MARKU 8:34 - Jinghpaw Common Language Bible 2009

³⁴ Dai hpang Yesu gaw shawa masha ni hte sape ni hpe shi hpang de shaga la nna, “Kadai rai ti mung ngai hpang de hkan sa mayu ai wa gaw, tinang hkum hpe ndang kau nna, shi a wudang hpai let, ngai kaw hkan nang ru ga.

Jinghpaw Hanson Version Bible

³⁴ Bai shawa masha ni hte shi a sape ni hpe shi shaga la nna shanhte hpe tsun mu ai gaw, “Ngai hpang de hkan sa mayu ai wa kadai rai timung, tinang hkum hpe ndang kau nna, shi a wudang hpai let, ngai kaw hkan nang ru ga.

MARKU 8:34 ပူးပေါင်းရင်းမြစ်များ

1 HKAWHKAM 14:8

Dawi amyu matu ni a lata kaw na mungdan hpe ngai dawm la nhtawm nang hpe jaw ni ai. Rai ti mung nang chyawm gaw ngai hta tsep kawp sadi dung nna nye a hkang da ai ga ni hpe madat mara let, ngai shagrin da ai amu hpe chyu sha galaw ai nye a shangun ma Dawi zawn n rai nga ndai.

BU HKAWM 14:24

Rai ti mung nye a shangun ma Hkaleb chyawm gaw laklai shai ai myit masin rawng nna ngai hta sadi dung nga ai majaw shi nan kin-yu hku hkan maram yu sai dai mung de ngai woi shawn nna shi a matu mara ni mung,

MAHTE 10:38

Tinang a wudang hpai let, nye a hpang n hkan ai wa gaw, nye a sape tai na n ging n dan nga ai.

MAHTE 16:24

Dai hpang Yesu gaw sape ni hpe, “Ngai hpang de sa wa mayu ai wa kadai rai ti mung, tinang hkum hpe nyet kau lu na rai nna, shi a wudang hpai let, ngai kaw hkan nang ru ga,

MAHTE 27:32

Shanhte pru sa wa nga ma yang, shanhte gaw Kureni masha Simun mying ai masha langai mi hpe mu hkrum nna, Yesu a wudang hpai ya u ga, shi hpe adip arip di nna hpai shangun mu ai.

MARKU 10:21

Yesu shi hpe tsaw ra ai hte azi yu let, “Lam langai mi sha nang naw ra nga ndai: nang wa su, nang lu malu hpe dut kau nna, matsan mayan ni hpe karan jaw u. Shing rai jang sumsing lamu ntsa e nang sut gan lu na rin dai; dai hpang ngai kaw sa nna hkan nang rit,” ngu nna shi hpe san wu ai.

MARKU 7:14

Yesu gaw shawa masha ni hpe lang mi bai shaga la nna, shanhte hpe, “Nanhte yawng ngai tsun ai hpe madat nna chye na la mu.

LUKA 13:24

Yesu gaw, “Gyip ai chyinghka hku shang lu na nanhte shakut shaja mu, hpa majaw nga yang, masha law law wa shang na matu kaja wa shakut na mara ai, rai ti mung, n shang lu na mara ai.

LUKA 14:33

Dai hte maren, nanhte hta na tinang a arai nga manga hpe n kau da lu ai wa gaw, nye a sape n tai lu ai,” ngu nna tsun mu ai.

LUKA 18:22

Yesu gaw dai ga na jang, “Lam langai mi nang naw galaw ra nga ndai, nang lu malu dut kau nna matsan mayan ni hpe garan jaw u; shing rai jang she sumsing lamu ntsa e nang sutgan lu na rin dai, dai hpang ngai kaw hkan nang rit,” ngu nna shi hpe tsun wu ai.

LUKA 20:45

Madu gaw, shawa masha ni yawng shi tsun ai hpe madat nga ma yang, shi a sape ni hpe,

LUKA 9:23

Bai shi shanhte yawng hpe tsun mu ai gaw, “Nye a hpang hkan sa mayu ai wa kadai mung, tinang hkum hpe ndang kau nna, shani shagu tinang a wudang hpai let, ngai kaw hkan nang ru ga.

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai.

YAWHAN 19:17

Shanhte gaw Yesu hpe woi dun wa mu ai. Yesu gaw shi a wudang hpe shi nan hpai nna “Pungkum ngu ai Shara de sa wa ai.” Dai shara hpe, (Hebre ga hku “Golgahta,” nga ma ai.)

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

ROMA 6:6

Bai anhte gaw yubak mara a mayam sha naw arai nga ai ni n tai u ga, anhte a yubak gawng shingyan dingsa hpe Yesu hte rau wudang e jen sat kau saga ai hpe anhte chye nga ga ai.

