MARKU 9:13 - Jinghpaw Common Language Bible 2009

¹³ Nanhte hpe ngai tsun made ga, Elia gaw bai du sai rai nna, Chyum Laika ni hta tsun ai hte maren, shanhte gaw tinang a myit ra ai hku, shi hpe di kau manu ai,” ngu mu ai.

Jinghpaw Hanson Version Bible

¹³ Nanhte hpe ngai tsun made ga, “Elia gaw du boi sai rai nna, shi a lam ka da nga ai hte maren, shanhte gaw tinang a myit ra ai hku shi hpe di kau manu ai,” ngu mu ai.

MARKU 9:13 ပူးပေါင်းရင်းမြစ်များ

MAHTE 11:14

Shanhte a mungga hpe nanhte madat la nna kam sham mayu myit yang gaw, ndai Yawhan gaw du sa na ra ai ngu nna tau tsun tawn ai Elia nan rai nga ai.

MARKU 9:12

Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

MARKU 9:14

Yesu hte sape ni marai masum gaw kaga sape ni nga ai shara de du wa ma yang, shanhte a grup yin masha wunawng kaba nga nga ma ai hte Tara Sara nkau mi shanhte hte ndang kalang hkat nga ma ai hpe wa mu ma ai.

LUKA 1:17

Yawhan gaw, dai Madu a shawng e du sa ai wa rai nna myihtoi Elia zawn n-gun atsam rawng nna galu kaba wa na ra ai. Shi gaw kawa ni hpe kasha ni hte bai htingram ya nna n madat n mara nna je hpre ai masha ni hpe ding hpring ai ni a hpaji ningli bai lu la shangun na ra ai. Shi gaw dai Madu a matu lajang shachyip da chyalu rai hkra, Madu mazing da ai amyu masha ni hpe hkyen lajang ya na ra ai,” ngu nna Zahkaria hpe tsun wu ai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.