MARKU 9:11 - Jinghpaw Common Language Bible 2009

¹¹ Bai shanhte gaw, “Elia shawng du sa na ra ai nga nna tara sara ni hpa majaw tsun nga ma ta?,” ngu nna Yesu hpe san mu ai.

Jinghpaw Hanson Version Bible

¹¹ Shaloi shanhte gaw, “Elia shawng du sa na ra ai, nga nna laika ka ai sara ni hpa majaw tsun nga ma ta?” ngu nna shi hpe san mu ai.

MARKU 9:11 ပူးပေါင်းရင်းမြစ်များ

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 11:14

Shanhte a mungga hpe nanhte madat la nna kam sham mayu myit yang gaw, ndai Yawhan gaw du sa na ra ai ngu nna tau tsun tawn ai Elia nan rai nga ai.

MARKU 9:10

Shi hkang da ai hpe shanhte madat ma ai, rai ti mung, “Dai si ai kaw na bai rawt wa na nga ai gaw, hpa nga ai rai lu hka?,” nga nna shanhte shada da tsun bawng hkat nga ma ai.

MARKU 9:4

Dai hpang sape ni marai masum hte nan Elia yan Mawshe dan pru nna Yesu hte ga shaga hkat nga ai hpe mu ma ai.