MARKU 7:6 - Jinghpaw Common Language Bible 2009

⁶ Yesu gaw, “Nanhte a lam, Esaia myihtoi htoi da ai ga gaw kaja wa teng nga a hka! Nanhte gaw sawt ai masha ni rai nga myit dai. Dai majaw shi gaw: ‘Ndai amyu ni gaw, tinang a nten hte ngai hpe hkungga lara ma ti mung, shanhte a myit masin gaw kaja wa ngai hte tsan gang nga malu ai.

Jinghpaw Hanson Version Bible

⁶ Shi gaw, “Sawt ai ni e, laika hta ka da nga ai hte maren, Ndai amyu gaw tinang a nten hte ngai hpe hkungga lara ma timung, Shanhte a myit masin ngai hte tsan gang malu ai:

MARKU 7:6 ပူးပေါင်းရင်းမြစ်များ

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

YAWHAN 15:24

Masha kadai n di lu ai amu ni hpe, ngai shanhte hta n galaw dan yu nngai rai taw gaw, shanhte mara lu na n rai ma ai; ya chyawm gaw, shanhte ngai galaw ai amu ni hpe mu lu masai rai nna, ngai hpe mung, nye Wa hpe mung n dawng n yawt rai masai.

YAWHAN 5:42

Rai ti mung nanhte kaning re ai masha ni rai nga myit dai hte nanhte hta Karai Kasang hpe tsaw ra ai myit n rawng nga malit dai hpe ngai chye nngai.

KASA 28:25

Shing rai shanhte shada da myit n hkrum mat nga ma ai majaw, Pawlu gaw, shanhte hpe “Chyoi pra ai Wenyi, myihtoi a n-gup hte nanhte a nji nwa ni hpe tsun ai ga gaw teng la malit dai!

2 TIMOHTI 3:5

Shanhte gaw anhte a nawku makam masham htung lai ntsa lam hkrang masa hpe hkan sa ma ai rai ti mung de a hpung shingkang atsam majing hpe gaw nyet kau ai ni rai ma ai. Shing re ai masha ni hpe mung koi kau u.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.