MIHKA 1:8 - Jinghpaw Common Language Bible 2009

⁸ Dai hpang, Mihka gaw, “Ndai lam a majaw, ngai gaw sharung shayawt ai hte yawn madai nga nngai. Nye a yawn hkyen ai hpe madun dan na matu, lagaw kaman hte singgu krin hkawm kayin na nngai. Ngai gaw ga gwi zawn hkrap shabam nna u gawla-uk zawn ngoi na nngai.

Jinghpaw Hanson Version Bible

⁸ Ndai lam majaw, ngai sharung shayawt nna, hkrap shabam na nngai; hpun palawng raw kau nna, singgu krin hkawm na nngai; nam gwi zawn ngai gaw du nna, u gawla-uk zawn ngoi shaga na nngai.

MIHKA 1:8 ပူးပေါင်းရင်းမြစ်များ

2 HKAWHKAM 18:13

Hkawhkam Hezekia hkaw dung ai shi mali ning hta, Asuri Hkawseng Senahkerib gaw Yuda mung na bunghku kum ai mare ni hpe htim gasat nna dang la kau nga wu ai.

ESHTA 4:1

Shing rai byin ai lam yawng hpe Mordehkai chye ai shaloi, dai nni nkri a majaw shi a hpun palawng ni hpe gang je kau wu ai. Dai hpang lachyit sumpan hpe bu hpun nhtawm shi a baw hpe dap hte bun nna mare hku lai wa nhtawm nsen kaba hte ahkup ahka ngu hkam sha let,

YOBA 30:29

Nye a nsen gaw yawn hkyen ai hte garen gari ai nsen rai nga nna, nam gwi hte u gawla-uk a jahtau ai nsen zawn rai nga ai.

SHAKAWN KUNGDAWN 102:6

Ngai gaw nam mali e nga ai zai ai u ni hte kabai kau da sai dum nta hkan nga ai u hku ni zawn rai nga nngai.

ESAIA 13:21

Dai mung gaw zaibru jang dusat ni shanu ai shara, u hku ni shanhte a tsip galaw ai shara tai mat na ra ai. U gawla-uk ni dai yang e nga nna, ya ni gaw dai hten run ai shara hkan gumtawng hkawm na mara ai.

ESAIA 13:22

Langchyi ni hte hkawhkam htingnu ni hta nam gwi ni hte gwi ma-a ni a jahtau ai hpungtang kashaw nsen na na ra ai. Babelon a aten du nu hka! Shi a nhtoi ni ganoi lai wa magang nga sai,” ngu nna tsun ai.

ESAIA 16:9

Ya chyawm gaw, ngai gaw Yazera a matu hkrap ai zawn Sibma a sabyi ru ni a matu hkrap na nngai. Amyu masha ni hpe kabu gara shangun na matu dai shara ni hta mangai n ngai nga ai majaw, nye a myi prwi ni gaw Heshbon hte Eleale a matu hkrat nga li ai.

ESAIA 21:3

Ngai mu ai hte na ai shingran hta shinggyim machyi ai num zawn hkam sha ai hkrit hpa lam hte nchyi nmu gaw ngai hta hpring nga li ai.

ESAIA 22:4

Ya chyawm gaw si mat wa sai nye a amyu masha ni yawng a jaw e ahkup ahka nga hkra hkrap sharung na matu ngai hpe sha tawn da mi. Ngai hpe shalan shabran hkum rai myit.

ESAIA 32:11

Nanhte gaw apyaw sha hte tsin-yam tsindam kaw na lawt ai hte nga yu manit dai; rai ti mung ya chyawm gaw hkrit gari nga manu! nanhte a hpun palawng ni raw sharun kau mu! Nanhte a nshang grup grup hta tsupni gyit da mu.

YEREMIA 4:19

Machyi ai law! Ngai gaw dai machyi ai hpe n hkam lu nngai! Nye a myit masin! Nye a myit masin ja ja htuk htak nga li ai! Ngai atsin sha nga lu ai n rai; Ngai gaw pahtau dum ai nsen hte majan a jahtau garu ai nsen hpe na nngai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

YEREMIA 9:10

Ngai gaw, “Bum ni a matu sharung shayawt nna udat shara ni a matu hkrap na nngai, hpa majaw nga yang, dai ni gaw hkun hkraw mat nna, kadai mung dai hku n lai hkawm nga ai. Sagu dumsu hpung ni a nsen mung n na lu sai; ntsa malen u ni hte matse labye dusat ni mung hprawng mat masai,” ngu nna tsun ai.

YEREMIA 9:19

Ziun hta ning nga hkrap ngu hkrap ngoi ai nsen hpe madat mu: “Anhte hten run mat saga ai! Anhte gaw dik hkra jahpoi asawng ai hkrum saga ai! Anhte gaw anhte a mungdan hpe kau da ra sai; anhte a dum nta ni run kau hkrum sai.”

EZEKELA 32:18

Shi gaw, “Si chye ai masha wa e, Egutu mung masha yawng a matu sharung shayawt nga u. Shanhte hpe kaga daru magam n-gun rawng ai masha amyu baw ni hte hpawn katsan ga de shayu kau dat u.

MIHKA 2:4

Dai aten du ai shaloi, masha ni gaw nanhte a tsin-yam tsindam hpe ga shadawn zawn tsun na mara ai; shanhte gaw nanhte a mahkrum madup hpe ndai gawng run mahkawn hte mahkawn mangoi na mara ai: Anhte gaw atsai awai hten run hkrum nga saga hka! Dai Madu gaw anhte a lamu ga la kau ya nna, Anhte hpe rim mat wa ai ni a lata hta ap kau ya nu ai.”

1 SAMUELA 19:24

Shi gaw shi a bu hpun palawng ni hpe raw kau nhtawm Samuela a man e ka let jahtau garu wu ai; dai shani tup, dai shana tup, hpun palawng n kap ai sha taw nga ai. (Dai re ai majaw, “Shawlu mung myihtoi tai yu sani?,” nga nna npawt gawn tsun shalai ma ai.)