpa mung n lu n sha na ga ai, ngu nna dagam shaka ma ai.

KASA 23:15

Dai re ai majaw, nanhte hte salang hpawng hta lawm ai ni gaw, Pawlu a lam grau nna teng man ai shiga chye lu hkra atsawm sha naw san jep yu na ngu tsun jahpai nhtawm nanhte hpang de shi hpe shaga la na matu hpyen du kaba wa hpe hpyi dat mu. Shaloi anhte gaw shi nang de garai n du ai lam lapran e naw rai nga yang sat na jin jin rai nga na ga ai,” ngu mu ai.

ROMA 1:30

Shanhte gaw ga shaga baw law ai ni, kaga wa a sari jahpoi ai ga, kadum kahte ai ni, Karai Kasang hpe n dawng ai ni, manang wa hpe n kaw n law rai aroi ara re ai ni, gumrawng gumtawng ai ni, shakawng shakat rai grang dakat ai ni, n hkru n kaja ai amu amyu myu hpe myit shapraw nna galaw ai ni, kanu kawa ni a ga n madat ai ni,

TARA JAHPRANG 28:32

Nang hkan mada dat yang sha, na a shayi shadang sha ni maigan masha ni a lata hta mayam tai hkrum na mara ai. Na a kashu kasha ni mahkoi bai nhtang wa nhten, nga nna shani shagu myi she tsu tsu rai, kaman lila a matu gawng sharun rai na rin dai.