MARKU 7:9 - Jinghpaw Common Language Bible 2009

⁹ Matut nna Yesu gaw, “Nanhte gaw tinang a sharin shaga ai lam hpe hkan sa nga lu na matu Karai Kasang a tara hpe shinggan kau ai lai gaw grai ram la nga myit hka!

Jinghpaw Hanson Version Bible

⁹ Bai, shi shanhte hpe, “Gaja wa nanhte a ga madat hpe hkan nga na nga nna. Karai Kasang a hkang da ai ga hpe nanhte shingkan kau mu ai.

MARKU 7:9 ပူးပေါင်းရင်းမြစ်များ

SHAKAWN KUNGDAWN 119:126

Madu e, masha ni na a tara ni hpe hpa zawn n nawn ya nga ma ai majaw, ndai aten na a matu amu galaw na aten rai nga ai.

ESAIA 24:5

Mung masha ni gaw Karai Kasang a hkang da ai tara ni hpe jahten kau ai hku nna mung, prat dingsa agrin nga na matu shi jaw da ai ga shaka ni hpe shut hpyit kau ai hku nna mung, ginding aga hpe awu asin di kau manu ai.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

MARKU 7:13

Ndai lai hku, nanhte masha kaga ni hpe jaw ginlen ai sharin shaga ai lam hte Karai Kasang a mungga hpe shamat shaprai kau nga myit dai. Dai hte bung ai lai kyang ni law law hpe mung nanhte naw hkan sa galaw nga myit dai,” ngu nna shanhte hpe tsun mu ai.

MARKU 7:3

Hpa majaw nga yang, Hparishe ni hte Yuda masha nkau mi gaw, jiwa ni a sharin shaga da ai htung lai ni hpe hkap la nna hkan sa nga ma ai rai nna, lata ni hpe atsawm sha n shin kau yang gaw shanhte shat n sha ga ma ai;

MARKU 7:5

Dai rai nna Hparishe ni hte Tara sara ni gaw, “Na a sape ni, hpa rai ji wa ni a sharin shaga hkrat wa ai ga madat hpe n hkan ai, htung lai hku nna awu asin re ai lam ni hte nan, shat sha nga ma ta?,” ngu nna Yesu hpe san mu ai.

ROMA 3:31

Dai rai yang gaw, kam sham ai hte anhte gaw dai jep ai Tara hpe yeng seng kabai kau sagaw ni? N rai law! Anhte dai tara hpe shangang shagrin ga ai.

2 KORINHTU 11:4

Hpa majaw nga yang, nanhte hpang de masha langai ngai sa du nna anhte n hkaw dan yu ai kaga Yesu langai mi a lam hkaw dan ai shaloi, nanhte gaw kabu gara hkap la myit dai, bai nanhte gaw anhte kaw na hkap la lu sai wenyi hte kabu gara shiga hte tsep kawp nhtan shai ai wenyi hte kabu gara shiga hpe hkap hkalum la nga manit hka!

GALATI 1:14

Yuda nawku htung hpe ta tut hkan sa ai lam hta ngai gaw nye a amyu na rau ram manang ni law law hta jan nna myit lawm ai hte ji wa ni a matsun maroi ni hpe hkan sa shadik lai wa ni ai.

GALATI 2:21

Ngai gaw Karai Kasang a chyeju hpe ningdang kau na hkraw nngai n rai; hpa majaw nga yang masha gaw jep ai tara hte Karai Kasang a man e ding hpring wa lu ai rai yang gaw, Hkristu gaw kaman lila sha si hkam kau nu ai.

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.