MARKU 9:31 - Jinghpaw Common Language Bible 2009

³¹ Hpa majaw nga yang, “Dai Masha Kasha gaw masha ni a lata de ap kau ai hkrum nna, shanhte shi hpe sat kau na maru ai. Rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya da mu ai.

Jinghpaw Hanson Version Bible

³¹ Kaning rai nme law, “Dai Masha Kasha gaw masha ni a lata hta e ap kau ai hkrum nna, shanhte shi hpe sat kau na maru ai hte, sat kau ai hkrum ngut jang, masum ya nhtoi hpang e, shi bai hkrung rawt wa na ra ai,” ngu nna shi a sape ni hpe sharin achyin ya nna, tsun dan mu ai.

MARKU 9:31 ပူးပေါင်းရင်းမြစ်များ

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 26:2

“Lahkawng ya lai jang, dai Shalai wa ai Poi du na ra ai, nanhte chye nga myit dai rai nna, Masha Kasha hpe wudang hta e jen da na matu ap kau ai hkrum na ra ai,” ngu mu ai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

MARKU 10:34

Shanhte gaw shi hpe asawng asang di nna, mayen mahtaw bun ai hte, shi hpe anu kayat nhtawm, sat kau na maru ai; rai ti mung masum ya nhtoi a hpang e shi bai hkrung rawt wa na ra ai,” ngu nna tsun mu ai.

MARKU 8:31

Dai shaloi Yesu gaw, “Dai masha Kasha gaw nni nkri law law wa hkrum nna, agyi salang ni, hkinjawng agyi ni hte tara sara ni e nyet kau ai hkrum na ra ai. Shi hpe sat kau na mara ai, rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya hpang mu ai.

MARKU 9:12

Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

LUKA 24:26

Meshia gaw shi a hpung shingkang hta garai n shang ningngai yang, shing re ai nni nkri hpe hkam ra ai n rai ni?,” ngu nna tsun mu ai.

LUKA 9:44

“Ngai nanhte hpe tsun dan hkyen ai ga hpe hkum malap kau mu, Masha Kasha gaw masha ni a lata de ap kau ai hkrum na ra ai,” ngu nna tsun mu ai.

YAWHAN 10:18

Gade e mung nye a asak hpe nawng kau shangun ai n rai. Nye a myit hte ngai nawng ya kau nngai. Nawng ya kau na ahkang hte bai la na ahkang ngai lu nngai. Shing rai galaw na matu nye Wa gaw ngai hpe hkang da ni ai,” ngu mu ai.

YAWHAN 2:19

Yesu gaw, “Ndai Nawku Htingnu hpe hpya kau u, masum ya laman e, ngai dai hpe bai sharawt na we ai,” ngu nna shanhte hpe htan mu ai.

YAWHAN 3:14

Mawshe gaw nam mali e magri mang lapu hpe sharawt da ai zawn,

2 TIMOHTI 2:12

Anhte matut nna hkam sharang nga ga yang gaw, anhte shi hte rau mung up nga lu na raga ai. Anhte shi hpe ningdang kau ga yang gaw, shi mung anhte hpe ningdang kau na ra ai.