MARKU 7:4 - Jinghpaw Common Language Bible 2009

⁴ gat de na mari wa ai hpa hpe rai ti mung shanhte shawng n kashin kau ai n sha yu ma ai. Bai gawm ni, di ni, magri wan ni, yup ku ni hpe atsawm sha kashin kau ra ai hte seng ai kaga htung lai ni law law hpe mung hkan sa nga ma ai.)

Jinghpaw Hanson Version Bible

⁴ gat de na bai wa timung, hkum garai n shin yang, shanhte n sha yu ma ai: dai hta n-ga; gawm ni, kamai ni, magri wan ni hpe kashin kau ai hta kaga, shanhte hkan ai ahtung ahking law law wa, naw rai nga malu ai.

MARKU 7:4 ပူးပေါင်းရင်းမြစ်များ

SHAKAWN KUNGDAWN 26:6

Madu e, ngai mara n kap nga nngai hpe madun lu na matu, nye a lata hpe ngai kashin nngai; nawku daw jau na matu na a tawn hkungri hpe shinggrup hkawm nngai.

ESAIA 1:16

Nanhte a hkum ni hpe asan aseng kashin kau mu. Ngai mu mada ai nanhte galaw nga ai n hkru ai amu ni yawng hpe jahkring kau mu. Rai sa, n hkru ai amu galaw ai hpe kau da ai hte

YEREMIA 35:5

Dai hpang, ngai gaw Rehkab amyu lakying ni a man e sabyi ntsin hpring ai gawm hte ban ni hpe jahkrat tawn da ya nna, “Dai sabyi ntsin hpe la lu mu,” ngu nna shanhte hpe ngai tsun we ai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

MAHTE 23:25

“Hpyi hpun ai Tara sara ni hte Hparishe ni e, nanhte dingnye lu myit dai! Nanhte gaw nanhte a gawm hte shat wan re ai ni a shinggan maga hpe jasan jaseng mu ti mung, nanhte a myit kata de gaw kashun kashe hte tinang a akyu tam ai n tara ai hte hpring chyat rai nga malit dai.

MAHTE 23:26

Myi kyaw ai Hparishe ni e! gawm hte shat wan ni a kata maga hpe shawng jasan jaseng mu, shing rai yang shinggan maga mung san seng wa na ra ai.

MAHTE 27:24

Pilat mahtang gaw, hpa hku mung n dang lu ai hte kabring kabrawng byin wa na masa hpe mu ai majaw, ntsin la nna shawa ni a man e lata hpe kashin let, “Ndai wa si ai gaw ngai hta lit n nga ai, ndai gaw nanhte galaw ai she rai malit dai,” ngu mu ai.

MARKU 7:8

“Nanhte gaw Karai Kasang a hkang da ai ga hpe kau da nhtawm, masha a ga madat hpe sha hkan nga myit dai,” ngu mu ai.

YAWHAN 2:6

Dai yang e, Yuda masha ni a jasan jaseng ai lam galaw na matu tawn da ai galan 20 hte 30 shang ram re ai hka bang ai nlung yam kru shadun tawn nga malu ai.

YAWHAN 3:25

Yawhan a sape nkau mi gaw, nawku htung lai hku kashin kamun ai hte jasan jaseng ai lam hte seng nna Yuda masha langai mi hte ndang kalang hkat ma ai.

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.