MARKU 8:12 - Jinghpaw Common Language Bible 2009

¹² Rai ti mung Yesu gaw nsa kaba shaw madai let, “Ndai prat na masha ni gaw hpa rai lamik kumla langai mi hpyi ma ai kun? Ngai kaja wa teng teng tsun made ga! Ndai masha ni hpe dai zawn re ai lamik kumla hpa mung madun na mawe ai n rai!,” ngu mu ai.

Jinghpaw Hanson Version Bible

¹² Shing rai shi a wenyi hta shi grai madai nna, “Ndai amyu gaw hpa majaw lamik kumla hpe hpyi nga ma hka? ngai nanhte hpe teng teng tsun made ga, ‘Ndai amyu hpe lamik kumla hpa mung, shapraw dan na mawe ai n rai,” ngu mu ai.

MARKU 8:12 ပူးပေါင်းရင်းမြစ်များ

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

MAHTE 12:38

Dai shaloi tara sara nkau mi hte Hparishe nkau mi shi hpe htan nna, “Sara e, nang lamik kumla langai mi galaw dan ai hpe anhte mu mayu ga ai,” ngu mu ai.

MAHTE 16:4

Ndai prat na masha ni gaw gade wa n hkru n kaja nna karai kata ai masha ni rai nga ma hka! Nanhte gaw ngai kaw lamik kumla langai mi hpyi myit dai; rai ti mung, Yona a lamik kumla hta kaga, hpa lamik kumla mung, nanhte hpe ngai n dan na nme ai,” ngu nna tsun wu ai. Shaloi shi shanhte hpe kau da nna pru mat wa ai.

MARKU 3:5

Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

MARKU 6:6

Dai masha ni hta makam masham n nga ai majaw, shi grai mau nga ai. Dai hpang, grup yin hkan na kahtawng ni hta e, shi kawan hkawm nna, masha ni hpe sharin shaga nga ai.

MARKU 7:34

Dai hpang Yesu gaw lamu de mada yu let, aja wa nsa kaba shaw madai nna, dai masha wa hpe ‘‘Eph-hpa-hta,” ngu wu ai, dai gaw ‘‘Hpaw wa u!,” nga ai rai lu ai.

MARKU 8:13

Madu gaw shanhte kaw na pru mat wa nna, li hta e bai shang nhtawm nawng wora hkran de rap mat wa ai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

LUKA 19:41

Shi gaw Yerusalem mare hte grau ni wa nna, dai mare hpe mu mada ai shaloi, de a matu shi hkrap nna,