MARKU 8:13 - Jinghpaw Common Language Bible 2009

¹³ Madu gaw shanhte kaw na pru mat wa nna, li hta e bai shang nhtawm nawng wora hkran de rap mat wa ai.

Jinghpaw Hanson Version Bible

¹³ Shaloi shi shanhte hpe kau da nna, li hta e bai shang nhtawm, wora hkran de rap mat wa ai.

MARKU 8:13 ပူးပေါင်းရင်းမြစ်များ

SHAKAWN KUNGDAWN 81:12

Shing rai, shanhte a baw ja ai lam hku sa wa lu mu ga; shanhte ra mara hpe galaw lu mu ga, ngai shanhte hpe ahkang jaw dat nngai.

YEREMIA 23:33

Dai Madu gaw ngai hpe, “Yeremia e, nye a amyu masha ni kaw nna marai langai ngai, myihtoi langai ngai, hkinjawng langai ngai nang hpe, ‘Dai Madu a mungga gaw hpa wa rai nga a ta?,’ nga nna san yang, nang gaw shi hpe, ‘Nang gaw dai Madu hpe lit shali ndai majaw shi gaw nang hpe kabai kau na ra ai,’ ngu nna tsun na rai nga ndai.

HOSEA 4:17

Israela amyu masha ni gaw hpara sumla ni a myit shalen la ai hkrum nga ma ai. Shanhte a lam hta shanhte myit ra ai hku hkan nga manu ga.

HOSEA 9:12

Shanhte gaw ma ni hpe bau maka dat ai rai tim, shanhte hpe ngai woi la nna, langai mi hpe mung jahkrung tawn da na we ai n rai. Ndai amyu masha ni hpe ngai kau da ai shaloi, hkrit hpa amu shanhte hta byin hkrum hkra wa na mara ai,” ngu nna tsun we ai.

MAHTE 15:14

Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun ai myi kyaw ai ni rai nga ma ai: myi kyaw ai wa gaw, myi kyaw ai wa hpe lam madun a yang gaw, shan lahkawng gaw nhkun kata de di hkrat na mara ai,” ngu mu ai.

MAHTE 7:6

“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

MARKU 8:12

Rai ti mung Yesu gaw nsa kaba shaw madai let, “Ndai prat na masha ni gaw hpa rai lamik kumla langai mi hpyi ma ai kun? Ngai kaja wa teng teng tsun made ga! Ndai masha ni hpe dai zawn re ai lamik kumla hpa mung madun na mawe ai n rai!,” ngu mu ai.

MARKU 8:14

Sape ni gaw muk law hkra gun na malap kau nna dai li hta shanhte kaw muk tawng langai sha nan ngam ma lu ai.

LUKA 8:37

Shaloi, buga ginwang hkan na masha ni yawng gaw, hkrit kaba hte hkrit ma ai majaw shanhte kaw na pru mat wa na matu Yesu hpe jawm hpyi nem ma ai. Dai rai nna Yesu gaw li de shang nhtawm, dai shara na pru mat wa ai.

YAWHAN 12:36

Nanhte hta nhtoi naw nga nga yang, nhtoi hpe kam sham nga mu, shaloi she nanhte gaw, nhtoi a kashu kasha ni tai lu na myit dai,” ngu nna tsun mu ai. Dai lam Yesu tsun ngut jang, shi pru mat wa nna shi hkum hpe shanhte kaw na makoi mat wa wu ai.

YAWHAN 8:21

Yesu shanhte hpe bai tsun mu ai gaw, “Ngai wa mat na nngai, shaloi nanhte ngai hpe tam ti mung nanhte gaw tinang a yubak mara ni hta si mat na myit dai. Ngai wa ai shara de mung nanhte n du lu na myit dai,” ngu mu ai.

KASA 18:6

Yuda masha ni Pawlu hpe ninghkap nna shi a lam n kaja ai hku amyu myu roi n ra nga tsun jahpoi asawng ma yang, Pawlu gaw shi a hpun palawng kaw na nhpu ni hpe ahpu jahkrat dan let, “Nanhte hten byak mat ai rai yang nanhte a mara nanhte a ntsa she rai nu ga, ngai hta lit n nga sai. Ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

KASA 27:2

Shaloi anhte gaw Asi mung a Nammukdara hkin-gau hkan na mare ni de pru sa wa hkyen nga ai Adramuti mare nna du sa ai sanghpaw li hta shang jawn nna rawt sa mat wa ga ai. Dai sanghpaw hta Htesaloni mare na Makedoni mung masha Aristarku mung anhte hte rau lawm nga ai.