MIHKA 1:14 - Jinghpaw Common Language Bible 2009

¹⁴ Ya chyawm gaw, Yuda masha ni gaw Moreshet Gat a mare hpe shakram dat ma ai. Israela a hkawhkam ni gaw Akzib mare na karum la lam hkam la lu na ma ai n rai.

Jinghpaw Hanson Version Bible

¹⁴ Dai re ai majaw nang gaw, Gat mung na Moreshe mare de shabawn ai kumhpa jaw dat na ndai: Akziba mare nta ni gaw, Israela hkawhkam ni a hkalem hkalau ai lam rai na ra ai.

MIHKA 1:14 ပူးပေါင်းရင်းမြစ်များ

2 SAMUELA 8:2

Dai hpang Moba mung masha ni hpe shi gasat dang kau wu ai. Shi gaw bawng masha shagu hpe ga ntsa e kaleng da shangun nhtawm dai ni kaw na masha masum hta lahkawng hkawng shaw la nna sat kau wu ai. Dai rai nna Moba masha ni mung Dawi a up hkang ai npu de shang mat wa ai hte shi hpe ahkun hkanse bang jaw ma ai.

2 HKAWHKAM 16:8

Ahaza gaw Nawku Htingnu na ja gumhpraw hte hkawhkam htingnu na sut rai ni hpe la nhtawm hkawseng wa hpang de kumhpa shagun dat ya wu ai.

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

ESAIA 30:6

Ndai gaw dingda nam mali e nga ai dusat ni hte seng ai Karai Kasang a mungga rai nga ai: “Dat kasa ni gaw hkanghkyi ni, atuk rawng ai lapu ni hte pyen ai baren ni nga nga ai dai hkrit tsang ra ai mungdan hku ga lai mat wa ma ai. Shanhte gaw shanhte a lawze ni hte gawla-uk ni hta manu dan ai kumhpa ni mara nna, shanhte hpe loi mi pyi n karum ya lu ai amyu baw ni a matu htaw sa ma ai.

YEREMIA 15:18

Ngai gaw hpa majaw nni nkri tut nawng hkrum sha nga nngai kun? Nye a nma ni hpa majaw n tsi lu nga a ni? Shanhte hpa majaw n shamai ya ma ni? Ginhtawng ta hta hkyet mat ai hka shi zawn ngai hpe myit shadaw jahten na matu, nang yaw shada n ni?,” ngu nna tsun ni ai.

YAWSHU 15:44

Kila, Akzib, Maresha ni rai nga ai. Kahtawng hte hpawn mare jahku rai nga ai.