MIHKA 1:11 - Jinghpaw Common Language Bible 2009

¹¹ Shahpira mare masha ni e, kaya kahpa hte singgu krin rai nna, bawng dung sa wa masu. Zanan mare hta shanu nga ai ni shanhte a mare shinggan de n pru gwi nga ma ai. Betezela mare masha ni a sharung shayawt ai nsen hpe nang na ai shaloi, dai shara hta shingbyi shara n nga ai hpe nang chye na rin dai.

Jinghpaw Hanson Version Bible

¹¹ Shahpira mare hta shanu nga ai num e, singgu krin hte kaya kahpa hkrum let, rap sa wa u; Zanan mare hta shanu nga ai ni gaw, n pru gwi ma ai; Betezela hkrap shabam ai a majaw, nanhte a matu shingbyi shara n nga ai.

MIHKA 1:11 ပူးပေါင်းရင်းမြစ်များ

ESAIA 16:2

Shanhte gaw tsip run nna nwan hkawm ai u ni zawn Arnon hka nu hkin-gau ntsa hkan e ala nga nna shatawng shada ai lam n nga ai sha shawng de, hpang de kahkrang hkawm nga ma ai.

ESAIA 20:4

Asuri hkawseng wa gaw ndai mungdan lahkawng kaw na shi lu rim la ai bawng masha ni hpe singgu krin woi mat wa na ra ai. Kaji kaba n nga, shanhte gaw lagaw kaman hte singgu krin hkawm nna shanhte a dangbau ni hpaw da let, Egutu mung hpe kaya jahkrum na mara ai.

YEREMIA 13:22

Ndai lam ni yawng nang hta hpa majaw byin a ta? Hpa majaw na a hpun palawng ni gang je kau hkrum ai hte roi rip hkrum nga ndai kun?, nga nna nang san ai rai yang, dai lam gaw grai hkrit tsang ra ai na a yubak a majaw rai nga ai.

YEREMIA 48:6

Shanhte gaw, ‘Nanhte asak lawt na matu tin tin hprawng mu, nam ga na lawze zawn kagat hprawng mu!,’ ngu nna tsun ma ai.

YEREMIA 48:9

Moba a matu lup shadaw masat langai jung da mu; dai mung kade n na yang, hten run mat na ra ai. De a kahtawng ni hten run taw mat nna, kadai mung dai yang e bai nga na mara ai n rai,” nga nna tsun ai.

EZEKELA 16:37

Ndai lam a majaw, ngai gaw na a moi na sumtsaw sumra ni rai nga ai ni yawng hpe mung, nang ra marit ai ni hte nang n dawng ai ni yawng hpe mung jahpawng tawn na nngai. Ngai gaw shanhte hpe na a grup yin e jahpawng da nhtawm na a singgu krin kaya kahpa hpe mu lu mu ga, na a hpun palawng ni hpe ngai raw sharun kau ya na nngai.

EZEKELA 23:29

Shanhte mung nang hpe n dawng n yawt nga ma ai majaw, nang galaw shakut da ai arung arai shagu hpe shanhte la mat wa nna nang hpe mung, shawa num langai zawn shadan shadawng ai hte singgu krin jahti da na mara ai. Na a ngang gayut ai hte shawa num amu galaw ai dai lam gaw na a ntsa e dawng pru nit dai.

MIHKA 1:8

Dai hpang, Mihka gaw, “Ndai lam a majaw, ngai gaw sharung shayawt ai hte yawn madai nga nngai. Nye a yawn hkyen ai hpe madun dan na matu, lagaw kaman hte singgu krin hkawm kayin na nngai. Ngai gaw ga gwi zawn hkrap shabam nna u gawla-uk zawn ngoi na nngai.

NAHUM 3:5

Chyahtum Chyalai N-gun rawng ai dai Madu gaw, “Ninewe e, ngai nang hpe ari jaw na we ai! Masha amyu ni nang hpe mu la mu ga, na a kaya kahpa mahkra hpe mu la mu ga, nang hpe singgu krin raw sharun da na we ai.

ZEHKARIA 14:5

Nanhte gaw dai bum yan a lapran kadit lam hku hprawng lawt mat wa na marin dai. Yuda Hkawhkam Uzia lakhtak e, nnang nawn nawn wa yang, nanhte a nji nwa ni hprawng gat ma ai hte maren, nanhte hprawng gat na marin dai. Dai Madu nye a Karai Kasang gaw shi hte rau rai nga ai lamu kasa ni yawng hpe woi sa wa na ra ai.

YAWSHU 15:37

Bai Zenan, Hadasha, Migdalagad,