MARKU 8:25 - Jinghpaw Common Language Bible 2009

²⁵ Yesu gaw dai masha a myi hta shi a lata bai mara da ya wu ai. Ndai lang aja wa hpaw mada yu dat yang, shi a myi nhtoi majing bai lu la nna nga manga hpe asan sha mu lu nu ai.

Jinghpaw Hanson Version Bible

²⁵ Bai shi a myi ntsa e, lata mara da yang, dai wa gaw mada mu lu nna, myi majing rai mat ai hte, arai yawng mayawng hpe asan sha mu lu nu ai.

MARKU 8:25 ပူးပေါင်းရင်းမြစ်များ

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

MAHTE 13:12

Hpa majaw nga yang, lu ai wa kadai hpe mung naw jat jaw na rai nna, shi hta law htam wa na rai nga ai; rai ti mung n lu ai wa kaw na chyawm gaw shi lu ai kachyi mi hpe pyi naw la kau ya na ra ai.

MARKU 8:24

Shi gaw dawng mada yu nna, “Rai sa, ngai masha ni hpe mu lu se ai, rai ti mung shanhte gaw hpun zawn hkawm nga ma ai,” ngu wu ai.

MARKU 8:26

Dai hpang Yesu gaw shi hpe, “Kahtawng de hkum nhtang shang et,” ngu nna hkang da ai hte nta de wa shangun dat wu ai.

KASA 1:10

Shi lung mat wa nna, shanhte lamu de naw azi yu nga ma yang hpraw tu ai hpun palawng bu hpun ai masha marai lahkawng shanhte a makau e akajawng sha sa tsap pru nna,

KASA 14:9

Shi mung dai kaw dung nga let, Pawlu tsun ai ga ni hpe madat nga ai, Pawlu gaw dai wa hta mai wa lu hkra kam sham ai myit rawng nga ai hpe shi mu wu yang, shi hpe azi yu let,

HPILIPI 1:6

Dai re ai majaw nanhte hta ndai mai kaja ai magam bungli hpang da ya ai wa gaw Hkristu Yesu bai yu wa ai nhtoi garai n du yang dai amu hpe ngut hkra shatsup shatup na ra ai ngu nna ngai myit kam nga nngai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.