MARKU 9:24 - Jinghpaw Common Language Bible 2009

²⁴ Shaloi jang kawa gaw, “Ngai kam sham nga nngai, rai ti mung nye a kam sham myit n law li ai, grau nna law wa na matu ngai hpe karum matsan dum la rit law!,” nga nna jahtau tsun ai.

Jinghpaw Hanson Version Bible

²⁴ Shaloi jang, dai ma a kawa gaw, “Ngai kamsham nga nngai, nye a n kam n sham ai myit naw matsan dum ya e,” nga nna jahtau tsun ai.

MARKU 9:24 ပူးပေါင်းရင်းမြစ်များ

2 SAMUELA 16:12

Dai Madu gaw nni nkri lam hpe yu matsing nhtawm, shi matsa ai a marang e, ngai hpe shaman chyeju nkau mi jaw ya nhten,” ngu nna tsun wu ai.

2 HKAWHKAM 20:5

shi hpe, “Na a nji nwa Dawi a Karai Kasang ngai Madu nan na a akyu hpyi ai ga hpe na ni ai; na a myi prwi ngai mu se ai; Ngai gaw nang hpe masum ya laman shamai ya na de ai; shaloi Nawku Htingnu de nang sa lu na rai ndai.

SHAKAWN KUNGDAWN 126:5

Shanhte a nsi naisi ni hpe myi prwi hte gat hkai ai ni gaw kabu gara ai hte bai shu la lu mu ga!

SHAKAWN KUNGDAWN 39:12

Madu e, nye a akyu hpyi ai ga hpe na ya e, ngai hpyi jahtau ai nsen hpe madat ya e; ngai hkrap ngu hkrap ngoi nga yang, ngai hpe sa karum la e. Nye a kaji kawa ni yawng zawn, ngai gaw na a manam sha, jahkring mi tai nga nngai.

YEREMIA 14:17

Dai Madu gaw nye a yawn hkyen ai lam hpe ning ngu amyu masha ni hpe tsun na matu ngai hpe hkang da nga ai: “Nye a myi prwi ni shani shana lwi nga u ga, ngai gaw galoi mung n sim n sa hkrap ngu hkrap ngoi nga u ga; hpa majaw nga yang, nye a amyu masha ni gaw grai sawng hkra hkala nba hkrum ai hte laja lana re machyi hkrum nga sai.

MARKU 9:23

Yesu gaw, “Nang rai lu n yang gaw! ngu nna hpa majaw tsun n ta? Kam sham ai myit rawng ai wa a matu, n byin mai ai lam hpa mung n nga ai,” ngu nna tsun wu ai.

MARKU 9:25

Yesu gaw shanhte hpang de shawa masha ni kahtep shani sa wa nga ma ai hpe mu wu yang, dai n seng ai nat hpe, “N chye shaga nna na lahpang ai nat e, ndai ma kaw na pru mat wa u. Htawm hpang e galoi mung bai hkum shang nit!, ngu nna ngai nang hpe hkang da de ai,” ngu wu ai.

LUKA 17:5

Kasa ni gaw, Madu hpe, “Anhte a kam sham ai myit kaba shangun ya mi,” ngu nna hpyi mu ai.

LUKA 7:38

Shingdu maga, Yesu a lagaw nhpang e hkrap tsap nga let, Madu a lagaw hpe myi prwi hte madit ya wu ai, dai hpang shi a kara hte katsut kau ya wu ai, shi a lagaw hpe mung pup nhtawm, manam pyaw ai mura hte chya ya wu ai.

LUKA 7:44

Shaloi dai numsha hpang de shi kayin nna Simun hpe, “Ndai numsha hpe nang mu da wu ni? Ngai na nta de shang tim, lagaw shin na ntsin nang n jaw ndai, shi chyawm gaw myi prwi hte nye a lagaw madit ya nna, shi a kara hte katsut kau ya ni ai.

KASA 10:19

Petru mung, shingran de a lam naw myit sumru nga yang, dai Wenyi gaw, “Yu u, nang e masha masum nang hpe tam nga ma ai, rawt u, yu wa sit.

KASA 10:31

‘Korneli e, na a akyu hpyi ai ga Karai Kasang na ya sai, na a alu jaw ai lam hpe mung Karai Kasang matsing da nu ai.

2 KORINHTU 2:4

Ngai gaw tsin-yam tsindam myit ru myit yak grai hkrum nna myi prwi law law pru let dai laika hpe ka dat se ai. Nye a yaw shada ai lam gaw nanhte hpe myit yawn shangun na matu n rai; Nanhte hpe ngai gade daram tsaw ra nga ai hpe chye shangun mayu ai majaw ka dat ai rai nga ai.

EHPESU 2:8

Hpa majaw nga yang, nanhte gaw makam masham a marang e Karai Kasang a chyeju hte sha hkye hkrang la ai hkrum manit dai; dai gaw nanhte nan shakut shaja ai majaw n rai, Karai Kasang a kumhpaw kumhpa sha rai nga ai.

HPILIPI 1:29

Kaning rai nme law, nanhte gaw Hkristu hpe kam sham ai hku nna sha n rai; shi a matu mara nni nkri hkam ai hku nna mung, shi a magam hpe gun hpai na ahkang chyeju jaw ya ai hkrum manit dai.

2 HTESALONI 1:11

Ndai lam a majaw nanhte a matu anhte tut nawng e akyu hpyi ya nga ga ai. Nanhte gaw Karai Kasang e shaga la hkrum ai ni a asak hkrung lam hte ging dan ai hku asak hkrung lu myit ga, anhte Karai Kasang kaw akyu hpyi ya nga ga ai. Shi gaw shi a hpung shingkang atsam hte nanhte a mai kaja ai hpe shabyin mayu ai myit nga manga hpe jahpring shatsup ya nna, nanhte a makam masham a magam bungli hpe shangut shakre ya u ga.

2 HTESALONI 1:3

Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.

2 TIMOHTI 1:4

Na a myi prwi ni hpe ngai dum ya nga nngai rai nna ngai hta dai kabu gara ai hte hpring tsup wa u ga, nang hte hkrum lu na matu ngai grai myit n dawt nga nngai.

HEBRE 12:17

Nanhte chye nga ai hte maren, shi gaw hpang e she kawa kaw na shaman chyeju lu la mayu wu ai, rai ti mung shi n lu wu ai, hpa majaw nga yang, shi galaw lai wa sai lam hpe bai sharai na lam hpe myi prwi hte tam katu wu ti mung, n mu la nu ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.