MARKU 8:23 - Jinghpaw Common Language Bible 2009

²³ Shi gaw dai myi kyaw ai wa hpe lata hte dun la nna, kahtawng shinggan de woi shapraw nhtawm, shi a myi hpe mayen mahtaw madit nna, shi a ntsa e lata mara da let, “Nang lama ma mu lu da nu ni?,” ngu nna shi hpe san wu ai.

Jinghpaw Hanson Version Bible

²³ Shi gaw dai myi kyaw ai wa hpe lata hte dun nna, kahtawng shinggan de shapraw nhtawm, shi a myi hpe mayen madit nna, shi a ntsa e lata mara da let, “Nang lama ma mu da nu ni?” ngu nna shi hpe san wu ai.

MARKU 8:23 ပူးပေါင်းရင်းမြစ်များ

ESAIA 44:2

Ngai gaw nang hpe hpan da ai dai Madu rai nga nngai; nang shangai wa ai aten kaw nna, ngai nang hpe karum ni ai. Hkum hkrit et; nang gaw nye a shangun ma rai nga ndai, ngai tsaw ra ai hte lata la hkrum ai nye a amyu masha ni rai nga myit dai.

ESAIA 51:18

Nang hpe lam woi na masha kadai n nga ai, lata hte nang hpe woi dun wa na, na a amyu masha langai mung n nga nga ai.

YEREMIA 31:32

Dai ga shaka gaw ngai shanhte hpe Egutu mung kaw nna lata hte dun wa nhtawm shanhte hpe woi shapraw wa ai shaloi, shanhte a kaji kawa ni hte tawn da ai ga shaka zawn n rai. Ngai gaw shanhte a matu madu wa zawn rai nga ti mung, shanhte gaw dai ga shaka hpe run kau ma ai.

MARKU 5:23

“Nye a shayi sha kaji grai machyi nna si wa magang nga ai. Shi mai tsai wa nna hkrung nga u ga, shi a ntsa e lata mara ya na matu sa wa rit!,” ngu nna akroi anoi hpyi nem wu ai.

MARKU 7:33

Dai rai nna Yesu gaw, dai wa hpe masha hpawng kaw na shi hpe hkrai sha shim ai shara de shapraw la nhtawm, dai wa a na lashing hku shi a layung achyaw bang ya ai hte, mayen mahtaw nhtawm shi a shinglet hpe mung ahtawk ya wu ai.

MARKU 8:24

Shi gaw dawng mada yu nna, “Rai sa, ngai masha ni hpe mu lu se ai, rai ti mung shanhte gaw hpun zawn hkawm nga ma ai,” ngu wu ai.

MARKU 8:26

Dai hpang Yesu gaw shi hpe, “Kahtawng de hkum nhtang shang et,” ngu nna hkang da ai hte nta de wa shangun dat wu ai.

KASA 23:19

Shaloi hpyen du kaba gaw shi hpe lata dun nna, shim ai shara de she woi bang nhtawm, “Nang ngai hpe hpa tsun mayu n ta?,” ngu nna lagyim san yu wu ai.

KASA 9:8

Shaloi Shawlu ga kaw na rawt nna myi hpaw yu wu yang hpa hpe mung n mu lu wu ai. Dai rai nna, shi hpe lata hte dun let Damasku mare de woi shang wa mu ai.

HEBRE 8:9

Dai ga shaka gaw, shanhte hpe ngai lata hte dun la nna, Egutu mung na woi wa ai shaloi, shanhte a kaji kawa ni hte ngai tawn da ai ga shaka hte bung na ra ai n rai. Shanhte gaw ngai hte tawn da ai ga shaka hta sadi n dung ma ai majaw, ngai shanhte hpe n yu n gawn na nngai, nga nna dai Madu tsun ai.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.