MIHKA 1:5 - Jinghpaw Common Language Bible 2009

⁵ Israela a shut hpyit ai yubak hte Karai Kasang hpe gumlau ai a majaw, ndai lam ni yawng byin wa na ra ai. Israela a gumlau ai amu a matu kadai wa hpe mara shagun na rai ta? Mare daju rai nga ai Samari shi nan Yuda mung hta hpara sumla nawku ai lai a mara lu ai wa n rai a hka? Yerusalem shi nan rai nga a hka!

Jinghpaw Hanson Version Bible

⁵ Ndai yawng hte gaw, Yaku tara tawt lai nna, Israela dap a yubak majaw, rai nga ai. Yaku a tara tawt lai ai lam, hpa rai ta? Samari mare, n rai ni? Yuda a tsaw ai kawng ni, kanang rai nga a ta? Yerusalem mare hta rai nga ai, n rai ni?

MIHKA 1:5 ပူးပေါင်းရင်းမြစ်များ

1 HKAWHKAM 11:7

Yerusalem mare a sinpraw maga na bum ntsa e, matsat shabat re ai Moba karai Hkemosha hte matsat shabat re ai Amon a Molek hpe nawku na shara ni gaw da nga wu ai.

1 HKAWHKAM 13:32

Behtela mare e nga ai tawn hkungri hpe mung, Samari mung na mare ni a nawku shara ni yawng hpe ninghkap nna shi tsun ai dai Madu a hkang da ai ga gaw kaja wa teng teng byin wa na ra ai,” ngu nna tsun wu ai.

1 HKAWHKAM 16:24

dai hpang shi gaw Shemera mying ai wa kaw nna Samari kawng hpe gumhpraw hkying kru hte mari la wu ai. Omri gaw dai kawng hta dap de nna mare de da wu ai. Dai hpe shawng na kawng madu Shemera a mying hkan let dai hpe Samari ngu nna shamying da nga ai.

2 HKAWHKAM LABAU 34:3

Yoshia hkawhkam tai wa ai matsat ning ngu na shi shabrang naw rai nga yang, shi a kaji kawa Hkawhkam Dawi a Karai Kasang hpe nawku hpang wa wu ai. Mali ning na ai hpang, shi gaw tara maigan masha ni a nawku shara ni, Ashera karai num a hkrang sumla ni hte kaga hpara ni yawng hpe jahten sharun hpang wa wu ai.

2 HKAWHKAM LABAU 34:4

Shi a masha ni gaw shi reng hkang ai npu hta Bala hpara nawku ai shara hta tawn da ai tawn hkungri ni hpe agrawp mani kau ma ai. Dai makau e nga ai manam pyaw ai baw nat nawng ya ai hkungga ni hpe run hpya kau ya ma ai. Shanhte gaw Ashera hpara sumla hkrang ni hte kaga hpara sumla ni yawng hpe ayun ayaw di agrawp mani kau nna dai ni hpe nawng ya ai masha ni a lup ntsa hkan e gat ayai kau ma ai.

ESAIA 7:9

Israela gaw Samari mung hte de a mare daju hta grau nna n-gun n rawng nga ai, Samari mung gaw Hkawhkam Peka hta grau nna n-gun n rawng nga ai. “Na a kam sham myit n ngang ai rai yang, nang grin nga lu na n rai.”

YEREMIA 2:17

Israela e, ngai nang hpe hkrun lam dingyang woi wa ai shaloi, dai Madu na a Karai Kasang rai nga ai ngai hpe kau da nit dai majaw, nang nan ndai zawn re ai ari hkrum nga ndai.

YEREMIA 2:19

Nang nan galaw ai n hkru ai amu gaw nang hpe ari jaw na ra ai, ngai kaw na kayin mat wa ai gaw nang hpe daw dan na ra ai. Dai Madu na a Karai Kasang ngai hpe kau da nna, ngai hta loi mi pyi sadi n dung nga ndai gaw kade sha ahkup ahka nga nna shut hpyit nga ai hpe nang chye wa na rai ndai. Chyahtum Chyalai N-gun rawng ai Tsaw Htum ai dai Madu ngai nan tsun ni ai,” ngu nna tsun ai.

