MARKU 9:28 - Jinghpaw Common Language Bible 2009

²⁸ Yesu nta nhku de bai shang wa yang, shi a sape ni gaw, “Anhte hpa rai nat hpe n shaden kau lu ga ta?,” ngu nna mayun san yu mu ai.

Jinghpaw Hanson Version Bible

²⁸ Nta nhku de bai shang wa yang, shi a sape ni lagyim san nna, “Anhte dai nat hpe hpa majaw n shaden kau lu gaw ta?” ngu mu ai.

MARKU 9:28 ပူးပေါင်းရင်းမြစ်များ

MAHTE 13:10

Shaloi sape ni shi kaw sit sa wa nna, “Madu e, nang masha ni hpe ga shaga ai shaloi, hpa majaw ga shadawn ni lang nna tsun shaga n ta?,” ngu nna shi hpe san mu ai.

MAHTE 13:36

Dai hpang Yesu gaw shawa masha ni kaw na pru mat wa nna nta hta e shang mat wa ai. Shaloi shi a sape ni shi kaw sit sa wa nna, “Hkauna hta e tu ai tsing ga shadawn a lam, anhte hpe htai dan mi,” ngu mu ai.

MAHTE 15:15

Shaloi Petru gaw, “Ndai ga shadawn anhte hpe htai dan mi,” ngu nna htan wu ai.

MARKU 2:1

Ya nhtoi tawng marang mi na wa ai hpang, Yesu gaw Kaperna-um mare de bai du wa ai. Shi nta e nga nga ai lam shiga masha ni na shajang ma ai.

MARKU 3:20

Dai hpang Yesu gaw nta de wa ai. Shawa masha wunawng kaba langai mi bai sa zuphpawng nga ma ai majaw Yesu hte sape ni shat sha na aten pyi n lu da mu ai.

MARKU 4:10

Yesu shi hkrai sha rai nga yang, shi a lam na lu ai masha nkau mi gaw sape shi lahkawng hte hte rau, Yesu kaw sa nna ga shadawn ni a lam san mu ai.

MARKU 4:34

Ga shadawn hte n rai yang gaw shi shanhte hpe hpa mung n tsun dan yu ai rai ti mung shi a sape ni hte rau shanhte hkrai rai nga ai ten hta, lam shagu shanhte hpe lachyum hpyan dan mu ai.

MARKU 7:17

Yesu gaw shawa masha ni hte hka nna nta de shang wa yang shi a sape ni, dai ga shadawn lachyum hpa re ai lam san ma ai,

MARKU 9:27

Rai ti mung Yesu gaw, ma a lata hpe jum let shi hpe sharawt wu ai. Shaloi dai ma mung rawt tsap nga ai.

MARKU 9:29

Yesu gaw, “Akyu hpyi ai hte sha n rai yang, kaga hpa lai ladat hku nna mung ndai baw nat hpe n shapraw kau lu na re,” ngu nna htan mu ai.