MARKU 7:5 - Jinghpaw Common Language Bible 2009

⁵ Dai rai nna Hparishe ni hte Tara sara ni gaw, “Na a sape ni, hpa rai ji wa ni a sharin shaga hkrat wa ai ga madat hpe n hkan ai, htung lai hku nna awu asin re ai lam ni hte nan, shat sha nga ma ta?,” ngu nna Yesu hpe san mu ai.

Jinghpaw Hanson Version Bible

⁵ Dai rai nna Hparishe ni hte laika ka ai sara ni gaw, “Na a sape ni, hpa rai ji wa a ga madat hpe n hkan ai wa, awu asin re ai lata hte nan, shat sha nga ma ta?” ngu nna shi hpe san mu ai.

MARKU 7:5 ပူးပေါင်းရင်းမြစ်များ

MAHTE 15:2

“Na a sape ni gaw hpa majaw anhte a ji wa ni matsun hkrat wa ai ahtung alai ni hpe tawt lai kau nga ma ta? Shanhte gaw lata atsawm sha n kashin ai nan, muk sha ma ai!,” ngu mu ai.

MARKU 7:13

Ndai lai hku, nanhte masha kaga ni hpe jaw ginlen ai sharin shaga ai lam hte Karai Kasang a mungga hpe shamat shaprai kau nga myit dai. Dai hte bung ai lai kyang ni law law hpe mung nanhte naw hkan sa galaw nga myit dai,” ngu nna shanhte hpe tsun mu ai.

MARKU 7:8

“Nanhte gaw Karai Kasang a hkang da ai ga hpe kau da nhtawm, masha a ga madat hpe sha hkan nga myit dai,” ngu mu ai.

MARKU 7:9

Matut nna Yesu gaw, “Nanhte gaw tinang a sharin shaga ai lam hpe hkan sa nga lu na matu Karai Kasang a tara hpe shinggan kau ai lai gaw grai ram la nga myit hka!

KASA 21:21

Rai ti mung nang gaw, maigan mungdan ni hta nga jahkran nga ai Yuda masha ni yawng hpe tinang a kasha ni hpe matu n gadoi ra ai Yuda htung hking n hkan ra ai ngu nna Mawshe a jep ai Tara hpe kabai kau na hku sharin achyin ya ndai nga ai ga dai ni nlang na ma masai.

KASA 21:24

Dai ni hpe shaga la nna shanhte hte rau nang hkum jasan jaseng u, shanhte a matu hkrat ang ai baw doi jahpu nang jaw ya u, ndai hku galaw ai rai yang, masha ni na ai na a lam tsun kajai nga ai shiga ni hpa n teng nga ai hte nang nan dai Mawshe a Tara htunghking hkan shatsup ai wa rai nga ai gaw, masha nlang chye na na ra ai.

ROMA 4:12

Abraham gaw matu gadoi ai hking hkam la ai ni a kawa mung rai nga ai. Lam mi hku tsun ga nga yang, shi gaw matu gadoi ai hking hkam la ai hta n-ga, anhte a kaji kawa Abraham matu gadoi hking garai n hkam la ai ten hta Karai Kasang hpe kam sham asak hkrung shamu shamawt lai wa sai kasi ningli hpe hkan dagraw ai ni a kawa mung rai nga ai.

GALATI 1:14

Yuda nawku htung hpe ta tut hkan sa ai lam hta ngai gaw nye a amyu na rau ram manang ni law law hta jan nna myit lawm ai hte ji wa ni a matsun maroi ni hpe hkan sa shadik lai wa ni ai.

2 HTESALONI 3:11

Anhte ndai lam hpa majaw tsun ga ta? nga yang, nanhte hta na masha nkau ni gaw lagawn ai hte asak hkrung nna, hpa mung n galaw ai sha, masha kaga ni a amu hta shang shalau lawm chye ai ni nga ma ai hpe anhte na lu ga ai.

2 HTESALONI 3:6

Hpu nau ni e lagawn let asak hkrung nga ai ni yawng hte mung, anhte sharin shaga ai lam ni hpe n hkan n sa ai ni hte mung, n kanawn ai sha, kaga hkrai rai nga na matu Hkristu a mying nsang hte nanhte hpe anhte hkang dat ga ai.