MARKU 7:37 - Jinghpaw Common Language Bible 2009

³⁷ Dai byin ai lam hpe na lu ai masha yawng mayawng gaw nachying wa mau mahka mat ma ai rai nna, “Shi gaw lam yawng mayawng hte hpe mai kaja ai hku galaw lu nga ai! Na lahpang ai ni hpe na lu shangun nna, n chye shaga ai ni hpe ga tsun shangun lu ai!,” nga nna tsun shajang ma ai.

Jinghpaw Hanson Version Bible

³⁷ Shanhte mung nachying wa mau mahka mat ma ai rai nna, “Shi yawng mayawng hte hpe mai kaja ai hku galaw lu ai: na lahpang ai ni hpe na lu shangun nna, n chye shaga ai ni hpe ga tsun shangun lu ai,” nga ma ai.

MARKU 7:37 ပူးပေါင်းရင်းမြစ်များ

NINGPAWT NINGHPANG 1:31

Karai Kasang gaw shi galaw da sai amu yawng mayawng hpe yu yu nna, grai myit sharawng awng nga wu ai. Shana lai mat wa nna jahpawt du nga sai, dai gaw kru ya nhtoi rai nga sai.

SHAKAWN KUNGDAWN 139:14

Nang gaw hkrit hkungga mai ai Madu rai nga ndai majaw, ngai nang hpe shakawn kungdawn nga nngai. Nang galaw ai lam yawng mayawng mung laklai ai mauhpa amu ni rai nga ai hpe nye a myit masin mahkra hte chye nga nngai.

ESAIA 29:18

Dai nhtoi du ai shaloi, na lahpang ai ni gaw laika ja ja hti ai nsen na lu na ra ai, nsin kata nga nga ai myi n mu ai ni mung shanhte a myi ni hpaw wa nna mu lu na mara ai.

MAHTE 9:32

Dai yan pru mat wa jang, masha nkau mi gaw n chye shaga ai nat kap ai masha langai mi hpe shi kaw woi jashawn mu ai.

MARKU 1:27

Masha ni yawng mung mau mahka mat nna, “Ndai gaw hpa rai nga a ta? Sharin shaga ai lam ningnan lama mi rai nga a ni? Ndai masha wa hta n seng ai nat ni hpe hkang da ai lam ni jaw na daru magam ahkang aya nga nga ai rai nna, shanhte shi hpe madat mara nga ma ai,” nga nna shada da tsun ma ai.

MARKU 2:12

Shanhte yawng la yu nga ma yang, dai masha wa rawt nna, shi a yup ra rai hta hpai let tin tin pru mat wa ai. Shanhte yawng mau mahka mat ma ai hte, Karai Kasang hpe shakawn kungdawn let, “Anhte galoi mung ndai zawn re ai n mu yu ga ai,” nga nna tsun ma ai.

MARKU 4:41

Shanhte mahtang hkrit kaba hte hkrit mat ma ai rai nna, “Ndai wa gaw kadai wa re ai i? Dai nbung hte hkaleng ni pyi shi a ga madat nga ma hka!,” nga nna shada da tsun shajang ma ai.

MARKU 5:42

Shaloi jang, dai mahkawn gaw rawt nna gawam hkawm hpang wu ai. (Shi a asak gaw shi lahkawng ning rai nga lu ai.) Shing rai byin ai shaloi, shanhte grai mau mahka mat ma ai.

MARKU 6:51

Dai hpang dai li de, shi shanhte kaw shang nna dai nbung num mat wa ai, Sape ni nachying wa mau mahka nga ma ai.

MARKU 7:36

Dai hpang Yesu gaw, dai lam kadai hpe mung n tsun dan mu ga, masha ni hpe ginhtim da mu ai. Rai ti mung, je ginhtim magang je tsun hkai dan shajang ma ai.

MARKU 8:1

Dai hpang gade nna yang masha wunawng kaba mi bai sa du zuphpawng nga ma ai. Shanhte hta shahpa, hpa mung n lu mat ma ai shaloi, Yesu gaw shi a sape ni hpe shi hpang de shaga la nna,

LUKA 23:41

An gaw tinang a mara majaw hkrum ging ai hte maren, daw dan ai hkrum ga ai: ndai wa chyawm gaw, n sun n ang shut ai amu hpe mung n galaw ai wa rai nga ai,” nga nna dai wa hpe daru let htan wu ai.

KASA 14:11

Shing rai Pawlu galaw ai amu hpe shawa masha ni mu jang, shanhte gaw Lukaoni ga hte, “Hpara ni, masha hkum hkrang dagraw nna, anhte hpang de yu hkrat wa mara ai,” nga nna jahtau ma ai.