MARKU 9:29 - Jinghpaw Common Language Bible 2009

²⁹ Yesu gaw, “Akyu hpyi ai hte sha n rai yang, kaga hpa lai ladat hku nna mung ndai baw nat hpe n shapraw kau lu na re,” ngu nna htan mu ai.

Jinghpaw Hanson Version Bible

²⁹ Shi gaw, “Ndai amyu hpe gaw, akyu hpyi ai hte sha n rai yang gaw, n shapraw lu na re ai,” ngu nna shanhte hpe tsun mu ai.

MARKU 9:29 ပူးပေါင်းရင်းမြစ်များ

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

MAHTE 12:45

Shaloi shi nhtang sa nna, shi hta grau n hkru ai nat sanit hpe shaga wa nhtawm shanhte shang nna dai yang e arawng nga ma ai; dai rai nna, dai masha a nsam gaw, shawng na hta grau ru wa lu ai. Dai hte maren ndai prat na n hkru ai amyu hta byin wa na ra ai,” ngu mu ai.

MAHTE 17:20

Yesu gaw, “Nanhte ai n kam myit dai majaw, n di lu myit dai; nanhte hpe ngai teng teng tsun made ai gaw, kam sham ai myit chyinghkrang tum daram nanhte hta rawng nga ai rai yang gaw, ndai bum hpe, ‘Nang kaw nna wora de htawt sit mat u!,’ ngu nna nanhte tsun mu yang, dai htawt sit mat na ra ai: nanhte n di lu na amu hpa mung n nga na re,” ngu nna shanhte hpe tsun mu ai.

MAHTE 17:21

“Rai ti mung, ndai baw nat hpe gaw akyu hpyi nna lusha gam ai hte sha n rai yang gaw, kaga hpa lam hku nna n shaden kau lu ai,” ngu mu ai.

MARKU 9:28

Yesu nta nhku de bai shang wa yang, shi a sape ni gaw, “Anhte hpa rai nat hpe n shaden kau lu ga ta?,” ngu nna mayun san yu mu ai.

MARKU 9:30

Yesu hte sape ni gaw, dai shara kaw na pru mat wa nhtawm Galile ginwang hku ga sa wa ma ai. Yesu gaw shi kanang e nga nga ai ngu ai lam kadai hpe mung n chye shangun mayu wu ai.

LUKA 11:26

Shaloi shi nhtang sa nna, shi hta grau n hkru ai nat sanit hpe shaga woi nhtawm, dai nta hta shang rawng nga ma ai. Dai rai nna, dai masha wa a hpang jahtum daw na nsam gaw shawng de na hta grau ru wa lu ai,” ngu nna tsun wu ai.

KASA 14:23

Hpung shagu hta, hpung salang ni hpe lata san da nna lusha gam let akyu hpyi ngut jang shanhte kam sham nga ai Madu a lata hta ap ya da mu ai.

1 KORINHTU 9:27

Ngai gaw masha kaga hpe shingjawng poi hta lawm na matu saw shaga ngut ai hpang, tinang hkum nan madang n dep ai majaw, lata kau ai n hkrum u ga, nye a hkum hpe ra ai hte maren jai lang lu na matu tsep kawp up hkang kau lu hkra htwi ahkak shaja la we ai.

2 KORINHTU 11:27

Bungli hte kyin dut ai, law law lang yup n lu sha ai, kaw si hpang gara hkrum ai, law law lang, lusha dumhprut ai, shingbyi shara n lu ai hte singgu krin re ai tsin yam ahkrum nga nngai.

2 KORINHTU 12:8

Dai machyi ai hpe yeng seng kau ya na matu ngai gaw dai Madu kaw masum lang tup akyu hpyi ni ai.

2 KORINHTU 6:5

Anhte gaw anu kayat ai, htawng bang ai, shawa masha ni kabring kabrawng re ai hkrum ai, bungli galaw ai hta hkring sa ten n lu nna yup n lu sha ai, lusha n lu sha ai lam ni hkrum ga ai.

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

YAKU 5:15

Kam sham ai myit hte akyu hpyi ai ga gaw dai machyi ai wa hpe shamai shatsai lu nna dai Madu gaw shi hpe bai hkam kaja wa shangun na ru ai hte shi galaw hkrup kau ai yubak mara ni hpe mung raw dat kau ya na ra ai.