MARKU 9:22 - Jinghpaw Common Language Bible 2009

²² Nat gaw ma hpe sat kau lu hkra nga, wan hta mung, hka hta mung law law lang kadawng bang shangun wu ai. Madu nang rai lu n yang gaw, anhte hpe matsan dum nna karum la mi law!,” ngu wu ai.

Jinghpaw Hanson Version Bible

²² shi hpe jahten lu hkra nga nna, wan hta e rai timung, hka hta e rai timung, law law lang wa shi hpe kabai bang bang di wu ai: rai timung, nang rai lu n-yang gaw, an hpe matsan dum nna karum ya mi,” ngu wu ai.

MARKU 9:22 ပူးပေါင်းရင်းမြစ်များ

MAHTE 14:31

Shaloi jang Yesu gaw shi a lata ladawn nna, shi hpe dun la let, “Ai n kam ai wa e! Hpa majaw nang kam shut nga n ta?,” ngu nna shi hpe tsun wu ai.

MAHTE 17:15

“Madu e, ngai sha hpe matsan dum la ya e law! Shi ma mu mu ai rai nna wan hta mung, hka hta mung law law lang htan malap kadawng bang bang re ai.

MAHTE 20:34

Shaloi Yesu shan hpe matsan dum nna shan a myi hpe ahtawk ya mu ai; shaloi jang shan myi mu wa nna shi kaw hkan nang ma ai.

MAHTE 8:2

Dai shaloi manggang kap ai masha langai mi sa du nna shi a man e dingnyawm let, “Madu e, nang hkraw n-yang gaw, ngai hpe shapra ya lu na rai nga ndai,” ngu wu ai.

MAHTE 9:28

Yesu dai nta de shang mat wa yang, dai myi kyaw ai yan shi kaw sa du ma ai rai nna, Yesu gaw, “Ngai nan hpe shamai ya lu na re ngu nna nan kam nga myit ni?,” ngu nna shan hpe san mu ai. Shan mahtang, “Rai sa, Madu e,” ngu mu ai.

MARKU 5:19

Rai ti mung Yesu gaw shi hpe ahkang n jaw ai sha, dai wa hpe, “Na a nta de wa nna dai Madu nang hpe gade wa matsan dum nna karum sai lam na nta masha ni hte manaw manang ni hpe wa tsun dan su,” ngu nna tsun dat wu ai.

MARKU 9:21

Yesu gaw, “Shi ndai zawn byin ai gade na sata?,” ngu nna kawa hpe san wu yang, shi gaw, “Shi naw kaji ai ten kaw nna rai sai,” ngu nna htan wu ai.

MARKU 9:23

Yesu gaw, “Nang rai lu n yang gaw! ngu nna hpa majaw tsun n ta? Kam sham ai myit rawng ai wa a matu, n byin mai ai lam hpa mung n nga ai,” ngu nna tsun wu ai.

LUKA 7:13

Madu gaw, dai gaida jan hpe mu jang, shi hpe matsan yu dum nna, “Hkum hkrap et,” shi hpe ngu wu ai.