YEREMIA 23:13

Samari mung na myihtoi ni a yubak mara hpe ngai mu se ai: shanhte gaw Bala a mying gang nna shaga ma ai, nye a amyu masha ni hpe lam woi shadam kau manu ai.

YEREMIA 23:14

Rai ti mung, shanhte hta grau sawng ai Yerusalem mare na myihtoi ni hpe ngai mu se ai: shanhte gaw num shaw la shaw amu shut hpyit nhtawm masu magaw ga ni tsun ma ai; shanhte gaw amyu masha ni hpe shut ai amu galaw na karum ya ma ai, shaloi, n hkru ai amu galaw nga ai hpe kadai mung jahkring da lu na ra ai n rai. Shanhte yawng gaw nye a man e n hkru ai Sodom hte Gomora mare masha ni zawn rai ma ai.

YEREMIA 4:18

Yuda e, Nang hkan nga ai sat lawat hte nang galaw da sai amu ni a majaw ndai lam nang hkum nan hkrum sha nit dai. Na a yubak gaw ndai nni nkri hpe shabyin dat nu ai; dai gaw na a myit masin hku achyaw galun ya nga sai.

YEREMIA 5:25

Shing rai na malai, na a shut hpyit ai yubak mara ni gaw nang hpe dai mai kaja ai a amu ni kaw na hkum shingdang kau ya nit dai.

YEREMIA 6:19

Ginding aga e, madat u! Shanhte gaw nye a sharin shaga ai ga ni hpe shinggan kau ya ai hte nye a matsun maroi mungga ni hpe n hkan ma ai majaw, shanhte a myit mang yaw shada ai lam yawng a matu ari, ndai amyu masha ni a ntsa e sharun shabyak ai tsin-yam tsindam shapraw dan na we ai.

SHARUNG SHAYAWT 5:16

Anhte a gumrawng shara yawng hpa mung n nga sai. Anhte yubak galaw ga ai hte, ya chyawm gaw ari hkrum saga ai.

EZEKELA 16:46

“Na a kana hte shi a mare gaw dingdung maga de nga ai Samari rai nga ai. Na a kanau hte shi a mare gaw dingda maga de nga ai Sodom rai nga ai.

HOSEA 7:1

“Ngai gaw nye a Israela amyu masha ni hpe shamai shatsai nna shanhte hpe bai ngamu ngamai shangun mayu ai aten shagu, ngai mu mada ai lam yawng gaw shanhte a n shawp n kap ai amu hte shanhte galaw ai n hkru lam hkrai rai nga ai. Shanhte shada da masu hkalem hkat ma ai; shanhte gaw nta shang hpya nna arai lagu la ma ai; shanhte gaw nmaw lam hkan nga ai masha ni hpe kashun kashe hpya sha nga ma ai.

AMO LAIKA (AMOS) 6:1

Nanhte a matu Ziun hta ndai zawn ngwi pyaw ai asak hkrun lam lu la ai hte Samari mung e sim sa shim ai lam hkam sha lu ai, ndai galu kaba ai Israela amyu baw a galu kaba ai ningbaw ni kaw karum la na matu sa du ai masha ni gaw nanhte a matu kade wa hkrit hpa rai na rai nga a hka!

AMO LAIKA (AMOS) 7:9

Isak a amyu matu mara ni nawku ai shara ni jahten shaza hkrum na mara ai. Israela a chyoi pra ai shara ni hten run taw mat na mara ai. Ngai gaw Hkawhkam Yeroboam a magam matu hpe jahtum kau na nngai,” ngu nna tsun wu ai.

AMO LAIKA (AMOS) 8:14

Samari a hpara sumla ni hte dagam ai ni gaw, ‘Dan a hpara shing n rai Berasheba a hpara hte ndai amyu masha ni hkrat mat nna bai n rawt wa lu na mara ai,” nga nna tsun ma ai.

MIHKA 1:13

Lahkisha mare e shanu nga ai masha ni e, gumra ni hpe hpyen leng ni hta byau tawn mu. Nanhte gaw Israela a yubak lam hkan galaw nga myit dai rai nna Yerusalem hpe yubak shabyin dat nga manit dai.