MARKU 9:18 - Jinghpaw Common Language Bible 2009

¹⁸ Galoi mi rai rai, dai nat shung ai hte rau ga de kadawng gum pye kau wu ai rai nna, shi hkumbawp lawu ai hte wa udik urin nna shi a hkum ting ja mat lu ai. Dai nat hpe shaden kau ya na matu na a sape ni hpe ngai hpyi mawe ai, rai ti mung shanhte n di lu ma ai,” ngu wu ai.

Jinghpaw Hanson Version Bible

¹⁸ kanang mung shi hpe jashung yang, dai nat gaw shi hpe gumpye kau wu ai rai nna, shi hkumbawp lawu ai hte wa udik urin nna hkum akyip akap rai mat nga ai: shi hpe shaden kau ya mi ga, na a sape ni hpe ngai tsun dan nme ai rai timung, shanhte n rai lu ma ai,” ngu wu ai.

MARKU 9:18 ပူးပေါင်းရင်းမြစ်များ

YOBA 16:9

Masin kahtet ai a majaw, Karai Kasang gaw ngai hpe ashep ashin di nga ai; shi gaw ngai hpe n ju n dawng ai myit hte azi yu nga ai.

SHAKAWN KUNGDAWN 112:10

Tara n lang ai ni dai lam hpe mu nna, masin pawt nga ma ai; shanhte gaw wa utik ai hte myit daw hten mat nna; shanhte a myit mada ai lam ni mung htani htana hten mat na mara ai.

MAHTE 15:22

Dai buga shara e nga ai Hkanan amyu numsha langai mi, shi kaw sit sa nna, “Dawi a Kasha Madu e, ngai hpe matsan dum e law; nye a shayi sha nat e zingri nna grai machyi sawng nga ai,” nga nna jahtau let tsun wu ai.

MAHTE 17:16

Na sape ni hpang de ngai shi hpe woi sa we ai rai ti mung, shanhte n shamai ya lu ma ai,” ngu wu ai.

MAHTE 8:12

Rai ti mung dai mungdan a kashu kasha tai ai ni chyawm gaw, shinggan de na nsin hta shaden bang kau ai hkrum na mara ai; dai yang e, hkrap ngu hkrap ngoi ai hte wa wurin wudik rai na mara ai; ngu mu ai.

MARKU 11:23

Ngai nanhte hpe teng teng tsun made ai gaw, kadai rai ti mung, tinang a myit masin hta kam shut ai myit n rawng ai sha, tinang tsun ai hte maren byin na ra ai ngu nna kam ai wa gaw, ndai bum hpe, ndai shara kaw na baw mat nna panglai de htawt bang mat u, ngu yang, shi tsun ai hte maren shabyin ya na ra ai.

MARKU 9:17

Shawa masha ni hta na marai langai mi gaw, “Sara e, ngai sha hpe nang hpang de woi sa ring ngai; shi hta n chye shaga ai nat rawng nga ai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

MARKU 9:20

Shaloi shanhte gaw dai ma hpe Yesu hpang de woi sa mu ai. Dai nat gaw Yesu hpe mu hkrup ai shaloi jang ma hpe htan lashan shangun nna shi ga de kadawng taw wu ai hte n-gup hta mung hkumbawp lawu let gumkan galu nga ai.

MARKU 9:26

Nat gaw marawn shabam wa ai hte, ma hpe aja awa bu lashan shangun nhtawm, pru mat wa ai, dai ma mung, si mang langai mi zawn san mat ai hte masha shagu gaw, “Shi si mat sai,” ngu shajang ma ai.

KASA 7:54

Yuda tara kongsi hpung hta lawm ai ni gaw Stehpan a ga hpe na jang masin nachying pawt nna wa wudik let yu da mu ai.

YUDA 1:13

Ja la ai panglai hka leng ni hte mung bung ma ai; shanhte a kaya kahpa amu ni hpe panglai hka leng hkum bawp zawn dan leng pru wa shangun nga ai. Shanhte gaw prang hkawm nga ai shagan zawn rai ma ai. Shanhte hpe Karai Kasang gaw sung dik ai ningsin kata hta shanhte a matu shara langai mi lajang da ya manu ai.