MIHKA 1:2 - Jinghpaw Common Language Bible 2009

² Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.

Jinghpaw Hanson Version Bible

² Amyu baw ni yawng hte e, madat mara mu; dinghta ga hte, dai hta rawng marawng ni e, na la mu: Madu Yehowa ngu ai Madu gaw, shi a chyoi pra ai nawku Htingnu hta na, nanhte a lam sakse hkam ya u ga.

MIHKA 1:2 ပူးပေါင်းရင်းမြစ်များ

1 HKAWHKAM 22:28

Mihkaia gaw, “Nang shim lum ai hte bai nhtang wa lu ai rai yang, dai Madu gaw ngai hku nna ga shaga na nu ai n rai!,” ngu nna jahtau tsun wu ai. Shi gaw, “Masha shagu hte e, ngai hpe tsun ai ga hpe madat mu law!,” ngu nna jat tsun wu ai.

2 HKAWHKAM LABAU 18:27

Mihkaia gaw, “Nang shim lum ai hte bai nhtang wa lu ai rai yang, dai Madu gaw ngai hku nna ga shaga sana nu ai n rai!,” ngu nna jahtau tsun wu ai. Shi gaw, “Masha shagu hte e, ngai tsun ai ga hpe madat mu law!,” ngu nna tsun jat wu ai.

SHAKAWN KUNGDAWN 11:4

Dai Madu gaw shi a chyoi pra ai Nawku Htingnu hta e, nga nga ai; sumsing lamu hta shi a tingnyang nga nga ai. Shara shagu hkan nga nga ai amyu masha ni hpe shi mada yu nna, shanhte hpa galaw nga ma ai hpe chye nga ai.

SHAKAWN KUNGDAWN 24:1

Ndai mungkan hte dai hta nga ai arai yawng mayawng hte gaw Madu a rai nga ai; Aga hte de a ntsa e nga ai arai yawng mayawng mung shi a rai nga ai.

SHAKAWN KUNGDAWN 28:2

Karum la na matu ngai nang hpe hpyi jahtau ai hte na a chyoi pra ai Htingnu maga de nye a lata ni hpe sharawt tawn ai shaloi, ngai hpyi ai nsen hpe na ya e.

SHAKAWN KUNGDAWN 50:1

Dai Chyahtum Chyalai n-gun rawng ai Madu Karai Kasang mungga tsun ai; sinpraw kaw nna sinna maga du hkra na mungkan ting hpe shi shaga nga ai.

SHAKAWN KUNGDAWN 50:12

“Ngai kawsi ai hkrum wa yang lusha a matu ngai nang kaw hpyi na n rai; hpa majaw nga yang, mungkan ting hte dai hta nga ai arai yawng mayawng hte gaw nye a rai nga li ai.

SHAKAWN KUNGDAWN 50:7

“Nye a amyu masha ni e, madat mu, ngai ga tsun nga nngai; Israela e, ngai nang hpe mara madun ai sakse hkam na nngai; Ngai gaw Karai Kasang na a Karai Kasang rai nga nngai.

GA SHAGAWP 8:4

Shi gaw, “Shinggyim masha ni e ngai nanhte hpe hpyi lajin nga nngai; ginding aga ntsa e shanu nga ai masha hkum shagu hte hpe ngai shaga nga nngai.

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 18:3

Ginding aga ntsa ting hta nga ai masha shagu hte e, madat mu! Bum pungding ntsa e sharawt da na kumla dawnghkawn hpe yu yu mu! Pahtau dum ai nsen hpe madat mu!

