MIHKA 1:1 - Jinghpaw Common Language Bible 2009

¹ Ndai gaw Yuda hkawhkam ni rai nga ai Yohtam, Ahaza hte Hezekia ni a lakhtak e, Morashet mare na Mihka hpang de Samari hte Yerusalem hte seng nna dai Madu jaw ya ai mungga rai nga ai.

Jinghpaw Hanson Version Bible

¹ Yuda hkawhkam ni Yohtam, Ahaza, Hezekia lakhtak e, Morasha masha Mihka gaw, Samari hte Yerusalem a lam lakap nna mu ai Yehowa a mungga, da ndai rai nga ai.

MIHKA 1:1 ပူးပေါင်းရင်းမြစ်များ

2 HKAWHKAM 15:32

Israela Hkawhkam Remalia a kasha Peka hkaw dung ai lahkawng ning hta Uzia a kasha Yohtam mung shi a asak hkun manga ning hta

2 HKAWHKAM 15:5

Dai Madu gaw Uzia hpe manggang ana shakap ya wu ai rai nna, shi si ai shani du hkra shi hta kap nga ai. Shi gaw nta langai mi hta shi hkrai nga nna bungli lit yawng hta hkyamsa ai hku nga nga wu ai; shi a kasha Yohtam mahtang mungdan hpe up hkang nga ai.

2 HKAWHKAM 16:1

Israela Hkawhkam Remalia a kasha Peka hkaw dung ai sanit ning hta Yohtam a kasha Ahaza mung Yuda hkawhkam tai wa sai rai nna,

2 HKAWHKAM 18:1

Israela Hkawhkam Ela a kasha Hoshea hkaw dung ai masum ning hta Ahaza a kasha Hezekia mung

2 HKAWHKAM LABAU 28:1

Ahaza gaw asak hkun ning hta hkawhkam tai wa nna Yerusalem mare hta shi kru ning up nga ai. Shi gaw shi a kaji kawa Hkawhkam Dawi a kaja ai kasi hta n hkan nang nga ai; shing rai hkan nang na malai, dai Madu n ra sharawng ai amu hpe shi galaw nna,

2 HKAWHKAM LABAU 29:1

Hezekia gaw asak hkun manga ning hta Yuda hkawhkam tai wa nhtawm Yerusalem mare hta hkun jahku ning tup up nga ai. Shi a kanu gaw Zehkaria a shayi sha Abiya rai nga ai.

ESAIA 1:1

Ndai laika hta Yuda hkawhkam ni rai nga ai Uzia, Yohtam, Ahaza hte Hezekia ni hkaw dung nga ma yang, Yuda mungdan hte Yerusalem a lam hte seng nna, Amot a kasha Esaia kaw du ai Karai Kasang a mungga ni rai nga ai.

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 7:1

Uzia a kashu, Yohtam a kasha Hkawhkam Ahaza Yuda mung hpe up hkang nga ai shaloi, majan byin wa sai. Suri hkawhkam Rezin hte Remalia a kasha Israela Hkawhkam Peka yan gaw Yerusalem hpe gasat ma ai, rai ti mung dai mare hpe n lu gasat la ma ai.

ESAIA 7:9

Israela gaw Samari mung hte de a mare daju hta grau nna n-gun n rawng nga ai, Samari mung gaw Hkawhkam Peka hta grau nna n-gun n rawng nga ai. “Na a kam sham myit n ngang ai rai yang, nang grin nga lu na n rai.”

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

HOSEA 1:1

Ndai gaw Yuda hkawhkam ni rai nga ai Uzia, Yohtam, Ahaza hte Hezekia ni up hkang ai laman hte Yehoasha a kasha Yeroboam Israela hkawhkam tai nga ai aten hta Beri a kasha Hosea hpe jaw ai dai Madu a mungga rai nga ai.

HOSEA 4:15

“Nanhte Israela amyu masha ni gaw ngai hta sadi n dung nga myit ti mung, Yuda ni chyawm gaw dai zawn nan re ai mara n galaw hkrup nga mu ga. Gilgala mare e hkum nawku myit; Betawen mare e mung hkum nawku myit; ahkrung nga ai dai Madu a amying hta ga sadi ni hkum tawn da myit.

HOSEA 8:14

“Israela amyu masha ni hkawhkam htingnu ni gap ma ti mung, shanhte a htingnu Gap Ya Ai Wa hpe malap kau manu ai. Yuda masha ni mare bunghku ni kum da ma ai; rai ti mung ngai gaw wan hpe dat dat nna dai gaw shanhte a hkawhkam htingnu ni hte mare ni hpe hkru kau na ra ai.”

AMO LAIKA (AMOS) 1:1

Ndai gaw Yuda mungdan a Hkawhkam Uzia hte Israela Hkawhkam Yosha a kasha Yeroboam a lakhtak e, nnang nawn garai n nawn ai lahkawng ning a shawng e, Tekoa mare na sagu rem wa Amo hpe Israela hte seng nna Karai Kasang kaw na lu la ai mungga ni rai nga ai.

AMO LAIKA (AMOS) 6:1

Nanhte a matu Ziun hta ndai zawn ngwi pyaw ai asak hkrun lam lu la ai hte Samari mung e sim sa shim ai lam hkam sha lu ai, ndai galu kaba ai Israela amyu baw a galu kaba ai ningbaw ni kaw karum la na matu sa du ai masha ni gaw nanhte a matu kade wa hkrit hpa rai na rai nga a hka!

MIHKA 1:5

Israela a shut hpyit ai yubak hte Karai Kasang hpe gumlau ai a majaw, ndai lam ni yawng byin wa na ra ai. Israela a gumlau ai amu a matu kadai wa hpe mara shagun na rai ta? Mare daju rai nga ai Samari shi nan Yuda mung hta hpara sumla nawku ai lai a mara lu ai wa n rai a hka? Yerusalem shi nan rai nga a hka!

MIHKA 3:9

Teng man ai lam hpe n dawng ai hte shut hpyit maga de kayin hkawm nga ai Israela a mungdu salang ni e, nye a ga madat mu.

HABAKU 1:1

Ndai mungga gaw dai Madu myihtoi Habaku hpe madun dan sai lam ni rai nga ai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.