MARKU 9:9 - Jinghpaw Common Language Bible 2009

⁹ Ya dai bum de na yu hkrat wa ma yang, Yesu gaw, “Dai Masha Kasha si ai kaw na garai n rawt rawt gaw, nanhte mu ai hpe kadai hpe mung hkum hkai dan myit,” ngu nna shanhte hpe ginhtim hkang da mu ai.

Jinghpaw Hanson Version Bible

⁹ Ya dai bum de na yu hkrat wa ma yang, dai Masha Kasha gaw si ai ni kaw na garai n rawt rawt gaw, shanhte mu ai hpe, kadai wa hpe mung n hkai dan mu ga, shi shanhte hpe ginhtim da mu ai.

MARKU 9:9 ပူးပေါင်းရင်းမြစ်များ

MAHTE 12:19

Shi gaw tsun dangrang ai lam, shing n rai, jahtau ai lam galaw na ra ai n rai. Shi a nsen hpe lam hkan e kadai mung na lu na mu ai n rai.

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

MAHTE 8:4

Shaloi Yesu gaw, “Madat u! Ndai lam kadai hpe mung hkum tsun dan et, pru wa nhtawm na a hkum hkinjawng agyi wa hpe jep yu shangun u; dai hpang, nang san pra mat sai lam shanhte a man e sakse tai u ga, Mawshe hkang tawn da ai hkungga nawng ya u,” ngu shi hpe tsun wu ai.

MARKU 5:43

Rai ti mung Yesu gaw, dai lam kadai hpe mung n tsun mu ga, aja awa ginhtim hkang da mu ai; dai hta kaga, “Ma hpe shahpa lama ma jaw mu,” nga nna shi htet da mu ai.

MARKU 7:36

Dai hpang Yesu gaw, dai lam kadai hpe mung n tsun dan mu ga, masha ni hpe ginhtim da mu ai. Rai ti mung, je ginhtim magang je tsun hkai dan shajang ma ai.

MARKU 9:10

Shi hkang da ai hpe shanhte madat ma ai, rai ti mung, “Dai si ai kaw na bai rawt wa na nga ai gaw, hpa nga ai rai lu hka?,” nga nna shanhte shada da tsun bawng hkat nga ma ai.

MARKU 9:8

Ya akajawng sha kayin yu yang, Yesu hta kaga shanhte kadai hpe mung n mu manu ai.

LUKA 24:46

Madu gaw, “Chyum Laika hta Meshia gaw nni nkri hkam nna masum ya du ai nhtoi e, si ai kaw na bai hkrung rawt wa na ra ai.

LUKA 9:36

Dai nsen hkring ai shaloi, Yesu shi hkrai sha nga nga ai hpe, shanhte mu ma ai, Sape ni mung, ndai lam mahkra hte seng nna atsin sha nga nna, shanhte mu ai lam ni hpe dai nhtoi hte hta kadai hpe mung n tsun dan ma ai.