MARKU 8:29 - Jinghpaw Common Language Bible 2009

²⁹ Dai shaloi Yesu gaw, shanhte hpe, “Nanhte mahtang ngai hpe kadai wa re ai, nga nga myit ni?,” ngu nna san mu ai. Petru gaw, “Nang gaw Meshia rai nga ndai,” ngu nna htan wu ai.

Jinghpaw Hanson Version Bible

²⁹ Bai, shi shanhte hpe, “Nanhte mahtang ngai hpe kadai wa re ai, nga nga myit ta?” ngu nna san mu ai. Petru htan let, “Nang, Hkristu rai nga ndai,” ngu nna shi hpe tsun wu ai.

MARKU 8:29 ပူးပေါင်းရင်းမြစ်များ

MARKU 4:11

Yesu gaw, “Nanhte gaw Karai Kasang a Mungdan hte seng ai, mauhpa sung htum ai makoi magap da ai lam ni hpe chye lu ai ahkang lu myit dai. Rai ti mung, shinggan de nga ai ni chyawm gaw hpa lam ni hpe mung, ga shadawn hku sha na la lu ma ai.

LUKA 9:20

Shi gaw, “Nanhte gaw gara hku rai ta? Nanhte mahtang ngai hpe kadai wa re ai nga nga myit ta?,” ngu nna shanhte hpe san mu ai. Petru gaw, “Nang gaw Karai Kasang a Meshia rai nga ndai,” ngu nna htan wu ai.

YAWHAN 11:27

Shaloi Marhta gaw, “Rai sa, Madu e, nang gaw ndai mungkan ga de du sa na ra ai Meshia ngu ai Karai Kasang a Kasha rai nga ndai hpe ngai kam nga nngai,” ngu nna htan wu ai.

YAWHAN 4:42

Dai masha ni gaw, dai num sha hpe, “Ya gaw na a ga majaw sha kam sham ai n rai saga ai, shi a mungga hpe anhte nan na la lu nna, ndai wa gaw mungkan ga a hkye hkrang la ai Madu majing rai nga ai hpe anhte chye saga ai,” ngu mu ai.

YAWHAN 6:68

Shaloi Simun Petru gaw, “Madu e, anhte kadai hpang de wa na rai nga a ta? Nang gaw htani htana asak jaw ya ai mungga lu ndai.

YAWHAN 6:69

Nang gaw Karai Kasang kaw na du sa ai chyoi pra ai Wa rai nga ndai hpe anhte kam sham ai hte chye lu saga ai,” ngu nna shi hpe htan wu ai.

KASA 8:36

Shing rai shan hkawm sa wa ma yang hka nga ai shara langai mi kaw du jang dai du wa gaw, “Yu u, nang e hka nga nga ai; ngai hkalup hkam na hpa hkum shara nga a ta?,” ngu wu ai.

KASA 9:20

Shi gaw tara jawng ni de alawan sa du nna Yesu gaw Karai Kasang a Kasha rai nga ai lam hkaw dan nga ai.

1 PETRU 2:7

Kam sham ai nanhte a matu mara ndai nlung gaw grai hpu ging nga ai; rai ti mung n kam n sham ai ni a matu mara chyawm gaw, “Wahpang gaw ai ni akyu n rawng ai ngu nna sai kau ai nlung gaw, njut jahtum na ahkyak dik ai nlung tai wa sai,” nga ai.

1 YAWHAN 4:15

Yesu gaw Karai Kasang a Kasha rai nga ai nga nna marai langai ngai yin la ai rai yang, shi gaw Karai Kasang hte langai sha tai nna nga nga ai, Karai Kasang mung shi hte langai sha tai nna nga nga ai.

1 YAWHAN 5:1

Yesu gaw Meshia rai nga ai nga nna kam sham ai wa kadai rai ti mung, Karai Kasang a kashu kasha rai nga ai rai nna dai kawa hpe tsaw ra ai wa kadai rai ti mung, kasha wa hpe mung tsaw ra wu ai.