MARKU 9:50 - Jinghpaw Common Language Bible 2009

⁵⁰ “Jum gaw kaja nga ai rai ti mung dai jum hkawng mat a yang gaw nanhte kaning di bai jashum la lu na myit ta? “Nanhte hta hkau chyap kanawn mazum ngu ai jum rawng nga shangun nhtawm, shada da sim sa ngwi pyaw ai hku nga mu,” ngu nna shanhte hpe tsun mu ai.

Jinghpaw Hanson Version Bible

⁵⁰ Jum gaw kaja nga ai: rai timung, jum hkawng mat yang gaw, hpa hte jashum la lu na myit ta? Nanhte hta jum sharawng da mu: nanhte shada da ahkau achyap rai nga mu,” ngu mu ai.

MARKU 9:50 ပူးပေါင်းရင်းမြစ်များ

YOBA 6:6

Rai ti mung jum n bang ai lusha hpe kadai wa n chyim ai sha sha lu a ni? Udi kata na hpyi hpraw hta hpa baw nam chyim rawng a ta?

SHAKAWN KUNGDAWN 133:1

Karai Kasang a amyu masha ni myit hkrum rap ra nna, rau hpawng nga lu ai gaw, kade wa mauhpa rai nga a hka, dai gaw kade wa ngwi pyaw nga a hka!

SHAKAWN KUNGDAWN 34:14

N hkru n shawp ai lam hpe koi kau nna mai kaja ai lam hpe galaw nga u; na a myit masin mahkra hte ngwi pyaw sim sa lam a matu, shakut shaja nga u.

EZEKELA 43:24

dai ni hpe nye a man de la sa wa mi. Hkinjawng ni mung dai ni hpe jum mun bun nna nye a matu hkungga nat nawng na mu ai.

MAHTE 5:13

Nanhte gaw dinghta shinggyim masha yawng a matu jum hte bung nga myit dai. Dai jum mahtang hkawng mat yang gaw dai hpe bai jashum la lu na lam n nga ai. Shinggan de kabai kau nna masha ni e kabye kau na hta kaga, hpa asung mi n shang lu ai.

MARKU 9:34

Rai ti mung shanhte atsin sha nga ma ai, hpa majaw nga yang, shanhte hta na kadai wa mahtang grau kaba ai wa rai nga ai kun? nga nna lam hkan e shanhte shada da tsun dangrang hkat nga ma ai.

MARKU 9:49

“Shagu hkungga langai mi hpe jum bang nna jasan jaseng la ai zawn masha shagu hpe mung wan hte jasan jaseng shangun na ra ai.

ROMA 12:18

Nanhte a maga hku nna rai lu myit dai daram, masha nlang hte hte myit hkrum ngwi pyaw simsa hkra nga mu.

2 KORINHTU 13:11

Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

EHPESU 4:29

Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

KOLOSE 4:6

Nanhte tsun ai ga gaw galoi mung jum shum ai zawn na ra shing-nyi rawng nna chyeju masa hku myit lawm shangun ai ga rai nna san ai masha shagu hpe jaw ai mahtai jaw lu na matu shajin da nga mu.

1 HTESALONI 5:13

Shanhte gun hpai ai magam bungli a majaw shanhte hpe grai wa di nna hkungga lara ai hte tsaw ra ai hku galaw nga mu. Nanhte a kata hta mung shada da ngwi pyaw sim sa ai hku asak hkrung nga mu.

2 TIMOHTI 2:22

Brang ram a myit kayut ai lam ni hpe koi gam nna Madu hpe san seng ai myit hte karum hpyi ai ni hte rau ding hpring ai lam, kam sham ai lam, tsaw ra ai lam hte ngwi pyaw sim sa ai lam hpe tam shakut nga u.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.

YAKU 1:20

Masha a masin pawt ai gaw Karai Kasang ra sharawng ai ding hpring ai lam hpe anhte hta byin shangun lu ai n rai.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.