MARKU 8:36 - Jinghpaw Common Language Bible 2009

³⁶ Bai, masha gaw ndai mungkan ting hpe madu lu da nna, tinang a asak wenyi sum mat a yang gaw, shi a matu hpa akyu nga lu ta?

Jinghpaw Hanson Version Bible

³⁶ Bai, masha gaw ndai mungkan ting hpe madu lu da nna, tinang a asak sum mat a yang gaw, shi a matu hpa akyu nga lu ta?

MARKU 8:36 ပူးပေါင်းရင်းမြစ်များ

YOBA 2:4

Satan gaw, “Masha gaw asak hkrung nga lu na matu lam shagu hpe asum hkam shagawm kau na rai nga ai.

SHAKAWN KUNGDAWN 49:17

shi si wa yang, dai ni hpe shi hte rau la mat wa lu nga ai n rai; shi a sut gan ni shi hte rau lup sung hku kata de hkan shang lu ai n rai.

MALAHKI 3:14

Nanhte gaw, “Karai Kasang hpe daw jau ai gaw akyu n pru nga ai. Shi tsun ai hku hkan galaw ai hte anhte galaw kau saga ai amu a majaw yawn hkyen hkrum ga ai lam Chyahtum Chyalai N-gun rawng ai dai Madu hpe shakut nna madun dan ai gaw hpa akyu pru nga a ta?

MAHTE 16:26

Bai, masha gaw mungkan ting hpe awm dawm madu lu da nna tinang a asak sum mat a yang gaw, shi a matu hpa akyu nga lu ta? Masha gaw, hpa gawng malai hkungga hte wa tinang a asak hpe shaw la lu na a ta?

MARKU 8:35

Hpa majaw nga yang, tinang a asak hpe hkye la mayu ai wa kadai mung asak sum na ra ai; rai ti mung nye a majaw hte dai Kabu Gara Shiga a majaw shi a asak sum ai wa chyawm gaw, dai hpe hkye la lu na wu ai.

MARKU 8:37

Masha gaw hpa gawng malai hkungga hte wa, tinang a asak hpe hkrang la lu na a ta?

LUKA 9:25

Masha gaw, ndai mungkan ting hpe madu lu da nna, tinang dai hten byak sum mat yang gaw, shi a matu hpa akyu nga lu ta? Kaja wa akyu n nga na re ai.

ROMA 6:21

Dai aten hta nanhte hkan sa galaw ai amu ni gaw hpa akyu mi n shabyin ai hta n ga ya e nanhte dai ni a majaw kaya kahpa hkrum manit dai. Dai ni a jahtum ai gaw si mat ai rai nga ai.