MARKU 9:20 - Jinghpaw Common Language Bible 2009

²⁰ Shaloi shanhte gaw dai ma hpe Yesu hpang de woi sa mu ai. Dai nat gaw Yesu hpe mu hkrup ai shaloi jang ma hpe htan lashan shangun nna shi ga de kadawng taw wu ai hte n-gup hta mung hkumbawp lawu let gumkan galu nga ai.

Jinghpaw Hanson Version Bible

²⁰ Shaloi shanhte gaw dai ma hpe woi sa mu ai. Shi hpe mu hkrup ai shaloi jang, dai nat gaw shi hpe htan kashan shangun nna, shi ga de kadawng wa ai hte, hkumbawp lawu let gumkan galu nga ai.

MARKU 9:20 ပူးပေါင်းရင်းမြစ်များ

MARKU 1:26

N seng ai nat gaw dai masha hpe aja wa bu lashan shangun nna, nsen kaba hte kyek jahtau let shi kaw na pru mat wa ai.

MARKU 9:18

Galoi mi rai rai, dai nat shung ai hte rau ga de kadawng gum pye kau wu ai rai nna, shi hkumbawp lawu ai hte wa udik urin nna shi a hkum ting ja mat lu ai. Dai nat hpe shaden kau ya na matu na a sape ni hpe ngai hpyi mawe ai, rai ti mung shanhte n di lu ma ai,” ngu wu ai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

MARKU 9:21

Yesu gaw, “Shi ndai zawn byin ai gade na sata?,” ngu nna kawa hpe san wu yang, shi gaw, “Shi naw kaji ai ten kaw nna rai sai,” ngu nna htan wu ai.

MARKU 9:26

Nat gaw marawn shabam wa ai hte, ma hpe aja awa bu lashan shangun nhtawm, pru mat wa ai, dai ma mung, si mang langai mi zawn san mat ai hte masha shagu gaw, “Shi si mat sai,” ngu shajang ma ai.

LUKA 4:35

Shaloi Yesu gaw, “Atsin sha nga u, shi kaw na pru mat wa u,” ngu nna shi hpe daru kau wu ai. Dai rai nna nat gaw dai wa hpe shanhte a ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

LUKA 8:29

Hpa majaw nga yang, Yesu gaw, n seng ai nat hpe dai wa kaw na pru mat wa na matu hkang da nu ai majaw rai nga ai. Dai nat gaw dai wa hta law law lang shung ai majaw, shi hpe bawng zawn hkanghkyi hkang hte, hpri sumri hte mung shi a lagaw lata ni hpe gyit hkang sharen da ai rai ti mung, dai sumri ni hpe gang dut kau nna, nat gaw dai wa hpe nam mali de shapoi la la arai nga ai.

LUKA 9:39

Shi hta nat shung nna, akajawng sha shabam wa ai hte, hkumbawp pru hkra shi hpe bu shangun nna, machyi la hkra shatsang ngut jang she, grai yak la ai hte shi kaw na pru mat wa wa re ai.

LUKA 9:42

Dai la sha ma sa wa nga yang pyi, nat gaw shi hpe kadawng tawn nna htan gari shangun nga ai. Yesu gaw, dai n seng ai nat hpe ma kaw na pru mat na hkang dat ai hte dai ma hpe shamai ya nhtawm, kawa hpe bai ap ya wu ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.