MIHKA 1:6 - Jinghpaw Common Language Bible 2009

⁶ Dai rai nna dai Madu gaw, “Samari mare hpe asan sha jahten sharun sumpum tawn nna sabyi sun galaw ai shara shatai kau na nngai. Dai mare a nlung wut daw chyen ni hpe kadit de sharu kau nhtawm mare a npawt nhpang nlung ni hpe akrin sha shadawng da na nngai.

Jinghpaw Hanson Version Bible

⁶ Dai re ai majaw, ngai gaw, Samari mare hpe pa ga na nlung sumpum hte, tsabyi sun galaw ai shara zawn shatai nna, de a nlung ni hpe kadit e sharu kau nhtawm, bunghku npawt ni hpe shadawng dan nngai.

MIHKA 1:6 ပူးပေါင်းရင်းမြစ်များ

2 SAMUELA 17:13

Shi rai nna mare kata langai mi de htingnut shang mat wa ai rai yang, anhte a amyu masha ni yawng sumri ni la sa nhtawm dai mare hpe hkaraw de gang jahkrat kau na ga ai. Dai yang na kawng pungding e nlung langai sha pyi ngam tawn da na n rai,” ngu nna htan wu ai.

2 HKAWHKAM 18:10

Wang da ai masum ning ngu na shaning hta, Samari mare hkrat sum mat sai. Dai gaw Hezekia hkaw dung ai kru ning hte Hoshea hkaw dung ai jahku ning hta rai nga ai.

2 HKAWHKAM 18:9

Hezekia hkaw dung ai mali ning ngu na Israela hpe up ai Hkawhkam Hoshea hkaw dung ai sanit ning hta Asuri Hkawseng Shalmanesa gaw Israela hpe shang gasat nhtawm Samari mare hpe wang shinggrup da wu ai.

2 HKAWHKAM 19:25

“Ndai lam mahkra hpe moi chyaloi nhkoi kaw nna ngai yaw shada maw mawn nga ai hpe nang galoi mung n na yu n ni? Ya mung dai amu ni hpe ngai matut galaw nga nngai. Ngang ai bunghku hte kum da ai mare ni hpe run jahten kau nna nlung sumpum shatai kau na matu ngai nang hpe daru magam n-gun jaw ya de ai.

ESAIA 17:1

Dai Madu gaw, “Damasku gaw mare langai hku grin nga lu na ra ai n rai; dai gaw marawng marang ai sumpum sha tai mat na ra ai.

ESAIA 25:12

Shi gaw Moba a tsaw la ai hpyen dap bunghku ni hpe jahten kau na ra ai, dai ni hpe ga nhpu du hkra jahkrat kau na ra ai.

ESAIA 25:2

Nang gaw mare ni hpe jahten sharun kau nit dai, shanhte a ngang ai hpyen dap ni hpe jahten kau nga ndai. anhte a gumlau hpyen ni gap da ai hkawhkam htingnu ni htani htana hkoi mat masai.

YEREMIA 31:5

Nanhte gaw Samari bum ntsa hkan e, sabyi sun ni kalang mi bai hkai lu nna sabyi sun galaw ai ni gaw sabyi sun kaw nna pru ai asi ni hpe sha lu na marin dai.

YEREMIA 51:25

Babelon e, nang gaw mungkan ga ting hpe jahten kau ai bum zawn rai nga ti mung, dai Madu ngai nan na a hpyen rai nga nngai. Ngai gaw nang hpe magra jum da nhtawm ga madang hte maren adit jahkrat kau nna a mani di tawn na we ai.

YEREMIA 51:37

Dai mungdan gaw nam na gwi ma-a ni shanu ai hte marawng marang rai hten sumpum taw ai mung tai mat na ra ai. Dai mungdan gaw yu mau na zawn rai mat nhtawm, kadai mung dai shara hta shanu nga na ma ai n rai, dai mungdan hpe mu ai ni yawng hkrit kajawng mat na mara ai.

YEREMIA 9:11

Dai Madu gaw, “Ngai gaw Yerusalem hpe marawng marang di sumpum tawn nna, gwi ma-a ni nga ai shara shatai na nngai; Yuda mare ni gaw katsi katsang shara tai mat nna kadai mung n shanu ai shara tai mat na ra ai,” ngu nna tsun ai.

SHARUNG SHAYAWT 4:1

Anhte a htoi kabrim ai aja gaw n kabrim mat nu ai; Nawku Htingnu nlung ni mung nmaw lam hkan e taw nga ai.

EZEKELA 13:14

Ngai gaw shanhte namhtun hte chya da ai bunghku hpe agrawp daw kau ai hte adawt sharun kau nna de a npawt nhpang nlung ni hpe chyu sha ngam da na myit tawn nngai. Dai bunghku gaw ru hkrat wa nna nanhte yawng hpe gamyet sat na myit dai. Ngai nan dai Madu rai nga nngai hpe masha shagu chye lu na mara ai.

HOSEA 13:16

Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.

AMO LAIKA (AMOS) 5:11

Nanhte gaw matsan mayan masha ni hpe dip gamyet sha nna shanhte a nsi naisi ni kashun la kau ya nga myit dai majaw, nanhte gaw gap da ai tsawm ai nlung wahpang nta ni hta nga lu na myit dai n rai, nanhte hkai da ai tsawm la ai sabyi sun kata kaw na sabyi ntsin lu lu na myit dai n rai.

AMO LAIKA (AMOS) 6:8

Chyahtum Chyalai N-gun rawng ai Tsaw Htum ai dai Madu gaw ndai dagam sadi jaw ai lam jaw ya nu ai: “Ngai gaw Israela amyu masha ni a gumrawng gumtawng ai hpe n dawng nngai; ngai gaw shanhte a zing hkam ai nta htingnu ni hpe matsat nngai. Ngai gaw shanhte a mare daju hte dai hta nga manga shagu hpe gumlau hpyen a lata de jaw kau na we ai.”

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

HABAKU 3:13

Nang gaw na a amyu masha ni hpe hkye la na matu mung, nang lata da sai hkawhkam wa hpe hkye la na matu mung pru sa wa nga ndai. Nang gaw n hkru ai ni a ningbaw wa hpe adup kadang kau nna shi a hpang hkan masha ni hpe tsep kawp shamyit kau nit dai.

MAHTE 24:2

Shi mahtang shanhte hpe, “Rai sa, ndai nta ni yawng hte hpe nanhte mada mu ai n rai ni? Ngai nanhte hpe teng teng tsun made ga, ndai nta ni gaw, nlung langai mi gaw langai mi a ntsa e n mara mat ai du hkra hten run mat na mara ai,” ngu nna shanhte hpe tsun mu ai.