MARKU 7:7 - Jinghpaw Common Language Bible 2009

⁷ Shanhte ngai hpe nawku ai gaw shanhte a matu kaman lila rai nga ma lu ai, hpa majaw nga yang, shanhte gaw masha e galaw tawn ai tara ni hpe sha Karai Kasang a tara ni re ai zawn htawn sharin shaga nga ma ai!,’ nga nna Karai Kasang tsun ai hpe ka da nga ai.

Jinghpaw Hanson Version Bible

⁷ Masha ga matsun hpe sha, htawn sharin shaga nga ma ai majaw, Shanhte ngai hpe kaman lila nawku nga ma ai, nga nna, nanhte a lam Esaia, myihtoi ga ka da ai gaw, gaja wa teng sa lu ai.

MARKU 7:7 ပူးပေါင်းရင်းမြစ်များ

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

MALAHKI 3:14

Nanhte gaw, “Karai Kasang hpe daw jau ai gaw akyu n pru nga ai. Shi tsun ai hku hkan galaw ai hte anhte galaw kau saga ai amu a majaw yawn hkyen hkrum ga ai lam Chyahtum Chyalai N-gun rawng ai dai Madu hpe shakut nna madun dan ai gaw hpa akyu pru nga a ta?

MAHTE 15:9

Shanhte ngai hpe kaman lila nawku da mi ai, hpa majaw nga yang, shanhte gaw masha e galaw la ai ga matsun ni hpe nye a tara ni hpe zawn sharin shaga nga ma ai nga nna tsun ai ga gaw gade teng nga a hka!,’” ngu nna tsun mu ai.

MAHTE 6:7

Nanhte akyu hpyi ai shaloi maigan masha ni zawn lachyum n pru ai ga ni tsun kahtap htap hkum rai myit, dai maigan masha ni gaw shanhte galu galang akyu hpyi ai majaw, shanhte a hpara ni madat ya na zawn nawn nga ma ai.

1 KORINHTU 15:14

Hkristu gaw si mat ai kaw na bai n hkrung rawt a yang gaw, anhte hkaw dan ai ga gaw kaman lila rai nga ai hte, nanhte a makam masham mung kaman lila sha rai nga ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

TARA JAHPRANG 12:32

“Ngai nanhte hpe hkang da made ai hte maren, lam magup hte hpe hkan galaw nga mu; dai tara hta kaga hpa mung jat la lu na myit dai n rai; shayawm mung shayawm kau lu na myit dai n rai.

KOLOSE 2:22

Dai tara ni yawng hte gaw kalang mi jai lang ngut ai hpang akyu n rawng mat ai rai ni hte seng nga ai. Dai lam yawng hte gaw, masha e galaw shapraw ai tara hte sharin shaga ai lam ni sha rai nga ma ai.

TITU 3:9

Rai ti mung akyu n rawng ai angawk angak nga nna san ai ndang kalang ga san ni, galu galang ahtik labau gawn ai lam, ga li ga law re ai lam, tara hte seng nna ga law hkat ai lam ni hpe koi kau u: hpa majaw nga yang, dai lam ni gaw akyu n rawng ai hte kaman lila sha rai nga ai.

YAKU 1:26

Ngai gaw nawku htung shadik ai wa rai nngai nga nna marai langai ngai myit nawn dam ti mung, shi a shinglet hpe n hkang lu yang gaw, shi a nawku htung gaw kaman lila sha rai nna shi a hkum hpe hkalem kau da wu ai.

YAKU 2:20

Angawk ai wa e, magam bungli n lawm ai makam masham gaw kaman lila rai nga ai hpe nang chye mayu da wu ni?

SHINGRAN 22:18

Ngai Yawhan gaw, ndai laika hta rawng ai myihtoi ga na lu ai ni yawng hte hpe laja lana sadi jaw dat nngai. Ndai ga ni hta lama ma kahtap jat ai wa kadai hpe mung, ndai laika hta rawng ai ari zinli ni hpe Karai Kasang gaw dai wa a ntsa e kahtap jaw na ra ai.

1 SAMUELA 12:21

Lam shadam shangun ai hpara ni hpang de hkum hkan myit; dai ni gaw nanhte hpe karum ya lu ai n rai, dai ni gaw ajet n rai nga ai majaw nanhte hpe hkye la lu ai n rai.