ROMA 8:17

Anhte gaw shi a kashu kasha ni rai nga ga yang gaw shi a amyu masha ni a matu san da ai sali wunli ni hpe anhte hkam la na ga ai. Hkristu a matu Karai Kasang san da ai hpung shingkang hpe mung anhte hkam la lu na ga ai, hpa majaw nga yang anhte gaw Hkristu hte rau nni nkri hkrum nga ga yang, shi hte rau hpung shingkang hpe mung anhte hkam la na rai nga ga ai.

1 KORINHTU 15:31

Hpu nau ni e ngai gaw shani shagu si hkrung si htan hte hkrum kadup nga nngai! Ngai ndai zawn tsun lu ai gaw dai Madu hta nanhte a jaw e ngai kabu gumrawng nga ai majaw re.

1 KORINHTU 8:13

Dai rai nna, shahpa a majaw nye hpu nau wa hpe myit kataw nna mara galaw shangun na she rai yang gaw, nye a hpu nau wa hpe n kataw shangun na matu, ngai prat dingsa e shan n sha na ni ai.

1 KORINHTU 9:19

Shing rai ngai gaw, kade a mayam mung n rai nngai; rai ti mung, masha law lu ai made law hkra Hkristu hpang de woi lum la lu hkra, ngai gaw nye a hkum hpe masha nga manga a mayam shatai we ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

GALATI 5:24

Hkristu Yesu hte seng ai ni chyawm gaw tinang a hkum shan myit hpe mung, myit kayut ai hte marin marit ai hte nawng wudang hta jen sat kau manu ai.

GALATI 6:14

Ngai chyawm gaw, anhte a Madu Yesu Hkristu a wudang hta kaga hpa lam hta mung arawng mala gumrawng na nngai n rai, hpa majaw nga yang, shi wudang hta jen sat hkrum ai a majaw, mungkan ga gaw nye a matu jasi tai mat nna, ngai mung mungkan ga a matu jasi tai mat ni ai.

HPILIPI 3:10

Ngai gaw Hkristu hpe chye chyang na lam, shi a bai hkrung rawt wa ai n-gun atsam hpe mu hkrum hkam sha lu na lam, shi hte rau nni nkri hkam nna shi si hkam ai zawn si hkam na hpe sha ngai ra marit nga nngai.

HPILIPI 3:7

Rai ti mung nye a matu amyat re ai nga nna tsun lu ai arai ni yawng gaw, ya e Hkristu a jaw e sum mat ai lam re ngu nna ngai nawn nngai.

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

KOLOSE 3:5

Dai re ai majaw anhte a kata e amu galaw nga ai mungkan ga a ra marin ai myit ni, hpye ai amu, n tsawm n htap awu asin re ai amu, ngang kayut ai, n hkru n hkra re ai marin marit ai hte lawhpa ai (lawhpa ai gaw gawkngu naw ai amyu mi rai nga ai.) lam re ai ni hpe nanhte sat kau lu na rai myit dai.

2 HTESALONI 3:11

Anhte ndai lam hpa majaw tsun ga ta? nga yang, nanhte hta na masha nkau ni gaw lagawn ai hte asak hkrung nna, hpa mung n galaw ai sha, masha kaga ni a amu hta shang shalau lawm chye ai ni nga ma ai hpe anhte na lu ga ai.

TITU 2:12

Anhte gaw anhte a galu kaba ai Karai Kasang ngu ai hkye hkrang la ai Madu Yesu a hpung shingkang dan pru na a lu ai nhtoi hpe ala nga let, tara n hkungga ai myit hte mungkan ga hpe marin marit ai myit hpe kabai kau na matu mung,

HEBRE 13:13

Dai re ai majaw, anhte gaw dap shinggan de shi kaw pru sa nna shi hkam ai kaya kahpa aroi arip lam hpe jawm hkam la ga.

1 PETRU 4:1

Hkristu gaw hkum shan hta nni nkri hkrum nu ai rai nna shi a hkam la ai myit mang ai baw hte nanhte mung tinang a hkum ni hpe n-gun shaja la mu; hpa majaw nga yang hkum shan nni nkri hkam sai wa gaw yubak mara hte shi n seng mat nu ai.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.

2 PETRU 1:14

Anhte a Madu Yesu Hkristu ngai hpe asan sha tau tsun da sai hte maren, ndai si chye ai hkum hkrang hpe kade n na yang raw kabai kau na ra ai hpe ngai chye nga nngai.

1 YAWHAN 3:16

Hkristu gaw nanhte a matu mara shi a asak nawng kau wu ai majaw, tsaw ra ai myit majing ngu ai gaw hpa re ai lam anhte chye nga ga ai. Dai re ai majaw, anhte mung hpu nau ni a matu mara anhte a asak nawng kau na sut nga ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.