ESAIA 50:7

Rai ti mung shanhte a n kaw n law re ai amu gaw ngai hpe machyi shangun lu ai n rai, hpa majaw nga yang, Tsaw Htum ai dai Madu gaw ngai hpe karum la nga ai. Ngai gaw dai ni hpe hkam sharang lu hkra n-gun dahpran la nngai. Ngai kaya kahpa hkrum na n rai nga nngai hpe ngai chye nngai,

YEREMIA 22:29

O lamu ga e, lamu ga, lamu ga e, Dai Madu ning nga tsun sai ga hpe madat u:

YEREMIA 29:23

Shanhte gaw hkrit hpa yubak ni rai nga ai numshaw ai amu hte dai Madu a amying gang let masu hkalem ga ni tsun ai mara ni a majaw, dai gaw shan a matu hpang jahtum na lam tai na mara ai. Dai amu gaw dai Madu a ra sharawng ai lam hte ninghtan shai nga ai; shan galaw sai amu hpe shi chye nga ai, shan hte ninghtan shai ai hta shi gaw sakse langai mi rai nga ai. Dai Madu nan dai ga tsun nu ai,” ngu nna tsun ai.

YEREMIA 42:5

Dai hpang, shanhte gaw ngai hpe, “Anhte a matu ngu nna dai Madu anhte a Karai Kasang nang hpe htet da ai hkang da ai lam yawng mayawng hte hpe anhte n madat n mara ai rai yang, dai Madu gaw anhte hta teng man ai hte kangka ai sakse tai nga u ga.

YEREMIA 6:19

Ginding aga e, madat u! Shanhte gaw nye a sharin shaga ai ga ni hpe shinggan kau ya ai hte nye a matsun maroi mungga ni hpe n hkan ma ai majaw, shanhte a myit mang yaw shada ai lam yawng a matu ari, ndai amyu masha ni a ntsa e sharun shabyak ai tsin-yam tsindam shapraw dan na we ai.

YONA 2:7

Nye a nsa htum wa na zawn ngu hkam sha nga yang, O Madu e, ngai nang kaw akyu hpyi nngai, nang gaw nye a nsen hpe na a chyoi pra ai Nawku Htingnu hta na ya nit dai.

YONA 2:8

Akyu n rawng ai hpara sumla nawku ai ni gaw nang hta sadi dung nga ai lam kau da manu ai.

HABAKU 2:20

Dai Madu gaw shi a chyoi pra ai Nawku Htingnu hta nga nga ai; ginding aga ntsa na masha shagu hte gaw shi a man e a sim sha nga mu ga.

MALAHKI 2:14

Nanhte gaw hpa majaw dai ni hpe shi galoi mung n hkap la ai hpe san myit dai. Dai gaw na a brang ram prat e nang hkungran da sai madu jan hpe jaw ai na a ga sadi hpe nang run kau nit dai hpe shi chye ai majaw rai nga ai. Shi gaw na a kanawn manang rai nga ai hte shi hta sadi dung na nngai ngu, Karai Kasang a man e nang ga sadi jaw ti mung na a ga sadi hpe nang run kau nga ndai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

TARA JAHPRANG 32:1

“Sumsing lamu hte ginding aga e, nye a ga ni hpe na la u, ngai kaning nga tsun nga ai ga hpe ani sha madat la u.

SHINGRAN 2:11

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:17

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.

SHINGRAN 2:29

“Wenyi gaw hpung ni hpe kaning nga tsun ai gaw, na tu ai wa gaw na la u ga!

SHINGRAN 2:7

“Wenyi gaw hpung ni hpe kaning nga tsun ai gaw, na tu ai wa na la u ga! “Awng padang lu ai wa hpe Karai Kasang a Sun e tu ai asak hpun a asi hpe sha lu na ahkang ngai jaw na we ai.

SHINGRAN 3:13

“Wenyi gaw hpung ni hpe kaning nga tsun ai gaw, na tu ai wa gaw na la u ga!

SHINGRAN 3:22

“Wenyi gaw hpung ni hpe kaning nga tsun ai gaw, na tu ai wa gaw na la u ga!,” nga nna tsun ai.

SHINGRAN 3:6

“Wenyi gaw hpung ni hpe kaning nga tsun ai gaw, na tu ai wa gaw na la u ga!

TARA AGYI 11:10

Shanhte mung, “Dai Madu gaw anhte a sakse tai nga u ga, anhte myit hkrum ya na ga ai,” ngu nna bai htan ma ai.