MARKU 9:36 - Jinghpaw Common Language Bible 2009

³⁶ Dai hpang ma kaji langai mi hpe shaga la nna shanhte a shawng e shatsap tawn wu ai. Shi gaw ma hpe shi lata lahkawng hte jum ahpum la tawn nhtawm,

Jinghpaw Hanson Version Bible

³⁶ Bai, ma kaji langai mi hpe shi shaga la nna, shanhte a ka-ang e shatsap tawn wu ai; shi hpe pawn la let shanhte hpe,

MARKU 9:36 ပူးပေါင်းရင်းမြစ်များ

MAHTE 18:2

Dai rai nna shi gaw ma kaji langai mi hpe shaga la nna, shanhte a ka-ang e shatsap tawn nhtawm,

MARKU 10:16

Shaloi ma ni hpe shi a lata hte pawn la nna, shanhte langai hte langai a ntsa e lata mara let shaman ya mu ai.

MARKU 9:35

Shaloi Yesu dung nna, sape shi lahkawng hte hpe shaga la nhtawm, shanhte hpe, “Kadai rai ti mung, nambat langai shara hta nga mayu ai wa gaw yawng a hpang na wa hte, yawng a ali ama tai u ga,” ngu mu ai.

MARKU 9:37

shanhte hpe, “Ma kaji ni hta na, ndai zawn re ai ma langai mi hpe nye a mying majaw hkap la ai wa kadai mung, ngai hpe hkap la ai rai nga ai; ngai hpe hkap la ai wa gaw ngai hpe sha hkap la ai n rai, ngai hpe shangun dat ai wa hpe mung hkap la nu ai rai nga ai,” ngu nna tsun mu ai.