MIHKA 1:12 - Jinghpaw Common Language Bible 2009

¹² Dai Madu gaw tsin-yam tsindam hpe Yerusalem de shadu dat wu ai majaw, Marot mare masha ni shingbyi shara a matu myit tsang ai hte ala nga ma ai.

Jinghpaw Hanson Version Bible

¹² Kaning rai nme law, Yehowa kaw na ari ahpri, Yerusalem mare chyinghka du hkra dep nga ai majaw, Marot kahtawng e shanu nga ai num gaw, shi kaning rai na lam, myit ung ang nga ai.

MIHKA 1:12 ပူးပေါင်းရင်းမြစ်များ

YOBA 30:26

Ngai gaw kabu gara ai lam hte nhtoi hpe myit mada nngai; rai ti mung de a malai ru yak tsin-yam tsindam hte nsin sha pru wa nga ai.

ESAIA 45:7

Ngai gaw nhtoi hte nsin hpe hpan nngai; Ngai gaw shaman chyeju hte tsin-yam tsindam hpe shabyin nngai. Dai Madu ngai gaw ndai amu ni yawng mayawng hpe galaw nngai.

YEREMIA 14:19

Madu e, nang gaw Yuda mung hpe atsai awai kau da nu ni? Nang gaw Ziun amyu masha ni hpe n dawng nga n ni? Anhte n mai wa lu hkra nang anhte hpe hpa majaw laja lana di machyi shangun mi ta? Anhte gaw ngwi pyaw sim sa lam hpe tam ga ai, rai ti mung mai kaja ai amu hpa mung n byin wa nga ai; anhte gaw shamai shatsai hkrum na matu myit mada ga ai, rai ti mung de a malai, hkrit hpa lam pru wa nga sai.

YEREMIA 8:15

Anhte gaw ngwi pyaw sim sa lam hte shamai shatsai na aten hpe myit mada nga ga ai; rai ti mung dai gaw hpa akyu mi n nga sai; de a malai hkrit hpa lam dan pru wa nga sai.

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

MIHKA 1:9

Samari a ningma ni hpe tsi lajang lu na n rai; Yuda mung mung dai hte maren nni nkri hkam sha ra nna, dai gaw nye a amyu masha ni shanu nga ai Yerusalem chyinghka ni de du hkra jahten shaza ai lam hkan dep nang nga ai,” ngu nna tsun ni ai.

RUHTA 1:20

Shi gaw, “Ngai hpe Naomi ngu nna hkum shaga myit; Mara ngu nna shaga mi, hpa majaw nga yang, Chyahtum Chyalai N-gun Rawng Ai Karai Kasang gaw nye a asak hkrun lam hpe ahkup ahka di ya ai majaw rai nga ai.

1 SAMUELA 4:13

Eli mung Ga Shaka Sumpu a majaw grai myit tsang ai hte lam makau na dung shara langai mi a ntsa hta dung nga let azi yu nga ai. Dai wa mare ting de ashi wa shamawng dat wu ai majaw, hkrit gari ai hte jahtau hkrap nga ma ai.