MARKU 8:18 - Jinghpaw Common Language Bible 2009

¹⁸ Nanhte myi tu ti mung, nanhte n mu nga myit ni? Nanhte na tu ti mung nanhte n na nga myit ni?

Jinghpaw Hanson Version Bible

¹⁸ myi tu timung, nanhte n mu nga myit ni? na tu timung n na nga myit ni?

MARKU 8:18 ပူးပေါင်းရင်းမြစ်များ

SHAKAWN KUNGDAWN 69:23

Shanhte a myi ni n mu lu mat hkra, shanhte a myi sin mak malu ga; shanhte a shingma marung ni hpe tut nawng e, kya kau shangun u.

ESAIA 44:18

Dai zawn re ai masha ni gaw shanhte hpa galaw nga ai amu hpe chye na na matu nau wa myit n su nga ma ai. Shanhte gaw shanhte a myi ni hpe mung, teng man ai lam hpe chye na shangun ai myit hpe mung pat da nga ma ai.

YEREMIA 5:21

Myi tu ti mung myi n mu lu, na tu ti mung na n na lu ai angawk angak re ai hte myit n su ai amyu masha ni e, madat mu.

EZEKELA 12:2

Shi gaw, “Si chye ai masha wa e, nang gaw gumlau ai masha ni a lapran e nga nga ndai. Shanhte gaw na tu ti mung hpa tsun ai hpe n na ma ai, hpa majaw nga yang, shanhte gaw gumlau chye ai masha ni rai ma ai.

MARKU 4:12

Hpa majaw nga yang, ‘Shanhte gaw yu layu e n mu na ma ai, na lana e n chye na ma ai. Lama wa shanhte gaw, tinang yu ai arai hpe mu nna, na ai ga hpe chye na shajang ma ai rai yang gaw, shanhte Karai Kasang hpang de kayin wa na ma ai rai nna, Shi gaw shanhte a yubak mara dat kau ya na rai nga ai,” nga nna Chyum Laika ni hta tsun nga ai,” ngu nna shanhte hpe tsun mu ai.

YAWHAN 12:40

Karai Kasang gaw, shanhte a myi hpe magap kau ya nna, myit masin ni hpe mung shaja kau ya wu ai, nga ai ga hte maren shanhte n kam n sham lu ma ai.

ROMA 11:8

Chyum laika hta mung, “Karai Kasang gaw shanhte a myit masin ni hte kraw lawang ni hpe jahpam kau ya mu ai rai nna dai ni du hkra shanhte gaw mu lu ai arai hpe n mu ma ai, na lu ai arai hpe mung n chye na ma ai,” nga nna ka da nga ai.

TARA JAHPRANG 29:4

Rai ti mung dai ni du hkra nanhte hkrum hkra yu manit dai, dai mahkrum madup nanhte hpe chye na hkawn hkrang shangun ai n rai.

2 HTESALONI 2:5

Ngai gaw nanhte hte rau naw nga ai shaloi e, ndai yawng mayawng hte a lam nanhte hpe tsun dan ga ni ai. Nanhte n dum myit ni?

2 PETRU 1:12

Dai majaw nanhte gaw ndai lam ni hpe chye na nna nanhte hkap la da sai dai teng man ai lam hta ngang ngang kang kang npawt de da manit dai rai ti mung, ngai nanhte hpe galoi mung naw ashadum jahprang nga mayu nngai.