MARKU 8:17 - Jinghpaw Common Language Bible 2009

¹⁷ Shing nga nna tsun nga ma ai hpe Yesu chye wu yang, “Nanhte muk n gun ai lam hpa rai tsun hkat nga myit ta? Ya du hkra nanhte n chye na, n htai lu, la nga myit ni? Nanhte a myit masin ni hpa majaw dai daram azet alet n re ai yup nga malit ta?

Jinghpaw Hanson Version Bible

¹⁷ Yesu dai hpe chye wu yang, “Nanhte muk n gun ai lam, hpa rai tsun hkat nga myit ta? ya du hkra nanhte n htai la lu nna, n chye na nga myit ni? nanhte a myit masin aja nga malit ni?

MARKU 8:17 ပူးပေါင်းရင်းမြစ်များ

ESAIA 63:17

Anhte hpe na a lam ni kaw na hpa majaw shayit kau nga n ta? Anhte nang kaw na kayin mat wa hkra, anhte hpe hpa majaw du shaja ya nga n ta? Nang hpe daw jau nga ai ni a matu, na a matu tut nawng rai nga ai amyu masha ni a matu, bai wa rit.

MAHTE 12:15

Yesu dai hpe chye jang, kaga de htawt mat wa ai; Masha law law mung shi kaw hkan nang ma ai. Machyi makaw hkrum ai ni yawng hpe shi shamai ya mu ai.

MAHTE 15:17

N-gup de shang ai arai yawng hte gaw, kan kata du nhtawm, hkum tsan ai shara de kabai kau ai hkrum nga ai hpe, nanhte n chye na myit ni?

MAHTE 16:7

Sape ni mahtang, “Anhte muk n gun nga ga ai majaw, shi ning nga nna tsun ai rai na re,” nga nna shada da tsun nga ma ai.

MARKU 16:14

Yawng a hpang jahtum e Yesu gaw sape shi langai hte hpe shanhte shat sha nga ma yang shadan dan mu ai. Shi si ai kaw na bai hkrung rawt wa sai lam mu lu ai ni a ga hpe nan n kam ma ai hte myit ja nga ma ai majaw shanhte hpe daru kau wu ai.

MARKU 2:8

Yesu gaw shanhte hpa baw myit nga ai lam hpe kalang ta chye ya ai majaw shi gaw, “Nanhte hpa rai dai zawn re ai lam ni myit aru yu nga myit ta?

MARKU 3:5

Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

MARKU 6:52

Hpa majaw nga yang, dai masha hkying manga hpe muk daw jaw ai lam a lachyum majing hpe shanhte n chye na nga ma ai hte shanhte a machye machyang gaw dai hpe chye na na atsam n nga malu ai.

MARKU 8:16

Sape ni gaw, “Shi ning nga tsun ai gaw, anhte muk kachyi mi pyi n lu mat ai majaw tsun ai rai nga ai,” nga nna shada da tsun hkat nga ma ai.

LUKA 24:25

Dai shaloi Yesu gaw, “Myihtoi ni htawn tsun ai ga mahkra hpe kam sham na matu myit bawnu lanyan dik ai masha angawk ni e!

YAWHAN 16:30

Nang gaw lam yawng mayawng hpe chye nga ndai mung, gade e mi nang hpe n san ra sai hpe mung, ya anhte chye saga ai; dai re ai majaw, nang Karai Kasang kaw na du sa ai wa re ai hpe anhte kam saga ai,” ngu nna tsun mu ai.

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.