MARKU 8:21 - Jinghpaw Common Language Bible 2009

²¹ “Dai rai yang, nanhte gaw ya du hkra wa n chye na nga myit ni?,” ngu nna shi shanhte hpe san mu ai.

Jinghpaw Hanson Version Bible

²¹ Bai shi shanhte hpe, “Ya du hkra wa nanhte n chye na nga myit ni?” ngu nna tsun mu ai.

MARKU 8:21 ပူးပေါင်းရင်းမြစ်များ

SHAKAWN KUNGDAWN 94:8

Nye a amyu masha ni e, nanhte gaw kaning rai nna hpaji n rawng ai hte angawk angak rai mayu nga myit ni? Galoi mi she, sharin hkam la na ngu nga myit ni?

MARKU 6:52

Hpa majaw nga yang, dai masha hkying manga hpe muk daw jaw ai lam a lachyum majing hpe shanhte n chye na nga ma ai hte shanhte a machye machyang gaw dai hpe chye na na atsam n nga malu ai.

MARKU 8:12

Rai ti mung Yesu gaw nsa kaba shaw madai let, “Ndai prat na masha ni gaw hpa rai lamik kumla langai mi hpyi ma ai kun? Ngai kaja wa teng teng tsun made ga! Ndai masha ni hpe dai zawn re ai lamik kumla hpa mung madun na mawe ai n rai!,” ngu mu ai.

MARKU 8:17

Shing nga nna tsun nga ma ai hpe Yesu chye wu yang, “Nanhte muk n gun ai lam hpa rai tsun hkat nga myit ta? Ya du hkra nanhte n chye na, n htai lu, la nga myit ni? Nanhte a myit masin ni hpa majaw dai daram azet alet n re ai yup nga malit ta?

MARKU 8:22

Yesu hte sape ni Betsaida de du ma ai. Dai yang e myi kyaw ai masha langai mi hpe masha nkau mi shi hpang de woi sa nna, shi hpe ahtawk ya na hpyi da mu ai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

YAWHAN 14:9

Yesu gaw, “Hpilip e, ngai nanhte hte nde nlaw na hkra nga nga sati mung, nang ngai hpe n chye n ni? Ngai hpe mu yu ai wa gaw, Wa hpe mu yu nu ai; dai re ai mi, ‘Wa hpe anhte e madun dan mi,’ nga nna hpa rai tsun n ta?

1 KORINHTU 15:34

Ding man ai hpe hkan na dum hprang mu, matut nna yubak lam hkum galaw myit. Nanhte hta na nkau mi Karai Kasang hpe n chye ma ai: nanhte kaya dum myit ga, ngai ning ngu tsun nngai.

1 KORINHTU 6:5

Nanhte kaya myit ga she ndai lam ngai tsun nngai! Hkristan hpu nau shada amu rawng ai shaloi nanhte a kata hta tara jeyang daw dan ya lu ai hpaji byeng-ya rawng ai wa langai mi pyi n nga sani?