MARKU 8:33 - Jinghpaw Common Language Bible 2009

³³ Rai ti mung Yesu gaw kayin wa ai hte shi a sape ni hpe mada yu let, Petru hpe, “Satan e, ngai kaw na pru mat wa u. Na a myit ai lam ni gaw Karai Kasang kaw na n rai, masha kaw na she rai nga lit dai!,” ngu nna daru kau wu ai.

Jinghpaw Hanson Version Bible

³³ Shi mahtang kayin wa ai hte, shi a sape ni hpe mada yu let Petru hpe, “Satan e nye a hpang de sit mat wa u; Karai Kasang hte seng ai lam n rai, masha hte seng ai lam hpe sha nang myit nga ndai,” ngu nna daru kau wu ai.

MARKU 8:33 ပူးပေါင်းရင်းမြစ်များ

2 SAMUELA 19:22

Rai ti mung Dawi gaw Abishai hte shi a kahpu Yoab yan hpe, “Nan a myit nshat hpe kadai san yu a ta? Nan gaw ngai hpe ru yak shoichyum ai lam jaw na ngu myit ni? Ngai gaw Israela a hkawhkam wa rai nga nngai majaw dai ni e, Israela masha ni kadai mung sat kau hkrum lu na ma ai n rai,” ngu nna tsun wu ai.

YOBA 2:10

Yoba gaw, “Nang gaw ga laban shaga nga n hka! Karai Kasang anhte hpe arai kaja lama ma jaw ai shaloi dai hpe anhte hkam la chye ga ai; shi anhte hpe ru tsang jahkrum ai shaloi anhte kaning rai aput angun lu na rai ga ta?,” ngu nna htan wu ai. Dai rai nna ndai nni nkri yawng mayawng hkrum sha tim pyi, Yoba gaw Karai Kasang hpe ninghkap na ga hpa mung n tsun nga ai.

SHAKAWN KUNGDAWN 141:5

Mai kaja ai masha wa gaw ngai hpe ari jaw u ga, shawang myit kaba hte ngai hpe daru sharin nga u ga, rai ti mung, shanhte a n hkru ai sat lawat ni hpe ninghkap na, tut nawng e, ngai akyu hpyi nga nngai majaw, n hkru ai masha ni a shagrau sha-a ai lam hpe galoi mung ngai hkap la na n rai.

JAW JAU 19:17

“Kadai hte mung n pyaw n ngawn hkum rai myit; shi a majaw yubak n galaw kau u ga, shi hte hpai shai ai lam hpe hkam sharang lu na rai myit dai.

MAHTE 15:23

Rai ti mung Yesu gaw ga hkaw mi pyi n htan wu ai. Shi a sape ni mung shi kaw sit sa nna, “Shi hpe shabawn kau u; shi anhte a hpang e hkan nang nna marawn jahtau bu nga ai,” ngu nna shadut mu ai.

MAHTE 16:23

Yesu mahtang kayin nna Petru hpe, “Satan e, ngai kaw na sit mat wa u! Nang myit ai lam gaw, Karai Kasang kaw na n rai, masha kaw na sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

MARKU 3:34

Bai shi a grup yin e dung nga ai masha ni hpe kayin yu let shi gaw, “Yu mu, ngai nu hte ngai nau ni, nang e rai nga ma ai.

MARKU 3:5

Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

LUKA 22:61

Shaloi Madu gaw kayin nna, Petru hpe mada yu wu ai. Dai rai nna Petru gaw, “Dai na pyi u garai n goi yang, nang ngai hpe masum lang nyet kau na rin dai,” nga nna Madu shi hpe tsun ai ga dum dat wu ai.

LUKA 4:8

Yesu gaw, “Dai Madu na a Karai Kasang hpe nang nawku lu na rai nna, shi hpe hkrai daw jau lu na ndai nga nna ka da nga ai,” ngu nna htan wu ai.

LUKA 9:55

Yesu gaw kayin nna shan hpe daru kau mu ai.

1 KORINHTU 5:5

Dai tara daw dan ai Madu a nhtoi hta e dai wa a wenyi hkye hkrang la hkrum na matu, dai wa a hkum hkrang hpe jahten kau ra ai majaw, nanhte gaw dai wa hpe Satan a lata de ap kau na rai myit dai.

HPILIPI 3:19

Dai ni gaw ngarai hta shanhte a lam htum na mara ai; hpa majaw nga yang dai ni a karai gaw shanhte a akan ngu ai hkum shan a marin marit ai lam tai nga ai. Shanhte gaw kaya kahpa lam hta gumrawng shara shatai ma ai hte ndai dinghta ga na arai hpe hkrai sha myit tsang nga ma ai.

1 TIMOHTI 5:20

Kaga ni hkrit kang mat mu ga, mara galaw ai ni yawng hpe shawa a man e daru sharin kau mu.

TITU 1:13

Dai sakse ga teng nga ai majaw, shanhte gaw Karai Kasang hpe kaja wa kam sham hkap la chye wa na matu mung,

1 PETRU 4:1

Hkristu gaw hkum shan hta nni nkri hkrum nu ai rai nna shi a hkam la ai myit mang ai baw hte nanhte mung tinang a hkum ni hpe n-gun shaja la mu; hpa majaw nga yang hkum shan nni nkri hkam sai wa gaw yubak mara hte shi n seng mat nu ai.

1 YAWHAN 2:15

Dinghta ga hpe mung, dinghta ga e nga ai arai hpe mung hkum tsaw ra myit. Nanhte dinghta ga hpe tsaw ra myit yang gaw, Kawa hpe n tsaw ra myit dai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.