MARKU 9:3 - Jinghpaw Common Language Bible 2009

³ shi a hpun palawng gaw kabrim kabram wa nna nachying hpraw tu wa lu ai, ndai daram hpraw tu hkra ga ntsa na sumpan chyaw ai kadai wa mung n di lu nga ai.

Jinghpaw Hanson Version Bible

³ shi a hpun palawng gaw kabrim kabram wa nna, nachying hpraw tu wa lu ai: ga ntsa na tsi chyaw ai wa kadai mung, dai hte wa hpraw jahtap lu ai n rai.

MARKU 9:3 ပူးပေါင်းရင်းမြစ်များ

SHAKAWN KUNGDAWN 51:7

Nye a yubak hpe la kau ya e, shing rai jang, ngai san pra wa lu na nngai; ngai hpe kashin la e, shing rai jang, ngai gaw hkyen hta pyi grau hpraw wa lu na nngai.

SHAKAWN KUNGDAWN 68:14

Chyahtum Chyalai N-gun Rawng Ai Karai Kasang gaw hkawhkam ni hpe Zalmon bum de shabra kau ai shaloi, shi gaw dai shara hta hkyen hkrat shangun nga ai.

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

Daniela 7:9

Ngai mada yu nga yang, tingnyang ni hpe shara hte shara tawn da nga ai. Htani htana ahkrung nga ai wa chyawm gaw tingnyang langai a ntsa e dung nga ai. Shi a hpun palawng ni gaw hkyen zawn hpraw nna kara gaw jet ai sagu mun hte bung nga ai. Shi a tingnyang gaw wan grung nga ai dingsen ni a ntsa e shadun da nna,

MAHTE 28:3

Shi a hpraw nsam myihprap zawn rai nga nna, shi a hpun palawng ni gaw hkyen zawn hpraw nga lu ai.

MARKU 9:4

Dai hpang sape ni marai masum hte nan Elia yan Mawshe dan pru nna Yesu hte ga shaga hkat nga ai hpe mu ma ai.

LUKA 9:29

Shi akyu hpyi nga yang, shi a myi man ahpraw nsam galai nna, shi a hpun palawng ni mung hpraw tu ai hte kabrim kabram rai wa lu ai.

KASA 10:30

Korneli gaw, “Lai wa sai masum ya ngu na nhtoi hta, nye a nta e shana de daw hkying masum daram hta ngai akyu hpyi nga nngai. Dai shaloi akajawng sha tu kabrim ai hpun palawng bu hpun ai wa langai mi nye a man e tsap pru nna,

SHINGRAN 19:18

Hkawhkam ni a ashan, gumra ni a ashan, gumra jawn ai ni a ashan, masha kaji kaba, shanglawt hte mayam ngu ai masha ni yawng a ashan hpe sha lu na marin dai,” nga nna nsen kaba hte jahtau wu ai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.