MARKU 9:12 - Jinghpaw Common Language Bible 2009

¹² Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

Jinghpaw Hanson Version Bible

¹² Shi gaw, “Gaja wa, Elia shawng du ra ai rai nna, yawng mayawng hte hpe shagrin da lu nu ai: dai hta kaga, dai Masha Kasha mung, nni nkri law law wa hkam nga nna, gang kau ai hpe hkrum na wu ai,” nga nna hpa rai ka da nga a ta?

MARKU 9:12 ပူးပေါင်းရင်းမြစ်များ

SHAKAWN KUNGDAWN 74:22

Karai Kasang e, rawt u, nang galaw ai amu hpe makawp maga u! karai kata ai masha ni gaw shani tup nang hpe mani asawng nga ma ai hpe dum nga u.

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

ESAIA 52:14

Shanhte gaw shi hpe mu ai shaloi, amyu masha law law hte gaw mau kajawng mat ma ai; shi gaw shinggyim hkum hkrang hte grai shai mat hkra, gawng shingyan hten mat nga ai.

ZEHKARIA 11:13

Dai Madu gaw ngai hpe, “Dai ni hpe Nawku Htingnu sut dek hta tawn da u,” ngu nna tsun wu ai. Ngai hte ging dan ai manu rai nga ai ngu nna shanhte myit nawn ai dai shagrau sha-a ai gumhpraw sumshi hpe ngai la nna, Nawku Htingnu sut dek hta tawn da nngai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MALAHKI 4:6

Shi gaw kawa ni hte kashu kasha ni hpe bai shinggyin da na ra ai; dai n rai yang, ngai du sa nna nanhte a mungdan hpe jahten sharun kau ya na made ai.”

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

MAHTE 26:24

Chyum laika hta ka da nga ai hte maren, dai Masha Kasha gaw si hkam na matu sa wa lu na rai nga ai; rai ti mung dai Masha Kasha hpe ap kau ai wa gaw dingnye lu na ra ai. Dai masha n shangai taw gaw shi a matu grau kaja nga ai!,” ngu wu ai.

MARKU 10:33

Shi gaw, “Madat mu anhte Yerusalem mare de lung wa nga ga ai; dai kaw Masha Kasha gaw hkinjawng agyi ni hte Tara Sara ni a lata de ap kau ai hkrum na ra ai. Shanhte shi hpe si na lam daw dan nna maigan amyu ni a lata de ap kau na maru ai.

MARKU 9:13

Nanhte hpe ngai tsun made ga, Elia gaw bai du sai rai nna, Chyum Laika ni hta tsun ai hte maren, shanhte gaw tinang a myit ra ai hku, shi hpe di kau manu ai,” ngu mu ai.

MARKU 9:31

Hpa majaw nga yang, “Dai Masha Kasha gaw masha ni a lata de ap kau ai hkrum nna, shanhte shi hpe sat kau na maru ai. Rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya da mu ai.

LUKA 1:76

“Ma e, nang gaw Tsaw Htum Ai Wa a myihtoi ngu nna shamying ai lam hkam la nna, shi a lam lajang na matu, shi a shawng numshawn e sa wa na rin dai.

LUKA 23:11

Herod hte shi a hpyen ma ni Yesu hpe n kaw n law aroi arip jahpoi asawng di nna reng ai hpun palawng jahpun nhtawm, Pilat hpang de bai nhtang sa shangun dat mu ai.

LUKA 23:39

Wudang hta noi nga ai damya langai wa mi mung, “Nang gaw Meshia n rai n ni? Na hkum dai hte an hpe mung hkye la mi!,” ngu nna roi adawk dat wu ai.

KASA 1:6

Kasa ni Yesu hte rau hkrum zup nna hpawng nga ma yang, shanhte gaw, “Madu e, ndai aten e, Israela amyu masha ni hpe dai Mungdan bai de ya na rai sani?,” ngu nna shi hpe san mu ai.

KASA 4:11

Dai Chyum Laika hta tsun da ai, ‘Nanhte nta gap ai ni lata kau ai nlung rai ti mung, ningjut jahtum na nlung bai tai wa sai,’ nga ai ga gaw Yesu hpe lakap nna tsun ai rai nga ai.